Ўзбекистон республикаси қурилиш вазирлиги ўзбекистон республикаси

Французларнинг "COTEX" пахтали қопламаси – пахта толаларини буёқ эритмаси, сув ва елимловчи моддаларни аралаштириш йўли билан тайёрланади.
Туркиянинг "SILKCOAT" фирмаси суюқ гулқоғозлари ўзига хослиги ва рангларга бойлиги билан французларникидан қолишмайди, аммо нархлари уларникидан анча арзон. Туркиянинг "Bayramix koza" маркасидаги суюқ гулқоғозлари ҳақида ҳам худди шундай фикрларни билдириш мумкин. Улар рангинлиги билан анча ажралиб туради, нархи ҳам бирмунча арзон.
"Стенол" – бизнинг бозоримиздаги янгилик бўлиб, бу табиий толалаларни (целлюлоза) елимловчи моддалар асосидаги ранг берувчи қўшимчалар, колорантлар, қуюқлаштирувчилар ва ёнмайдиган антипериндан иборат қуруқ аралашма. Қўлланиладиган целлюлоза катта япроқли дарахт навларидан ишлаб чиқарилади. Юртимизда ишлаб чиқариладиган суюқ гулқоғозлардан бири мафтункор аммо ғалати – “Дания безакли сувоқлари” номи билан аталади. Унинг бир килограммининг ўртача нархи (5–6.5 кв.м га ишлов беришга етади) 5–11$ атрофида туради. 
Намлик даражасини маромида сақлаб туриш қобилиятига эга бўлган сувоқлар
Ошхонада овқат тайёрлаш ёки ваннахонадаги душда ҳосил бўлган буғни кўп ҳолларда паст ҳароратли деворлар ўзига сингитади. Бу эса деворларда тез тарқаладиган замбуруғлар, моғорлар ва бошқа микроорганизмларнинг пайдо бўлишига олиб келади. Швейцариянинг Sto AG компанияси мутахассислари деворлар учун инновацион сувоқлар ишланмасини тақдим этдилар. Унинг қўлланилиши деворларда буғ туриб қолишини камайтиради ва натижада хонадон деворларида замбуруғ пайдо бўлишининг олдини олади. Ҳаво қанчалик қуруқ бўлса, уйнинг исиши учун зарур бўлган иссиқлик шунча кам сарфланади. Шунинг учун янги швейцар сувоғи харажатни камайтиришга ёрдам бериши мумкин. Бу жиҳатдан янги швейцар сувоғи ўзининг аналогларидан анча юқори ўринда туради. 1 квадрат метрга қопланган ушбу янги сувоқ 90 граммгача сув буғини ўзига сингдира олади. Энг сифатли ва анча қиммат бўлган гилдан тайёрланган аналоглари билан таққосланганда бу улардан 30% га юқори демакдир. Янги маҳсулот ўзига керакли миқдордаги намликни ютиши учун деворга маълум ўлчовда – 2 см дан кўп бўлмаган қалинликда елимланади. Янги технология кўплаб етакчи корхоналарни қизиқтирмоқда.