Zbekiston respublikasi

 
  

---

42 
 
    II BOB.    YANGILANISH JARAYONIDA POETIK OBRAZ JILOSI.
 
                     II.I POETIK OBRAZ VA G‘OYA UYG‘UNLIGI. 
 
“1990  -  yillar  she’riy  tafakkuridagi  chin  yangilanish  2000  -  yillar  shoirlari 
ijodida  sifat  jihatidan  yuqori  bosqichga  ko‘tarildi.  Bu  davr  she’riyati  qandaydir 
buyurtmadan butunlay yuz o‘girib, shaxsning fikri va hislarini rasmiy tushunchalar 
changalidan  chiqarishga,  obrazlar  va  fikr  mustaqilligi  hamda  ko‘ngil  erkini  oliy 
haqiqat hisoblab yashashga undadi”
12
. 
Shu  o‘rinda  san’atda,  obraz  masalasiga  qisqagina  to‘xtalib  o‘tsak.  Bu 
ijodkornig  estetik  qobilyati,  badiyat  va  mahorat  bilan  bog‘liqlikdagi  namoyon 
bo‘ladigan  jarayon.  Yangi  obraz  -  bu  ijodiy  niyatlar,  badiiy  falsafiy  g‘oyalar  qay 
tariqa,  qanaqa  yangi  shakllarda  ifodalanadi  degan  gap.  Shunday  ekan,  ko‘ngilda 
tug‘ilgan ijodiy maqsadni g‘oyat xilma-xil yo‘sinlarda, hali uchramagan obrazlarda 
aks  ettirish  mumkin.  Bu  esa,  nihoyatda  qiyinchilik  bilan  va  amalga  oshadigan 
hodisadir.  Shuni  takidlab  o‘tishimiz  kerakki  ijodkor  asarlaridagi  yangi  obrazlar 
estetik  idealning  rangin  qirralarini  yoritishga  xizmat  qiladi.  Xo‘sh,  bu  jarayon 
istiqlol davri she’riatida qay darajada amalga oshirilyapti, ijodkorlarning yutuq va 
kamchiliklari  nimalarda?  Fikrlarimizni  mustaqillik  davri  o‘zbek  she’riati  bilan 
bog‘lagan holda davom ettiramiz.  
Istiqloldavri  she’riyati  nihoyatda  mavzular  erkinligi  bilan  e’tiborni  tortadi. 
Ayniqsa,  obraz  yaratishdagi  shakliy  erkinlik  mazmuniy  erkinlik  bilan 
uyg‘unlashib,  yuqori  saviyadagi  she’riy  durdonalarning  dunyoga  kelishiga  sabab 
bo‘ldi.  Milliy  she’riyatimiz  o‘z  zaminidan,  o‘z  ildizlaridan  uzilmagan  holda 
adabiyotdagi ilg‘or tajribalardan bahramand bo‘la boshladi. 
 
Shunday  shoirlarimizdan  biri  Shavkat  Rahmondir.  Shavkat  Rahmon  lirikasi 
betakror  obrazlar  silsilasi  mavjuddir.  Shoir  har  bir  fasl,  tog‘,  daraxt,  soy,  oy, 
yulduz,  bulut,  giyoh,  xazon,  bog‘,  gul,  qush,  kapalak,  dengiz,  o‘rmon,  bo‘ri,  tun, 
ko‘z,  quyosh,  yer  kabi  obrazlar  zamiriga  yangi-yangi  ma’nolarni  jo  etadi, 
favqulodda  fikrlar  aytib,  kutilmagan  hayotiy  xulosalar  chiqarishi  bilan  o‘zigacha 
                     
12
Ulug‘bek  Hamdam Yangi o‘zbek she’riyati“Adib” Toshkent– 2012
 

---

43 
 
bo‘lgan  shoirlaridan  farq  qiladi.  O‘z  fikriga  o‘quvchini  ergashtirib,  uning  hissiy, 
aqliy quvvatiga ta’sir etib, she’rning umumiy pafosiga uni ham sherik qiladi. Shu 
bois aytish  mumkinki, shoirning har bir yaratgan yangi obrazi  - yangi bir betakror 
hilqat sanaladi! 
Olim  B.Sarimsoqov  ta’kidlaganidek:  “Obraz  mohiyatiga  ko‘ra  harakatdagi 
voqelikdan  iborat”
13
,-deydi.  Bu  voqelik  ijodkor  ongida  qayta  idrok  etilib, 
dunyoqarash  va  idealga  uyg‘unlashtirilib,  so‘ng  obraz  sifatida  yaraladi.  Har  bir 
obrazda hayotning bir parchasi, qandaydir voqelik, ruhiy  holat botin bo‘ladi. Endi 
mazkur  obrazning  qanchalik  tabiiy,  go‘zal,  jozibali,  hayotiy,  favqulodda  yaralishi 
ijodkor  shaxsning  ruhiy  olami,  hissiy  va  aqliy  qudrati,  darajasi  va  estetik  idealiga 
bog‘liq.  “Ana  shularning  hammasiga  g‘ayb  bir  payg‘om  -  ilhom  ham  qo‘shilsa, 
to‘g‘rirog‘i, asos bo‘lsa, asar barkamol, badiiy mukammal chiqadi.”
14
 
Shavkat  Rahmon  lirikasida  shu  qadar  original  obrazlar  mavjudki,  har  bir 
qo‘llangan  obraz,  ikkinchi  yo  uchinchi  she’rda  o‘zga  ohang  (ha,  ohangi  ham 
o‘zgaradi!) va ma’no ramz falsafani akslantiradi. Shu o‘rinda aytib o‘tish kerakki, 
uning  she’rlarida  obrazlarning  shakllanishida  detallarning  o‘rni  katta.  Shoir 
avvaliga  biror  detalni  qo‘llab,  unga  ma’lum  vazifa  yuklagan  bo‘lsa,  she’rdan- 
she’rga  uning  ma’no  ko‘lami  kengayib,  obrazga  aylanadi,  ya’ni  obrazning  obraz 
bo‘lib shakllanishida uning detallik bosqichi ahamiyatlidir. Ana shunday detaldan 
o‘sib chiqqan obrazlardan biri oydir. 
 
Oygulladi. Osmontoqiga, 
Yulduzlarnikimdirqoqadi. 
O‘zanlarda sokin to‘lg‘anib, 
 Tag ‘in quyuq kunduz oqadi. 
 
       Oy  haqida  mumtoz  she’riyatlarimizdan  boshlab  shu  kungacha  yuzlab 
o‘xshatishlar  mavjud.  Lekin  bu  yerda  oyning  gullashi  -  atrofida  yulduzlarning 
                     
13
 I.G‘aniyev, N.Ofoqova, A.G‘aniyeva Shavkat Rahmon olami Toshkent 
“Akademnashr”, 2013 
14
 I.G‘aniyev, N.Ofoqova, A.G‘aniyeva Shavkat Rahmon olami Toshkent 
“Akademnashr”, 2013 

---

44 
 
guldek  ko‘rinishi  nihoyatda  go‘zal  topilgan  obrazdir.  Ko‘z  o‘ngingizda  darhol 
olma yoki shaftoli gulini yulduzday sochilgani namoyon bo‘ladi. Shu o‘rinda haqli 
bir savol tug‘iladi oy qanaqasiga  gulashi  mumkin?  Axir bu she’riyat haqidagi biz 
o‘qib o‘rgangan ongimizga joylashtirgan tasavvurlarni, qoliplarni inkor etyapti-ku? 
Demak, hamma gap adibning ongi va dunyoqarashida qolyapti. Qanday mavzu va 
yangi  obrazni  jilolantirmasin,  falsafiy-pisixologik  tahlil  eta  bilishida.  Tabiatning 
zafari  yoki  inqirozi  orqali  (shu  o‘rinda  insonni  nazarda  tutib  o‘tadi)  tiriklik 
falsafasini,  jamiyat  pisixalogiyasini,  umr  hikmatini  badiiy  mujassamlashtira 
olishda ekan.   
Shavkat  Rahmon  lirikasi  uchun  istioraviy  o‘xshatishlardan  keyin  obraz 
yaratish  an’ana-uslubga  aylangan.  Har  qanday  yangi  obraz  hayotiyligi,  joziba-
ta’sirini  ta’minlash  uchun  aniq  bir  makon  va  zamon  bo‘lishi  kerak.  Shavkat 
Rahmon  lirkasida  makon  va  zamon  masalasi  hamisha  tayin,  ishonchli,  faol. 
Chunki, har bir obrazda shoirning voqelik, hodisaga shaxsiy munosabati bor. Unda 
shoir dunyoqarashi, ideali, estetik olami mujassamlashgan. 
Shoir  lirikasini  sinchiklab  kuzatgan  shaxs  eng  ko‘p  uchraydigan  an’anaviy, 
ayni  paytda,  individual  obrazlarni  tez  payqaydi.  Bular  eng  xarakterli,  betakror, 
faqat  Shavkat  Rahmon  lirikasida  o‘zgacha  ma’no,  qirra,  ramz,  falsafa  aks 
ettiradigan  obrazlar:  it  (20);  qush(19);  xoin  (16);  bulbul  (15);  tog‘  (14);  qul  (10); 
daraxt (10); vaqt (9); ot (8). 
Ana  shu  faol  obrazlarni  shoir  har  bir  she’rda  yangi  bir  ma’noda,  yangi  bir 
fikr,  g‘oya,  tasvir,  hodisani  ta’sirchan  anglatish  uchun  o‘z  o‘rnida,  mantiqiy 
izchillikda,  hissiy  va  aqliy  quyuq  mushohada  bilan  istefoda  etadi.  Bu  orqali 
ma’naviy  qadriyatlarni  himoya  qiluvchi  umumbashariy  mazmundagi  xulosalarni 
chiqarib boradi. Badiiy fikrning mo‘jizakorligi shundaki, u shaxs va jamiyat siyrati 
bilan suvratini bir mag‘zning ikki bo‘lagi sifatida aks ettira olsagina, o‘z davrining 
yangi bosh obrazlaridan bo‘lib qoladi. 
Endi qushlar obraziga e’tibor qarating. 
 
      

---

45 
 
      Qushchalar, sayroqi qushchalar  
       Qafasda bo‘g‘ilib sayrashar, 
       Betoqat tipirlab simlarga 
       O ‘ralgan olamga qarashar... 
 
Bu misralar ham daf’atan erksevar shoir Abdulhamid Cho‘lponning 1924 yili 
yozilgan  “Qushning  hadigi”  she’rini  esga  soladi.  Unda  “ulug‘  zehniyat”  bilan 
qurilgan qafasga o‘zini urib, chirqillayotgan qush obrazi tasvirlangan. Bu qushning 
yodi-hayoli dalalarda, o‘rmonlarda erkinlikda. Shu bois u shiplarga yalinadi, tomni 
teshib  chiqmoqchi  bo‘ladi,  o‘zini  devorlarga  uradi.  Ammo  atrof  karaxt,  hissiz 
devorlarning  sezgisi  yo‘q,  tuyg‘usi  yo‘q,  tovush  bermas.  Tegra  -  butun  ruhsiz 
gavda: “Nechun mundoq bo‘lding?”-demas. 
Qushlar  -  erkinlik,  hurriyat,  ozodlik  ramzi.  Ana  shu  sayroqi  qushcha-erkin 
kuylaguvchi,  ozodlikni  sog‘ingan  lirik  qahramon  qafasda,  bu  ham  etmagandek, 
bo‘g‘ilib sayrar! Uning ovozi - yurt, shoir, elining ozodlik ramzi. Bu erda qushcha 
huddi Cho‘lpon she’riyatidagi singari istioraviy obrazga aylantirilgan. U butun bir 
xalq,  millat,  lirik  qahramon-shoir  qalbi,  erki,  o‘zligi.  Ammo,  Shavkat  Rahmon 
Cho‘lponni  shunchaki  boshqacha  shaklda  takrorlamasdan,  qush  obrazini 
rivojlantiradi.  “Qushning  hadigi”da  qush  o‘z  holiga  achchiq-achchiq  bo‘zlasa, 
o‘zining  hurlik  chog‘larini  sog‘insa,  Shavkat  Rahmonda  qush  bitta  emas,  ular 
ko‘pchilik.  Ikkinchi  tarafdan  esa:  Qushchalar,  ozodruh  qushchalar  Olamdan  ko 
‘zlarini uzmaydi, Chirqirab o ‘zlarin holimas, O‘zgalar holiga bo ‘zlaydi. 
Ha, bu qushchalar o‘z holiga emas, o‘zgalar holiga bo‘zlaydi. Ular ozod ruh, 
ha, ular jismonan qafasda bo‘lsa ham, ruhan ozod. Go‘yo inson qamoqda bo‘lgani, 
qo‘li  kishan,  zabun,  xor  bo‘lgani  bilan,  ongda,  fikran  ozod  bo‘lganidek,  chunki 
uning  fikrini  kishanlash  imkonsiz-da!  Qafasning  o‘zi-ku  cheksiz  bir  zulm,  shu 
zulm  simlari  ichidan  munavvar  olamni  ko‘rib,  bu  erkin,  ozod  olam  bilan  o‘zini 
qiyoslash  azobichi?!  “Lirik  qahramonning  o‘zi  qafasda,  mahkum,  lekin  yana  o‘z 
holiga  emas,  o‘zgalar-millatdosh,  jabr,  zulm,  zo‘ravonlik  ko‘rsatayotgan 
zamondoshlari  uchun bo‘zlaydi. Bu  lirik qahramon barcha zamonlarda ham boshi 

---

46 
 
ustida turgan qilichdan aslo qo‘rqmay, zulmga qarshi so‘z bilan keskin, murosasiz 
kurashgan o‘tyurak, qaysarruh shoir Shavkat Rahmon edi.”
15
 
Fikrimizning  yana  bir  jihatini  ilmiy  ishimiz  bilan  bog‘lab  tasdiqlab  o‘tamiz. 
Faqatgina qushni olaylik. Aslida erkinlikda yashash uning hayot tarzi. Shu tariqa u 
o‘zini  ozod  his  qiladi.  U  shu  yo‘l  bilan  o‘zining  yashashga  haqqi  borligini 
tasdiqlaydi.  Biz  qushni  ojiz  kuch  deb  hisoblar  ekanmiz,  u  odamlarni  kim  deb 
biladi?  Nima  uchun,  biz  faqat  o‘z  manfaatlarimizdan  kelib  chiqib  mushohada 
yuritamiz,  xulosalar  chiqaramiz?  Lekin  “Qush’’  manfaatlarini  hisobga  olgimiz 
kelmaydi.  Uni  qafasga  qamash  payida  bo‘lamiz.  Inson  oiliy  haqiqat  ekan,  qush 
ham  odamlarni  xushyorlikka,  sezgirlikka  undovchi  mavjudod.  Nega  qushning 
tiriklik falsafasi badiiy tadqiqot obyekti bo‘lishi mumkin emas? Shu ma’noda, qush 
ham bugungi sheriyatnig obrazi bo‘lishi mumkin.   
 
           Yana yaproq yozgan daraxtga, 
           Atirgulga do‘narsan nuqul. 
           Kechalari chap ko‘kragingda 
           Qafasini sindirar bulbul. 
 
        Bulbul - bezovta qalb obrazini ifodalamoqda. Shunday kunlar keladiki, go‘yo 
yaproq  yozgan  daraxtdek  baxtga  to‘lasan,  go‘yo  “atirgulga  do‘nasan”-go‘zallik 
ramziga  aylanasan  demoqchi.  Ho‘sh,  bu  qanday  kun?!  She’rning  biror  satrida 
bunga  aniq  ishora  yo‘q.  Lekin  Shavkat  Rahmon  ijodining  estetik  ideali, 
dunyoqarashi  va  maqsadidan  mazkur  kunning  nomini  topish  mumkin.  Bu  - 
Ozodlik, erk kuni, Turkiston va turkiylar hurlikka erishgan kun.  
         She’riyatning  bosh  o‘rganish  obyekti  inson,  deymiz.  Bu  hech  kim  inkor 
etmaydigan  asl  haqiqat.  Endilikda  mushdekgina  yurak  she’riyatimiz  ko‘z  tikkan 
asosiy maydon bo‘lib qoldi. Yurakda kechayotgan azoblarning ranglarini, nimtatir 
tabassum  to‘lqilarini,  qiynoqlarning  ohanglarini,  o‘y  xayollar  shevasini,  bir  so‘z 
bilan  aytganda  ko‘ngil  she’riyatimizning  qon  tomiri  bo‘lib  qoldi.  Yuqoridagi  biz 
                     
15
 I.G‘aniyev, N.Ofoqova, A.G‘aniyeva Shavkat Rahmon olami Toshkent 
“Akademnashr”, 2013 

---

47 
 
keltirgan baytlar o‘zida o‘zgachlikni ifodalagan obrazlari bilan ham ahamiyatlidir. 
Davrlar  osha  yashab  kelayotgan  yurak  haqidagi  nuqtai-  nazarlardan  butunlay  farq 
qiladi.  Bu  she’r-shoir-jamiyat  masalasida  yangi  nuqtai-nazari,  yangi  tushuncha, 
yangi  nigohi  ila  badiiy  tafakkur  madaniyatida  shoir  o‘zgacha  yo‘nalish  yaratdi, 
deganidir.  Bu  esa,  san’at  asarlarini  tushunish  tushuntirish  va  baholashda  ham 
estetik mezonlarni o‘zgartirdi, yangiladi deganidir. Shavkat Rahmon she’riyatidagi 
poetik  obrazlar  va  timsollarning o‘ziga  xosligi  ular  zimmasidagi   yangi  ma’nolar 
mohiyatidan  anglaymiz.  Shavkat Rahmon  so‘zning  obrazi  ma’no  jilvalarini  kashf 
etishda  o‘ziga  xos  betakror  mustaqil  yo‘lga  ega  bo‘lgan  shoirdir.  Shoir  yangi 
shaklda,  yangi  obraz  ko‘rsatish  uchun  tinmay  izlanar  ekan,  har  birimizga  tanish 
so‘zlar zimmasiga yangi obraz va chuqur ma’nolar yuklaydi. 
“Ijodkor  ko‘pincha  o‘z  estetik  idealini,  bosh  obrazini,  badiiy  g‘oyasini 
tabiatdan olingan ramzlar  vositasida ifoda  qiladi. Har bir shoirning poetik olamini 
ko‘rsatadigan  betakror  yangi  obrazlari  bo‘ladi.  Deylik,  “Binafsha  senmisan, 
binafsha  senmi”  deganda  Cho‘lpon  esga  keladi.  “Na’matak”  Oybekdan  darak 
beradigan  obraz.  “O‘rik  gullaganda”-  Hamid  Olimjon  ta’biri,  “Majnuntol  tagiga 
o‘tqazing  meni”-Mirtemirning  shoh  satri.  Bunday  obrazlar  gohida  shoir 
dunyosining  belgilovchi  xususiyatidek  taassurot  qoldiradi.  Shavkat  Rahmon 
she’rlarida  “tog‘”  obrazi  ko‘p  uchraydi.  Shoirning  “Uyg‘oq  tog‘lar”  degan 
to‘plami, “Yosh tog‘lar”, “Sulaymon  tog‘i etagidagi o‘ylarim”  nomli tog‘lar bosh 
obraz  qilib  olingan    she’rlari  bor.  “Uning  she’rlarida  “tog‘larning  musaffo  qori” 
ko‘zga tashlanadi, uning obrazlaridagi tog‘larda tog‘lar so‘zlaydi; “tog‘lar - abadiy 
cho‘kkan nortuyalar”ga o‘xshatiladi. Bu bilan esa, yangilangan, jilolangan obrazlar 
yaratiladi,  shoir  tog‘larning  guldirosini  eshitadi  va  hatto,  she’riyatimizda  hech 
uchramagan  yangi  obraz  (kashfiyot  ham  deyish  mumkin)  tog‘larning  “ko‘zini 
topadi”.
16
 
Shavkat Rahmon she’riyatida tabiatning har bir bo‘lagi, har bir she’rda biri 
ikkinchisini  takrorlamaydigan  yangi  qirralari,  uchinchisi  to‘rtinchisidagi  o‘zga-
o‘zga,  yangi  ma’no,  ramz  va  obrazlarni  tashiydi,  jonlantiriladi.  Birgina  tog‘ 
                     
16
 Shavkat Rahmonni xotirlab B. Karimov, Shoirning o`tkir so‘zi-
Toshkent.:”Sharq” 2012. 129-bet. 

---

48 
 
obrazining o‘zini rang-barang ma’nolarda qo‘llaydi. 
Tog‘  -  mag‘rurlik,  yomonliklarni  to‘sguvchi,  sabrli,  g‘am-alamni 
ko‘taradigan, oh, ux chekayotgan shaxs obrazidir, u - bahodir, u - tarix, qanoat, u - 
go‘zallik, u - qalqon, u - yovdan himoya, u - hasratdan ulg‘aygan qoya obrazlarini 
namoyon  etadi.  Bu  obrazlardan  mustaqillik  davri  o‘zbek  she’riyatida  keng 
foydalaniladi. Masalan: 
                                                Tog‘ xo‘rsinib yubordi og‘ir – 
                                                Vodiylarga yugurdi shamol, 
                                                Yuzlarini yashirdi hilol. 
                                                Tog‘ xo‘rsinib yubordi og‘ir  
                                                 Mog‘lar kabi xo‘rsinmoqkerak. 
 
Tog‘ning  xo‘rsinig‘i-shamol.  Bu  obraz  she’riyatimizda  hali  uchramagan, 
ishlatilmagan  yangi  fikrdir. Mana shuning o‘ziyoq kutilmagan  yangi obraz paydo 
bo‘lganidan  darak  berib  turibdi.  Tog‘  nega  og‘ir  xo‘rsinadi,  bu  qanday  sodir 
bo‘ladi?  Bunda  ham  yangi  ma’noli obraz bor. Chunki she’r, aslida, bahor  haqida. 
Qishdan, qor-u ayozlardan zerikkan tog‘ og‘ir xo‘rsinib yuboradi. Bu xo‘rsiniq esa 
shamolga aylanib, vodiylarga yugurib, butun borliqni uyg‘otib yuboradi. Hilol ham 
endigina  boshlangan  yangi  faslning    obrazli  ko‘rinishidir,  u  yuzini  bulutlar  bilan 
yashiradi.  Bularning  hammasi  esa,  shubhasiz,  bahor  manzaralari.  Tozargan 
havolar,  bulutlarning  shaffof  hijobi  ortidan  maftunkor  boqib  turgan  hilol, 
vodiylarda  o‘ynoqi  bolakayday  yugurib  yurgan  mayin  sabobularninig  o‘xshatishu 
obrazlaning  bari  esa  yurakni  uyg‘otib  yuboradi.  Xo‘rsinsang,  bahorni  boshlab 
kelgan  tog‘day  xo‘rsinging  keladi!  Xullas,  shoir  talqinidagi  tog‘  obrazi  bu-  tush 
misoli  tutib  va  yetishib  bo‘lmas  erk,  haqiqatga  erishish.  Bu-  fikr-tuyg‘u-ruh 
erkinligi demak. Shu jihatdan ham shamol zimmasiga g‘oyat aniq va teran manolar 
yuklaydi.  Chunonchi  shamol  bu-erk  obrazi.  Shaxs  erki  millat  va  Vatan  ozodligi, 
fikr  va  ruh  erkinligi  ana  shu  shamol  obrazida  mujassamlashadi.  Shavkat  Rahmon 
obrazlari, timsollari, badiiy umumlashmalari orqali shamolning ana shu taxlit turfa 
ma’no qatlamlarini, yangi she’rning falsafiy-estetik tabiyatini kashf etib kelayotgan 

---

49 
 
istedod egasidir.  
Shavkat Rahmon ijodidagi bu estetik hodisaning o‘z ruhiy-psixologik asosi 
mavjud.  Nazarimizda,  shoir  esini  taniganidanoq  toqqa  nazari  tushgan,  tog‘  bilan 
yurgan,  tog‘  bilan  nafas  olgan.  Shu  ruhiy  asos  uning  she’rlariga  ko‘chib,  badiiy 
libos kiygan va jonli tog‘lar obrazi tug‘ilgan. Og‘ir kasallikka chalingan kunlarida 
ham u “tog‘larga ko‘chib ketish”ni istab yotadi. 

---

 
 
“Zilol  suvlar  jildirab  oqayotgan,  musaffo  havosi  rohat  bag‘ishlaydigan  tog‘larga 
o‘tov tikib yashashani orzu qiladi”.
17
 
Shu  o‘rinda  bir  rivoyatga  murojaat  etamiz.  Hakimlar  aytishadi:  “Mustaqim 
(to‘g‘ri  yo‘ldan  yurgan) kishi toqqa  o‘xshaydi.  Tog‘da to‘rt alomat bor:  u  issiqda 
erimaydi, sovuqda muzlamaydi, shamolda qimirlamaydi, sel oqizib ketmaydi.” 
Bu rivoyatni, tog‘ va inson obrazlarini istagancha sharhlash mumkin. Deylik, 
mustaqil  odam  maqtovlardan  taltayib  ketmaydi.  O‘zini  biladi.  Nojoiz  lafzlarga 
sukut bilan javob beradi. Nafsiga qul bo‘lib, uning shamollarida uchmaydi...”
18
 
Shavkat  Rahmon  she’riyatida  ham  ko‘pchilik  shoirlar  singari  armon  obrazi 
ham  bordirki,  u  bir  qarashda  ko‘zga  tashlanmaydi,  ba’zan  o‘z  nomi  bilan 
atalmasligi obrazlarning  jilolanishiga  sabab  bo‘ladi.  Shoir  she’rlarining  mutolaasi 
davomida uning aynan “Armon” deb nomlangan she’rini (1979 - yilda yozilgan 1 
ta she’ridan tashqari ) deyarli topmadik. Demak, gap uning nomida emas, hammasi 
mohiyatda,  obrazlarning  jilolanishi-yu,  qanday  ifodalanishida,  yangi  butunlay 
o‘zga ma’no anglatishida. 
Shoir  hech qachon “mana  mening armonim”, deb aytmaydi.  Agarda, bunday 
yo‘sinda aytganida ham she’rxon baribir unga ishonmasligi mumkin edi. Shu bois 
u  so‘z  ortiga  asl  so‘zni,  chin  haqiqatni,  haqiqiy  obrazlarni    yashirishni  ma’qul 
ko‘rdi.  Shoir  o‘tmishning  qora  kunlarini  eslab  yozgan  quyidagi  she’rlarini  tahlil 
qilamiz 
 Bunda har bir chechak, har bir giyohning 
Osmonni to ‘sguday haybati bordir. 
Bu diyor naqadar ulug‘ bo‘lsa-da  
 Ulkan odamlarga   naqadar zordir. 
 
Mana shu satrlarning o‘ziyoq shoir elkasini ezib  turgan  dardning,  millatidan 
chiqqan  katta,  jasoratli  odamlarni  ko‘rishdek  armonining  yaqqol  ifodasidir. 
Qolaversa,  xalqining  mash’um  urushni  ko‘rgani  va  uning  surati  asrlar  davomida 
                     
17
 Shavkat Rahmonni xotirlab B. Karimov, Shoirning o`tkir so‘zi-
Toshkent.:”Sharq” 2012. 
18
 Shavkat Rahmonni xotirlab B. Karimov, Shoirning o`tkir so‘zi-
Toshkent.:”Sharq” 2012. 

---

51
 
 
bobolar  ruhini  bezovta  qilajagini  og‘riq  bilan  yozadi  “Urush  suvrati”  nomli 
she’rida: 
              Qonga botgan dunyoni ko‘rib, 
               Azoblarga berolmasdan dosh. 
                       Ulkan, qizil quyosh har kuni  
                        Olib ketar uzoqlarga bosh. 
 
Quyosh-nur,  rizq,  iqbol  kabi  yangi,  butunlay  boshqacha  obrazni  ifodalaydi. 
Uning  bu  yerlardan  bosh  olib  ketishi,  yurtining  ma’lum  davrlar  ichida  ma’naviy 
nurdan  ayrilib  qolgani  shoirning  armoni  emasmi?  Bizning  bu  ma’noni  teranroq 
anglab olishimizga shoir qo‘llagan botayotgan quyosh obrazi katta yordam beradi. 
Xususan, har bir so‘z she’riyatda zimmasida tashigan obraziga ko‘ra turfa mazmun 
kasb  etadi.  Har  bir  shoir  she’riyatidagi  obrazlar  manosiga  qarab  bir-  biridan  farq 
qiladi.  Shavkat  Rahmon  she’riyatida  esa,  bu  yangi  bir  alohidalik  kasb  etadi.  
Demak,  Shavkat  Rahmon  poetikasida  metaforalar  va  majozlar  qo‘llab  yangi 
obrazlarga serqatlam ma’nodorlikka ega bo‘lgan ko‘rinishlarni vujudga keltiradi.  
Zamon  har  bir  shoirning  ko‘nglidagi  gaplarini  ochiq  aytishga  imkon  berdi. 
Shu  bois  chechaklar-u  giyohlardan,  toshlarning  gullashi-yu,  tog‘larning 
uyg‘oqligidan  shoir  siz  bilan  biz  o‘ylagandan  ko‘ra  ko‘proq  ma’no  istadi.  Ularni 
o‘z fikrlarini ifodalash vostasiga - timsol-u ramzlarga, badiiy obrazlarga aylantirdi: 
Shoir she’riyatini tadqiq etayotgan tatqiqotchi,  xususan biz  ham  undagi vaqt 
falsafasiga  be’tibor  o‘tolmaymiz.  Shoir  vaqtga,  hatto  uning  bolalariga  ham,  tom 
ma’noda,  sig‘inadi  va  qator  yangi  obrazlar  tizimini  shakllantiradi.  Har  daqiqa, 
lahza,  soniya  ham  uning  uchun  ahamiyatsiz  emas.  Shoirning  iqrori  shuki,  vaqt 
hech qachon  insonga qul bo‘lmaydi, u sizdan, bizdan tashqari chiqib ketish, ya’ni 
bizni tashlab ketish qudratiga ega. Bunda vaqtni o‘z vujudiga qamay olganlargina 
yutadi: 
                    Vaqt senga qul bo ‘lmas aslo,  
                     Undan kutma muruvvat, ta ’ma. 
                     Sig ‘in unga, yolvorgin, avra,     

---

52
 
 
                     Bir amallab vujudga qama. 
                     Qul bo ‘lolmas senga, baribir,  
                     Vaqt hamisha hushyor, jangari- 
                     Yorib tashlar jismingni nogoh,  
                     Chiqib ketar sendan tashqari. 
 
Shoir  vaqt  obrazini  talqin  qilar  ekan,  uning  har  bir  urinishida  daqiqa  obrazi 
yuzaga  chiqadi.  U  o‘sha  daqiqani  ham  mahkam  tutib  olgancha  yashashni, 
yashaganda  ham  dunyoning  barcha  qora  va  kir  narsalarini  o‘ldirib  yashashni 
istaydi: 
 
Yashamog‘im zarur har daqiqani  
G‘azab bilan, sevgi bilan to‘ldirib. 
Dunyodagi barcha qora narsani 
Yorug‘ lahzalarda o ‘ldirib. 
 
Umrining bir misqolini ham avaylab yashashga urinayotgan shoir ne bo‘ldiki, 
butun boshli asrdan (shunday katta  vaqt-a!) bezidi,  uning  tugashini  istadi. Nega  u 
aynan  yigirmanchi asrdan  kechishga tayyor?  Buning o‘ziga  xos sabablari bo‘lishi 
keraku? Ha, bu shunchaki yuz yil emas, bu dardlarga to‘lgan asr. XX asr shoir va u 
kabilarning  qalbini  iztirobga  to‘ldirdi.  Bu  davrda  o‘z  xalqining  g‘aflatidan, 
erksizligidan,  ma’nan,  ruhan  xo‘rlanishidan,  azaliy  qadriyatlarining  toptalishidan 
ezilgan shoirning ko‘zlari o‘zligini unutayotgan xalqni endi ko‘rishga toqati yo‘q, 
bu asrning bir soniyasini  ham yashashni istamaydi. Chunki qullikning bir soniyasi 
ham qullikdir: 
 
Yigirmanchi asr! 
Tashlab ket meni, 
Boqiy go ‘zallikni bilmas bu olam. 
 
 

---

53
 
 
Ming yilni yelkamda ko ‘tardim, 
Endi malol kelayotir soniyalar ham... 
 
“Soatga cho‘zilgan  har daqiqani” sog‘inib-sog‘inib  yashayotgan, “ulkan soat 
o‘rtasida”  madorsiz  turgan  shoirning  dushmanlari  endi  huddi  “to‘xtagan  soatlar 
misoli” juda olisda, keraksiz. Unutilgan, qadrsiz buyumday turgani uning diliga bir 
oz  bo‘lsa-da  taskin  beradi.  Bizningcha,  shoirning  xiyonat,  orsizlik,  g‘aflat,  qullik 
singari dushmanlarini aynan to‘xtagan soat obrazi orqali jonli ifodalashida ham bir 
hikmat  bor. 
 
Yashaging keladi... 
Faqat umrni 
qumsoat singari to ‘nkarib bo ‘lmas. 
 
 Qumsoat  obraziga  qarang,  agar  qumsoat  va  uni  qaytarib  to‘nkarib 
bo‘lmasligi  haqiqatni  aytmaganida,  shoirning  vaqt  va  umr  borasida  xulosasi 
bunchalik  rost  chiqmagan  bo‘lardi.  Bu  she’r    she’riyatning  g‘oyaviy  va 
obrazlanishning  yangi  ko‘rinishidir.  Lirikada  davr  ruh-kayfiyatini  ifodalash 
ehtiyoji bilan bog‘liq holda hayotiy voqealarning kuchayishi tabiiy ravishda uning 
poetik  obrazlarning  yangilanishini  taqozo  etdi.  Bu  talabga  esa  Shavkat  Rahmon 
birinchilardan bo‘lib, labbay deb javob berdi.  Natijada shoir she’riyatida o‘zgarish 
yuz  berib,  asrlar  davomida  amal  qilib  kelingan  poetik  qonunlarni  inkor  qilib, 
o‘zgargan mazmun mohiyatga mos yangi obrazlar dunyoga kela boshladi. Bu esa, 
nafaqat  shoir  ijodida  balki,  butun  she’riyatimiz  taraqqiyotida  yangi  bir  qadam 
bo‘ldi. 
 
Bu esa detalning kuchi. 
“Daryoga aylandim 
O‘ychan daryoga, 
Ruhimda qadimgi osoyishtalik. 

---

54
 
 
Qarimga berkitdim dolg‘alarimni, 
Ruhimga bo‘ysundi dunyo ishlari”
19
. 
 
Fikrning  daryoga  o‘xshashi  oqim,  dolg‘alarni  (xotira,  tarix,  munosabat,  ishq, 
nafrat, muhabbat va h.k) qa’riga olib, “berkitib” yurishibu ham tom ma’noda yangi 
obraz,  she’riyat  uchun  noyob  yangi  topilmalardan  biridir.  Insonning  “daryoga 
aylanishi” ham uning qadimdan mavjud bezovtaligi, shiddati, qudrati, sokinligi, bu 
sokinlik ichidagi yashirin imkoniyatiga ishora. 
 
O ‘ylayman yashamoq mohiyatini, 
qattiq nigohlarim osmon xatida. 
Vujudim sezmayman, lazzat olaman 
har fikr - ruhimning harakatidan. 
Biroq, o‘ j a r  kunduz tovlanar ekan, 
Yashil zamzamali yiroq tog‘lardan. 
Irmoqlar - jodugarpari qizlari 
boshlab kelar toshloq qirg‘oqlarimga, 
 
Shoirning  o‘zi,  fikridaryo  obraziga  singdirilgan  holda  namoyon  bo‘ladi.  U 
shu  sokin  oqim,  hayot  qa’rida  o‘z  umri,  kurashlarining  mohiyatini  sezadi,  ruhan 
yengil  tortadi-vujudim  sezmayman”,  uning  qalbi,  ruhi,  orzulari  bezovta.  “O‘jar 
kunduz” - har soat, soniyada holati o‘zgarib turadigan kunning daryoda jilolanishi, 
akslanishining  musavvirona  tasviri  Mazkur  o‘jar  kunduz  shu  qadar  zo‘r,  rango-
rang tovlanadiki, bunga sabab “yashil zamzamali yiroq tog‘lardan” uning harakat-
“fikr”  olishi.  Bu  yerda  tog‘ning  va  suv  obrazlari  ajoyib,  bir-biriga  uyg‘un 
zamzamani tashkil etishi - tabiiy go‘zalligi favqulodda go‘zal ilg‘angan. 
Zamonaviy      she’riyat  XX  asrning  so‘nggi  o‘n  yilligida  yangi  miqyos,  yangi 
kengliklarga  ko‘tarildi,  bu  davrda  har  bir  poetik  obraz  badiiy  g‘oya  bilan 
uyg‘unlashib  bordi.  Badiiy  psixologizm  tamoyillarining  teranlashishi,  mavzu 
                     
19
 Shavkat Rahmon. Gullayotgan tosh.-Toshkent.:1985 

---

55
 
 
doirasi va talqinida rang-baranglikka intilishning ortishi samarasi o‘laroq, ijtimoiy 
muhokama  o‘rniga  obraz  va  g‘oya  faolligi  kirib  kelishi  jarayonining  tezlashishi, 
shaxsiy  intim  kayfiyat  tasviri  ustivorligi  mustaqillik  yillarida  bir  qadar 
barqarorlashdi. Yuzaga kelgan ijodiy erkinlik sharoitida ko‘p qatlamli, ko‘p g‘oyali  
she’riyat takomili ko‘zga tashlanadi. Bu davrda shoirlar  g‘oyalar tizimi  bilan bir-
biridan farqlandi. Shoirlar u yoki bu satrlar bilan emas, she’riyat olamida obraz va 
g‘oya  uyg‘unligi,  bularning  rang-barangligi  va  teranligi  bilan  baholandilar. 
Timsollar  va  obrazlar  asosiga  qurilgan,  orginal  g‘oyalardan  iborat  she’rlar,  milliy 
g‘urur tuyg‘ulariga yo‘g‘rilgan publisistik asarlar, folklorning lirik jihatdan davom 
ettirayotgan,  uning  mundarijasini  bugungi  ma’naviy-axloqiy  masalalar  talqinlari 
bilan boyitayotgan asarlar dunyoga keldi. 
 Atoqli  shoirlarimiz  (Shavkat  Rahmon,  Halima  Xudoyberdiyeva,  Rauf  Parfi 
va  b.)  ijodida  kuzatilgan  uslubiy-shakliy  izlanishlardan  ma’naviy  oziq  olgan 
she’riyat  obraz  va  g‘oyalarning  yangicha  usulda  qo‘llanilib,  uyg‘unlashib  nozik 
namunaviy-umumlashma  she’riyatni  shakllantirdi.  Bu  she’riyatda  so‘zni  o‘zgacha 
shakllarda  ifoda  etish,  yuksak  aql-idrok  intelekti,  fikriy  tiniqlik  hamda  hissiy 
aniqlik sari yo‘naltirish inson borlig‘ini poetik tadqiqot ob’ekti darajasiga ko‘tarish 
ruhiyat  iqlimlarini  chuqur  falsafiy-majoziy  tahlil  qilishga  moyillik,  shaxsiy 
ixchamlilik asosiy  vositalardan biri sifatida bo‘rtib ko‘rinadi. Shu jihatdan qaralsa  
so‘z  sanatining  tadriji,  avvalo,  g‘oya  va  obrazlardagi  o‘zgarishlar  bilan 
xarakterlanadi. 
 XX asr so‘ngida xalqimiz  hayotida juda katta  o‘zgarishlar bo‘lgani barchaga 
ma’lum.  Bu  narsa  adabiyotga  o‘zining  bevosita  ta’sirini  o‘tkazgani,  uning  g‘oya 
mundarijsi  va  obrazlarida  shunga  mos  o‘zgarishlar  keltirib  chiqargani  ham 
barchaga  ayon  haqiqat.  Eng  muhimi  bu  o‘zgarishlar  majburiy  tarzda  emas,  balki 
tabiiy  qonuniy  tarzda,  ijtimoiy-manaviy  zaruriyat  natijasi  o‘laroq  yuzaga  keldi.  
Ayni  shu  ehtiyoj  lirikaning  mazmuni  va  ruhida  o‘zgarishlar  yasaydi,  xuddi  shu 
jarayonda g‘oya va obrazlar uyg‘unlashib boradi, keyin uning badiiy qiyofasi ham 
shunga mos o‘zgaradi, shunga mos yangi poetik vositalar ishlab chiqariladi.
 
Darhaqiqat,  istiqlol  yillari  o‘zbek  she’riyatida  falsafiy-intellektual  ohang  va 

---

56
 
 
shunga mos obrazlar tizimi ham anchagina kuchaydi. Inson ruhiyatini, ehtiros, his-
tuyg‘ularning  keng  silsilasini  turfa  ziddiyatli  buyoqlarda  aks  ettirish,  odamzod 
shuurini  band  etgan  muammolarni  butun  murakkabligi  bilan  suvratlantirish, 
Shaxsning  yuksak  milliy-umuminsoniy  mohiyatini  turli  bo‘yoqdor  so‘zlarsiz  va 
oddiy  obrazlar  orqali  ochib  berishga  intilish  yetakchi  yo‘nalishga  aylandi. 
Zamonamiz  shoirlari  holatni  qayd  etish  bilan  cheklanmay,  uning  yuzaga  kelish 
sabablarini tahlil, mushohada etdilar. Va shu tahlil-u, mushohadalar natijasi o‘laroq 
yana  bir  muhim  g‘oyaviy-temantik  yo‘nalish-yurtdagi  bo‘lib  o‘tgan  erksizlik  va 
qoloqlik  sababi  bo‘lgan  ijtimoiy  hayotdagi  illatlarni  fosh  etish  yo‘nalishi  vujudga 
keldi.  Albatta,  har  bir  shoirning  o‘z  g‘oyasi,  o‘z  obrazi  va  bu  ikkalasini 
uyg‘unlashtiradigan  usullarga  ham  ega,  lekin  mustaqillik    davri  ijodkorlarining 
asosiy    mavzusi  -  mustaqillikdir.  XXI  asr  ijodxonasida  yani,  Mustaqillik  davri 
she’riyatida  bu so‘zning qamrovi juda keng bo‘lib, zohiriy sabablarning botinida 
ozodlik  yotadi.  Natijada  yuqorida  aytib  o‘tganimizdek    shoirlar  ijodida  bir  g‘oya 
doirasida  bir necha xil obrazi ifodalar yuzaga keldi. 
“Agarda  diqqat  bilan  kuzatilsa,  mavjud  barcha  she’rlarni  ikki  katta  qatlamga 
ajratish mumkin: 
-
 
poetik  g‘oya  va  obrazlar  ifodasida  fikriy  umumlashmalar  yetakchilik 
qiladigan she’rlar; 
-
 
poetik 
g‘oya  hamda  obrazlar  ifodasida  asosan  shoir  tuyg‘usi, 
kechinmasining ustunligi seziladigan badiiyat namunalari”.
20
 
Asliniolgandamanashuikkalaqatlambirlashibginazamonlarsilsilasidanomonchiqadi
gan,  keyingiasrgao‘zaravasinitortibo‘taoladiganasarlarniyaratishmumkin.  Har  bir 
shoirning  adabiy  g‘oyaviy  qarashlari  ijtimoiy  voqeliklar  o‘rgangani  sayin 
takomillashib,rangin  ma’nolar kasb etib borganini kuzatishimiz mumkin.  Masalan 
Erkin Vohidovning “bir tomchi quyosh o‘ynar” she’rini o‘qiymiz.  
 
Bu hayot gulbog‘ida, 
Bahoriy iliqligu 
                     
20
Rahimjonov N. Mustaqillik davri o‘zbek she’riyati. -Toshkent: Fan. 2007.
 

---

57
 
 
Nahoriy tinqlik bor. 
Ko‘z ochib nur qo‘ynida 
Ko‘rdim yorug‘ dunyoni. 
Bu olamda neki bor 
Bari tortar havasim 
Lolalar qahqasi, 
Chechaklarning handasi, 
G‘unchalar yuzidagi 
Sal uyatgan tabassum… 
 
Erkin  Vohidovning  she’riyatida  hayot  go‘zalligini  kuylash,  tarannum  etish 
yetakchlik  qiladi.  “bir  tomchi  quyosh  o‘ynar”  she’ridagi  uushbu  parcha,  shoir 
ijodining  o‘ziga  xos  bo‘lgan  badiiy-g‘oyaviy  yo‘nalishni  ma’lum  darajada  kashf 
etadi.  Erkin  Vohidov  hayotdagi,  jamiyatdagi,  odamlar  tabiatidagi  go‘zlliknilikni, 
nafosatni detallashtirib obrazlantirish orqali ifodalaydi. Ushbu parchadagi g‘oya va 
obrazlar  bir  -  birini  to‘ldirib,  boyitib  boradi.  Yuqoridagi  she’r  ijtimoiy  hodisa 
sifatida  Insonning  g‘oyaviy - ruhiy  mohiyatidan  ibtido oladi,  yani  insonning shod 
xurram  yurishi  faqat  tashqi  omil-tashqi,  shart-sharoitlargagina  bog‘liq  jarayon 
bo‘lmay,  ayni  paytda  ichki  omil-insonning  zoti  bilan,  unga  joylashgan  ruhiy 
mohiyatning  ijtmoiylik  shaklida  namoyon  bo‘lishi  bilan  ham  bog‘liqdir. 
Yuqoridagi  she’rning  g‘oyasi  va  bu  g‘oyani  ifodalagan  obrazlar  ana  shu 
mohiyatning namoyon bo‘lishi shakllaridan biridir. 
  Avvalo  shuni  aytish  joizki,  dunyoda  qancha  she’r,  shoir  bo‘lsa,  shuncha  g‘oya, 
shuncha obraz va lirik kechinmani ifodalashning ham shuncha usuli, yo‘li mavjud. 
Bu  holat  lirik  kechinmaning  g‘oyasidan  kelib  chiqadi,  u  har  bir  ijodkorda 
lirikasidagi  obrazlarida  o‘ziga  xos  kechadi.    Ammo  barcha  obraz  va  g‘oyalardagi 
umumiy  tomonlarni  hisobga  olib  ajratilsa,  ularni  ma’lum  guruhlarga  ajratish 
imkoniyati tug‘iladi.  
 
 

---

58
 
 
 …Endi safsar kechalarda oq, 
                               mash’alalar tutib, ulug‘vor  
                               Kengliklarda kezar chiroyli           
                               kunduzlarni axtarib bahor. 
 
Shavkat Rahmon qalamiga  mansub satrlarda g‘oya, obraz va hissiyotning  majoziy 
uyg‘unlashuvi  suvratlangan.  She’r  g‘oyaning,  ruhiy  holatning  inson  tasavvuriga 
o‘tkazgan  shuuriy  bosimi  obrazlar  hosilasi  sifatida  maydonga  kelgan.  Tabiatni 
moddiylashtirishga  moyillik  shoir  g‘oyalarini  ifodalash  vositasiga  aylangan. 
E’tiborli  jihati,  kayfiyat  chizgisi  bahor  jozibasi,  nafosatiga  hamohang–hamjins-
hamnafaslikda  bahor  obrazida  ayonlashadi.  She’rda,  ifodalangan  g‘oya  yetakchi 
o‘rinda  tursada  fikrni  yoritadigangan  bahor  obrazi  mavzuni  oydinlashtiradi. 
Yaniki, she’rni yozish uchun shoirda hissiyot kechinma  paydo bo‘lgan, keyingi ish 
g‘oya topish va bu g‘oya talabiga javob bera oladigan obraz yaratish va bularni bir-
biri  bilan  uyg‘unlashtirish  kerak.  Shundagina  ajoyib  san’at  asari  paydo  bo‘ladi. 
Ijokor bu vazifalarni yuksak bir ma’suliyat bilan uddalay oldi. Yana bu jarayonda 
nafaqat g‘oyani to‘laligicha ifodalay oladigan obraz, balki tuyg‘u, o‘y, fikr, ohang, 
ritm shaklarini ham shoir ko‘nglidan o‘tkazadi.  
Shu  o‘rinda  bir  qiziqarli  holatga  duch  kelamiz.  Lirik  kechinma  va  she’riyat 
munosabati,  badiiy  g‘oya  va  obraz  munosabatiga  o‘xshab  ketadi.  Badiiy  asarning 
g‘oyasi  uning  umumiy  ruhini  bildirsa,  obraz  she’rdagi  asosiy  g‘oya  singdirilgan 
fikrni ifodalab beradi. Lirik  g‘oya obrazga nisbatan keng tushunchadir. Aniqrog‘i, 
g‘oya obrazni qamrab oladi, ammo har qanday obraz g‘oyani shakllantira olmaydi. 
Shoir  she’rga,  g‘oyaga  asos  bo‘ladigan  obrazni  yuzlab  hislar  orasidan  tanlab, 
ajratib oladi. Taqsimotning shartlaridan biri obrazning estetik tomoni-go‘zalligidir. 
Ayni  paytda,  mazmuniy  ifoda  etakchi  ahamiyat  kasb  etmaydi.  Chunki,  obraz  asl 
holatda  yoqishi  yoki  yoqmasligidan  qat’iy  nazar,  san’at  asarida  qayta  tiklanar, 
g‘oyaga  muofiqlashtirilar  ekan,  muqarrar  badiiy  zavq  manbaiga  aylanadi,  ya’ni 
albatta  yoqimlilik  kasb  etadi.  Umuman,  she’riyat  kishi  qalbiga,  eng  avvalo,  ruhiy 
tashnalik, cheksiz ehtiyoj, ajib bir sehr tariqasida kirib keladi. 

---

59
 
 
Poetik g‘oyaning markazida lirik obraz turadi. U bizga shoir estetik ideali suvratini 
chizadi  hamda  shoir  ma’naviyatining  mazmuni  to‘g‘risida  ong  dalolatnomasini 
shakllantiradi.Zero,  obraz-lirik  g‘oyaning  harakatlantiruvchi  kuchi  va  asosi,  uning 
mohiyatidir.    
Voqeaband  she’rlarda  g‘oyaning  umumiy  obrazi  asosan  shoir  shaxsi  orqali 
namoyon  bo‘ladi.  Poetik  obrazlar  bu  taxlitdagi  she’rlarda  uyg‘unlashgan  shaklda 
bo‘lib,  poetik  g‘oya  she’r  ichiga  yashiringan  bo‘ladi.  Ayniqsa  keyingi  yillarda 
she’rning bu shakli urfga kirdi. Masalan, shoir g‘oyasining o‘zi to‘g‘risida bevosita 
hech  nima  demaydi,  balki  lirik  obrazlarning  yoki  ruhiy  holatning  o‘zini  berish 
bilan  cheklanadi.  Bunda  g‘oyaga  sabab  bo‘lgan  hayot  hodisasi  u  kechgan  joy 
tasviri,  unga  aloqador  obrazlarning  uyg‘unlashishidan  shoir  tuyg‘usi,  ko‘ngil 
kechinmasi to‘g‘risida taassurot olamiz.   Hissiy aniqlik  va  fikriy tiniqlik  g‘oya  va 
obrazning  birligi  she’rnig  o‘ziga  xosligini  belgilaydigan  muhim  xususiyatlardan 
biridir.  Bularni to‘g‘ri  mo‘ljalga olish zaruriy ehtiyojdir. Negaki,  mushohadaning 
tasavvuriy  ifodasi  va  ijodiy  ishlanganlik  darajasi  orasida  muayyan  ma’noda  ichki 
aloqadorlik mavjud:  
                                  Sahar turdim, quyoshni kutdim, 
                                  Shudringlarda chaydim yuzimni. 
                                  Buloqlarga labimni tutdim, 
                                  Va borliqda ko‘rdim o‘zimni. 
 
ShavkatRahmonningyaratganijodnamunasidag‘oyavamanzaraorasidaobrazla
rshakllanganligianiqko‘rinadi.  Tong  g‘oyasi  bilan  lirik  qahramon  kayfiyati 
o‘rtasidagi  hamohanglik  “quyosh”,  “shudring”,  “buloq”  va  “borliq”  obrazlari 
atrofida  uyushadi.  Natija  esa,  hissiy  obraz  jarayonining  shakllanishi  va  namoyon 
bo‘lish  tarzi,  tasavvur  aniqligi  hamda  yangi  g‘oyaning  zalvori  nisbati  bilan 
o‘lchanadi.  She’rda shoir o‘zini tabiyatning  bir bo‘lagi ekanligini aytib o‘tadi  va 
bundan baxtiyorlik  g‘oyasini  ilgari suradi.  Tabiyat bilan birlik  g‘oyasini  ifodalash 
uchun  “quyosh”,  “shudring”,  “buloq”  va  “borliq”  obrazlaridan  foydalanadi. 
G‘oyasining  bag‘riga  topgan  obrazlarini  singdiradi,  ularni  bir-biri  bilan 

---

60
 
 
muofqlashtiradi,  uyushtiradi.  Natijada,  ajoyib  she’riy  satrlar  dunyoga  keladi. 
She’rda  yashash,  hayotga  tashnalik  masalasi  ideal  darajasiga  ko‘tariladi.  Ideal 
(yun.  Idea-timsol,  g‘oya,  tushuncha)  bu  she’rda  ideal    g‘oya  masalasi  juda 
murakkab,  ko‘p  qirrali.  U  hamma  davrlar  uchun  muhim  hisoblanib  kelgan.  Faqat 
o‘z  qiyofasini  o‘zgartirib–turlanib  turganligi  bois  idealni  har  doim  ham  suvning 
yuzasida  uchratish  mumkin  emas.  Aslidachi?  Aslida  u  goh  ideal  obraz,  goh  esa, 
ideal g‘oya- mafkura sifatida yashagan. Halima Xudoyberdievaning “Ikki qushcha 
bor”  she’rida  baxt  bilan  g‘am  qushchalarga  qiyoslanadi.  Ikki  qushcha-bu  lirik 
qahramonning quvonchli va alamli kunlarini ifodalovchi obrazdir.  Ular har soniya 
hamroh.  Aslida  “g‘am  qushining  rangi  qop-qora”.  Hatto  qorong‘u  kechalar  ham 
uning  sharpasini  ilg‘ab  titroqqa  tushadi.  Quvonch  qushi  tumanlar  aro  uchib 
kelganda esa “yayrab potraydi”: 
 
                                  Men bir ovchi noshuddan-noshud, 
                                  Bu ikki qush ham baxt, ham sho‘rim. 
                                  Otdim, qaro qush bo‘lmas nobud, 
                                  Oppoq qushni tutolmas to‘rim… 
 
Sharq  she’riyatida,  xususan,  o‘zbek  adabiyotida  qushcha  erk,  ozodlik  obrazi 
sifatida  barqarorlashgan.  U  shaxsning  ham  ma’naviy,  ham  intellektual  erkinligi 
g‘oyasini  o‘zida  mujassamlashtiradi.  Agar,  e’tibor  bersak,  ana  shu  obraz 
onggimizdagi g‘oyaga muayyan obraz baxsh etayotir. Demak, g‘oya - bu ibtido-yu, 
intihoga  ega  bo‘lmagan,  qotib  qolgan,  rivojlanishdan  to‘xtaydigan  turg‘un  holat 
emas  ekan.  Ilk  satrdagi  fikr  botiniy  mantiq  tadrijiga  ko‘ra  badiiy  g‘oyaga 
aylanayotir. Qushcha  - bu shunchaki oddiy  g‘oya emas. U  lirik qahramonni erta  - 
yu  kech,  aslo  tark  etmaydigan  ruhoniy  tuyg‘u.  Biri  -g‘am,  ikkinchisi  -  quvonch 
obrazlaridir.  
       Qushcha  haqidagi  tushuncha  badiiy  obrazga  aylanar  ekan,  u  ijtimoiy-falsafiy 
ma’no tashiydigan majoziy g‘oyaga aylanadi. Ikkalsi birlashib, uyg‘unlashib yaxlit 
she’r  holiga  keladi.  Mazkur  jonzot  she’rda  yangidan-yangi  qirralarni  namoyon 

---

61
 
 
etadigan  vositani  ifodalaydi.  Shu  tariqa  ijodkor  talqinida  g‘oyaviy-tasavvuriy-
tasviriy  va  obrazlar  yaxlitligi  birlamchi  o‘ringa  ko‘tariladi.  O‘z-o‘zidan  ayonki,  
obraz  doimiy  tarzda  tafsilotni  badiiy  markazga  yig‘ishga  intiladi.  Shu  o‘rinda  bir 
holatga to‘xtalib o‘tamiz. 
Matndamavjudadabiytilqonuniyatlarinegizidasubyektivijodiynutqshakllanga
nligiko‘zgatashlanadi.  Lug‘aviy  ma’nodan  mifopoetik  tasavvurga,  mifopoetik 
idrokdan  poetik  obraz  qurilmasiga  o‘tish  lisoniy  birliklarning  sintetik  ko‘lamini 
belgilaydi.  Shartli-nisbiy  ravishda  tartibga  solingan  -  qayta  ishlangan  she’rdagi 
uyushiq  bo‘laklar  g‘oya  va  obraz  uyg‘unligini  ta’min  etadi.  Bu  holat  esa,o‘z 
navbatida  grammatik  va  uslubiy  me’yorlarning  erkin  harakatlanish  miqyoslarini 
belgilab beradi.  
           Haqiqiy  poeziya-hayotning  tub-tubiga  boqa  bilishdir.  Shoir  qancha 
iste’dodli  bo‘lsa,  uning  ko‘zi  hayot  ildizini  shuncha  aniq  ko‘radi,  mohiyatini 
bexato  anglab  etadi.  Shoir  Rauf  Parfi  o‘zining  betakror  ijodida  turli  mavzularga 
murojaat qilib har xil g‘oyalardan foydalangan xolda yangidan-yangi go‘zal poetik 
obrazlar  yaratdi.  Yana  shuni  ham  alohida  ta’kidlash  lozimki,  shoir  va  she’riyat 
uchun    hurriyat,    vijdon      millatparvarlik      g‘oyalari      taqozo    etgan  kurashchan 
ijtimoiy  dard  asosiy  maqsad,  asl  matlab  emas.  Uning  o‘zi  tabiatan  ruboiy-lirik 
ibtido-azaliy nafosatsiz, qolaversa sof insoniy, ruhiy-ma’naviy ehtiyojlarsiz yashay 
olmaydi.  “Rauf  Parfining  she’rlaridan  birida  yana  shunday  murakkab  ruhiy  holat 
faqat  haqiqiy  shoir,  o‘zi  yoqqan  alangada  yongan  chin  fidoiy  ijodkor  iztiroblari 
haqqoniy ifodalangan”
21
. 
 
Derazamga uriladi qor,  
Jaranglaydi jarangsiz kumush (40-bet) 
 
Ushbu  misralarda  lirik  qahramonning  o‘z  sevgilisini,  o‘ylagan  paytda  xotirasi 
yog‘ayotgan  oppoq  qor  obraziga  qiyos  qilanadi.  Shu  lahzaning  oqlik  belgisi 
istioraviylik  yo‘li  bilan  kumush,  deyiladi.  Chunki  kumush  rang  tovlanish  bilan 
                     
21
Rahimjonov N. Mustaqillik davri o‘zbek she’riyati. -Toshkent: Fan. 2007.
 

---

62
 
 
tungi yoki tonggi qorga o‘xshaydi. Qor obrazining oppoq xotiraga va bu xotiraning 
kumushga  o‘xshatilishi  ikki  narsa  o‘rtasidagi  rang  mushtarakligi  asosidagi 
metaforin obrazni yuzaga keltiradi. Ammo metaforik obrazning faolligini oshirish, 
ya’ni  “kumush”ning  ta’sir  doirasini  kuchaytirish  uchun  “jarangsiz”  so‘zini 
keltiradi.  Natijada,  g‘oya  va  obraz  yakdilligi  vujudga  kelib,  metaforik  obrazning 
she’r g‘oyasini ifodalashdagi faolligi kuchaygan. 
   Rauf  Parfi asrimizga, kundalik  hayotimizga  xos bor barcha  yaxshi-yomon, ezgu 
va  yovuz  voqea-hodisalar  yuragi,  iymoni  but,  vijdonli,  aqli  barkamol  insonlarga 
shamol-u,  bo‘ronlar  kabi  tinglik  va  orom  bermasligini  “dor”  istioraviy  obrazi 
vositasida  betakror  ifodalay  olgan.  Uning  she’ridagi  yaxshi  bir  jihat  asrimiz  ofati 
tashvishi va quvonchi dor, daraxt, cho‘yan, temir kabi so‘zlarning  ma’no zamiriga 
yashiringan istioraviy obrazlar qismatida o‘ynagan rolini she’riyatning nozik  harir  
parchasiga    o‘rab    ifodalashida  ko‘zga  tashlanadi.  Agar  diqqat  qilinsa  “dor”  so‘zi 
ikki o‘rinda uch ma’noda qo‘llanilganining guvohi bo‘lamiz. Birinchisida yuvilgan 
kiyimlar osiladigan dor, ikkinchisida eng yaxshi fikrlar egasi, asrimizning daholari 
osiladigan dor, uchinchisida dorbozlar o‘ynaydigan dor ifodalangan. 
 
...Dor yuvilgan kiyimlar osilgan. 
Tomosha ko‘rsatsin dorbozlar... 
Dor: eng go‘zal fikrlar osilgan, (59-bet) 
 
Poeziya  -  aks  ma’no  anglatish  san’ati.  Binabarin,  mazkur  satrlarda  R.Parfining 
“dor” so‘zini denonativ (asl) ma’noda qo‘llashi zarurmidi, bundan maqsad nima?” 
kabi  savollar  to‘g‘ilishi  tabiiy.  Bizningcha,  “dor”  so‘zini  dastlab  ikki  marta 
denotativ ma’noda qo‘llashdan maqsad konnatativ (ko‘chma) ma’noda qo‘llanilgan 
“dor”  so‘zini  pardalash,  uni  diqqatni  ozgina  chalg‘itish  va  ehtiyotkorlik  uchun 
qilingan  yo‘l  edi.  Ana  shunday  dalilar  “dor”ni  istioraviy  qo‘llash  uchun  bevosita 
shu  so‘zni  ramziylik  tomon  tortishga  majbur  bo‘ladi.  Mana  shunga  uxshash 
holatlar bizga   g‘oyada  ifodalangan  obrazni  tug‘uvchi  homilador onadir, deyishga 
huquq beradi… 

---

63
 
 
          Xulosa  qilib  aytganda,  poetik  ifodadagi  o‘zgarishlar  mustaqillik  davri 
adabiyotining  ilk  bosqichida  mumtoz  she’riyatdagi  g‘oya  va  obrazga  yangicha 
mazmun  berish  bilan  boshlandi.  G‘oyaviy  tematik  yangilanishi,  lirikada  davr  ruh 
kayfiyatini  ifodalash  ehtiyoji  bilan  bog‘liq  holda  hayotiy  obrazlarning  kuchayishi 
tabiiy ravishda uning poetikyangilanishini taqozo etdi.  
Natijada she’riyatimiz asrlar davomida amal qilib kelingan poetikg‘oyalarni inkor 
qilmagan  holdao‘zgargan  mazmun  mohiyatiga  mos  yangi  obrazlar  bobidagi 
izlanishlar  davriga  kirdi.  Bu  izlanishlarning  eng  muhim  va  she’riyatimizda 
yangilanishga  olib  kelgan  yo‘nalishlari  sifatida  she’rning  g‘oyaviy  sathida,  poetik 
ifoda  yo‘sini  va  obrazlar  tashkillanishdagi  o‘zgarishlarni  ko‘rsatish  mumkin.

---

64