Ўзбекистон республикаси қурилиш вазирлиги ўзбекистон республикаси

Девор учун қавариқ шаклдаги безакли сувоқлар – бу деворларга пардоз бериш ва кўплаб дизайнерлик ғояларини амалга ошириш учун кенг қўлланилади.
Девор учун қавариқ шаклдаги сувоқлар таркибига турли моддалар, табиий кўриниш берадиган (дарахт, табиий тош, пахта ва бошқ.) аралашмалар ва боғловчи элементлар киради.
Қоришманинг қуйидаги жиҳатлари ажралиб туради:
1.Ўта мустаҳкамлиги ва узоқ муддат фойдаланиш мумкинлиги. Ушбу ашёнинг механик таъсирга юқори даражада бардошлилиги ва иссиққа чидамлилиги.
2.Осонлик билан қопланиши. Девор учун қавариқ шаклдаги сувоқлардан фойдаланишда Сизнинг қурилиш соҳасида кўп йиллик тажрибага эга бўлишингиз шарт эмас.
3.Ташқи кўриниши. Девор учун қавариқ шаклдаги безакли сувоқларнинг турлича табиий қопламаларга ўхшаш кўплаб намуналари мавжуд. Бундай намуналарнинг ҳар бири ўз нақши, бўртма қисмлари, ранги, ўзига хос ҳолат яратиши ва ҳ.к. билан ажралиб туради.
4.Ўта қайишқоқлиги. Сувоқнинг кетма-кет суртилиши натижасида жуда текис қоплама ҳосил бўлади, шунингдек, ноёб ва бетакрор бўртма яратиш имконияти вужудга келади.
Қавариқ шаклдаги сувоқларнинг турларга бўлинишини расмий таснифлаш эса елимловчи модда ва асосга боғлиқ, чунки ашёнинг аниқ кўриниши ишлатиладиган қоришманинг маълум турига мос келади, жумладан:
Акрилли – боғловчи модда акриль елимдан иборат бўлиб, уни тайёрлаш учун қўшимча ишлар қилиш талаб этилмайди ва қўллашга тайёр бўлади. Уни минерал, бетон ва бошқа қопламалар юзасига қўллаш мумкин.
Минералли – қуруқ цемент кўринишида бўлиб, унинг таркибига эгилувчанлик ҳамда бўртиқлик берадиган қўшимча ва моддалар киради.
Силиконли – турли қўшимчаларни ҳисобга олмаганда асосий елимловчи модда синтетик елим бўлади. Силиконли эгилувчан сувоқ юзасининг мураккаблигиги билан ажралиб турмайди ҳамда уни турли юзаларга қўллаш мумкин.
Силикатли – суюқ шиша боғловчи модда. Ушбу сувоқ сувалган юзага иссиқлик ва механик кучлар таъсирига чидамли.. У билан силикон асосли сувоққа қараганда кўпроқ юзага ишлов бериш мумкин. Ушбу аралашма ҳам қўшимча ишлов бермасдан, дарҳол ишлатишга тайёр бўлади.