Œзбекистон республикаси

16 - 
расм. Мувозанатлашмаган айланувчи қисми бўлган машинанинг пойдеворга бикр 
(
а) ва пружина орқали (б) маҳкамланиши.
 
Ушбу расмда m массали машинанинг пойдеворга икки хил усулда 
жойлаштирилиши кўрсатилган. 16,а-расмда машина пойдеворга қаттиқ 
махкамланиши, 16,б-расмда пружина орқали маҳкамланиши кўрсатилган. Иккала 

---

35 
ҳолда машина ишлашидан пойдеворга тебранишнинг узатилиши физик 
жараёнини кўриб чиқамиз. Биринчи усулда машина пойдеворга қаттиқ 
маҳкамланганлиги сабабли у ҳаракатлана олмайди ва пойдеворга куч бутунлигига 
узатилади. Иккинчи усулда машина пружина таянчларга жойлаштирилганлиги 
сабабли пойдеворга машина томонидан таъсир кучи пружиналарнинг эластиклик 
кучига тенг бўлади. Машинада пружина таянч орқали пойдеворга узатиладиган 
кучнинг улуши қанча кичик бўлса, машина вибрациясининг зарарли таъсири 
шунча кам бўлади. Умуман мувозанатлашмаган айланувчи қисми бўлган машина 
ёки бошқа ускуналарнинг конструкцияларга зарарли таъсири "узатиш 
коэффициенти" орқали баҳоланади, яъни у пойдевор ёки бошқа таянч 
конструкциясига узатиладиган куч қийматининг уйғотувчи куч миқдорига 
нисбати билан аниқланилади. Бундай ҳолда таянч пружиналарини шундай танлаш 
лозимки, бунда вибрация манбаи бўлган машина ёки механизмнинг хусусий 
частотаси уйғотувчи кучникидан жудаям кичик бўлсин ёки бошқача айтганда 
пружиналар жудаям "юмшоқ" бўлиши керак.
Одатда вибрациядан ҳимоя усуллари икки хил: актив ва пассив ҳимоя 
усулларига ажратилади. Актив виброизоляциянинг асосий мақсади вибрация 
манбаи бўлган машина ёки механизмлардан таянч конструкцияларига 
узатиладиган динамик таъсирни камайтиришдан иборат.
Актив виброизоляцион тизимни лойиҳалашда машина ёки механизм динамик 
таъсир характери муҳим ўрин тутади.
Пассив виброизоляция аниқлиги жуда юқори бўлган приборлар, презицион 
станоклар, ишчи майдончалари ва шу кабиларни таянч конструкцияларининг 
зарарли таъсиридан ҳимоя қилишга қаратилган. Бу ҳолда таянч конструкциялар 
тебраниш характерини билиш муҳимдир.