Œзбекистон республикаси

 
Виброметрлар 
Частотани улчаш виброметрлари - частотамерлар вибрация таъсиридан 
тебранма ҳаракатдаги объект ёки асосларнинг тебраниш частоталарини тажриба 
орқали бевосита аниқлаш учун хизмат қилади. Қуйидаги 17- расмда резонанс 
принципига асосланган частотамер схемаси келтирилган.

---

36 
 
17-
расм. Частотамер схемаси
.
 
Частотамер асосий корпусга махкамланган ҳар хил узунликдаги юпқа 
пластинкачалардан ташкил топган. Барча пластинкачалар учларига қўшимча 
массалар махкамланган. Пластинкачалар узунликлари ҳар хил бўлганлиги 
сабабли хусусий частоталари ҳам турлича бўлади (улар олдиндан ҳисоблаб 
қўйилади). Частотамернинг корпуси тебранаётган бино ёки иншоотга ўрнатилади. 
Бино ёки иншоотга ўрнатилган частотамер натижада объект билан бирдай 
тебранади. Хусусий частотаси объект частотасига яқин бўлган пластинкачалар 
катта амплитуда билан тебрана бошлайди ва у пластинкача резонансга тушади. 
Ўлчанаётган частота шундай аниқланилади.
Одатда иккита қўшни пластинкача хусусий частоталар фарқи 0,5 Гц бўлиб, 
ўлчаш жараёнидаги йўл қўйиладиган хатолик шундан ошмайди. Частотамер 
ўлчаш диапазони кенг бўлмасдан, у 10-20 Гц ни ташқил қилади.
Инерцион типдаги (сейсмик) вибрографлар.
 
Бундай вибрографлар тебранма ҳаракатдаги объектлар нуқталарининг 
кўчиши ёки буралиш бурчагини қайд қилишда қўлланилади. Ушбу прибор аслида 
массаси m бўлган пружинага осилган юкнинг тебранма ҳаракатидан фойдаланиб 
қайд қилишига асосланган. Аслида уни эркинлик даражаси бирга тенг бўлган 
механик система деб қараш мумкин бўлиб, приборнинг схемаси қуйидаги 18-
расмда келтирилган.
18-
расм. Вибрографнинг принципиал схемаси.
 

---

37 
Расмдан кўриниб турганидек, прибор (1) корпуснинг юқори қисмига (2) 
пружина ёрдамида осилган юк (3) (сейсмик масса) вибрографнинг асосий 
элементи ҳисобланади. Виброграф корпуси тебраниши ўрганиладиган 
конструкцияга маҳкамланади. Бу ҳолда пружинага осилган масса кинематик 
таъсир натижасида тебранма ҳаракатга келади. Корпус доимий равишда объект 
билан биргаликда тебранади, юк эса инерцияси туфайли тинч ҳолатини сақлашга 
интилади. Лекин кинематик таъсирдан юк ҳам тебранади. Унга махкамланган 
қалам айланувчи барабанга (4) тегиб туради ва тебраниш жараёнида қалам 
барабанга ўралган қоғозга тебранишнинг эгри чизиғини чизади.
Маълумки, m массали юк мажбурий тебраниш амплитудаси (динамик 
салқилик) қуйидаги ифода орқали аниқланади.
2
2
1
ω
Θ
−
=
cm
y
A
Прибор иш жараёнида юк қўзғалмаслигини таъминлаш учун махраждаги 
нисбат мумкин қадар катта олиниши лозим. Шунда приборнинг нормал иш 
шароити таъминланади.