Œзбекистон республикаси

5. ТАЛАБАЛАРНИНГ КАСБИЙ КОМПЕТЕНТЛИГИНИ БАҲОЛАШ МЕЗОНЛАРИ

Таълим олувчиларнинг билим, кўникма ва малакаларини баҳолаш мезонлари ҳамма вақт баҳс талаб мавзу бўлиб келган. Чунки у турли адабиётларда турлича ёритилган. Бироқ мавжуд қарашларни умумлаштириб айтиш мумкинки, таълим олувчиларнинг билим, кўникма ва малакаларини баҳолаш мезонлари ҳар бир фаннинг мақсад ва вазифаларига, шунингдек, гуруҳдаги таълим олувчиларнинг ўзлаштириш даражасига таянган ҳолда белгиланади.

Назорат таълим олувчининг билим, кўникма ва малакалари даражасини аниқлаш ва баҳолаш жараёнини англатади.
Назоратнинг тарбиявий аҳамияти шундан иборатки, талабалар текширишга тайёр бўлиш учун машғулотларни ўз вақтида тайёрлайдилар, бўш вақтларидан унумли фойдаланишга ҳаракат қиладилар, интизомга ўрганадилар.
Шунингдек, текшириш ва баҳолаш талабанинг ўз билимлари ва қобилиятларини ўзи мустақил аниқлашига ҳам ёрдам беради. Ўзидаги камчиликларни кўра олишга ва уни тугатиш йўлларини излашга кўмаклашади. Агар назоратнинг ўқитиш ва тарбиялаш вазифалари тўғри амалга оширилса, шахснинг тафаккурини ривожлантириш ҳамда ҳис-туйғулари ва ахлоқий сифатларини тарбиялашга имкон туғилади. Бу ўз-ўзидан назоратнинг ривожлантирувчи вазифаси саналади.
Талабанинг “Тикувчилик буюмларини конструкциялаш” фани бўйича бажариладиган техник-технологик топшириқ вариантлари бўйича талабаларнинг билим, кўникма ва малака ҳамда педагогик фаолиятдаги касбий компетентлигини баҳолашда қуйидаги мезонларга асосланиши тавсия этилади:
1-турдаги топшириқ учун – 20 балл
2-турдаги топшириқ учун – 10 балл
3-турдаги топшириқ учун – 25 балл
4-турдаги топшириқ учун – 25 балл
5-турдаги топшириқ учун – 20 балл
Шунда талаба барча топшириқлар бўйича 100 баллик рейтинг тизими бўйича педагогик фаолиятда талабанинг касбий компетентлигини шаклланганлик даражасини баҳолай олиш мумкин бўлади. Талабалар томонидан амалга оширилган топшириқлар вариантлари, шунингдек, уларнинг фаолиятида шахсий ва касбий сифатлар, хусусан, техник-технологик, ишлаб чиқариш ҳамда педагогик маҳорат, билимлилик, дунёқарашнинг кенглиги, ижодкорлик, ташаббускорлик, ташкилотчилик, нутқ маданияти, педагогик одоб, педагогик метод ва ҳоказо сифатларнинг намоён бўла олиш даражасига кўра талабалар касбий компетентлигини шаклланганлик даражасини баҳолаш қуйидаги мезонлари ишлаб чиқилди ҳамда қўлланилди: