Ўзбекистон республикаси қурилиш вазирлиги ўзбекистон республикаси

14.4. Замонавий сувоқ турлари
Замонавий пардозбоп рангли қоришмалар бино деворларни ташқи ва ички юзаларини ёки заводнинг ўзида панел ва блокларни сувашда ишлатилади. Ҳар ҳил рангли сувоқ қоришмалари ичида замонавий бадиий безак қоришмалар кўплаб ишлатилмоқда (14.1-расм).
Умуман олганда, декоратив сувоқ қоришмалар синтетик смола асосида ишланган кукунли бўтқа ва ҳар ҳил қўшилмалар – эритувчи, қуюқлатувчи, консервантлар, намланмайдиган моддалар, антисептик ва биоцит моддалардан ташкил топган бўлади.
“Венеция”сувоқ қоришмаси
“Венеция”сувоқ қоришмаси мармар кўринишида бўлади. Мармар уни ва юқоридаги боғловчилар бундай қоришмани таркибини ташкил этади. Безакли сувоқ қоришма Безакли сувоқ қоришма полиуретан ва эпоксид смолалари асосида ҳам тайёрланади. Бундай қоришмалар бинони ташқи юзасини сувашда ишлатилади.
Сувда эрувчан полимерлар асосидаги сувоқ қоришмалар амалда энг кўп тарқалган ва улар бинониг ички ва ташқи юзаларини пардозлашда ишлатилади.
“Флок”ли ёки “чипс” сувоқ
“ Флок”ли ёки “чипс” сувоқ – ноёб безакли қоплама сувоқ бўлиб “лайлак қор” юзани эслатувчи чиройли сувоқ турларидир (14.2-расм). Таркибида ҳар ҳил шаклдаги юпқа акрил бўёқ парчаларидан ташкил топган қоришма бўлиб, елимли юзага суртилади. Рангли акрил парчалари учта таркибий қисмга эга:


14.2-расм.“Флок”номли сувоқ
-сувда эритилган секин қурийдиган акрил смола;
-бир ҳил қалинликда қопланган ананавий флоклар;
-сувалган юзани сатинсимон ялтирамайдиган акрил локи билан суртиш.
Флок қоришма билан барча юзаларни духоба, тери, замши, мўйна сингари безакларда суваш мумкин.
Терразит сувоқ
Терразит сувоқ деб аталувчи қоришма таркибида цемент ёки оҳак, слюда, пигмент, қўшилмалар ва қум бўлади. Терразит сувоқни тайёрлаш учун майда (2 мм), ўртача (3-4мм) ва йирик (5-6мм) тўлдиргичлар ишлатилади. Бунда кўпинча портландцемент ўрнида оқ ёки рангли цемент ишлатилади. Баъзан сувоқнинг ҳар хил рангда бўлиши учун рангли табиий тошларни туйиб боғловчи моддалар билан қоришма тайёрлаб хар хил рангли плиткалар тайёрланади.
Безакли пардозбоп сувоқларни 2 гурухга ажратиш мумкин:
-бойитилган, катта (девор) юзаларни пардозлаш, рангли фактуралар, тошга ўхшаш сувоқлар учун;
-нақшли, катта бўлмаган юзаларни пардозлаш, сграфито ва мозаикалар учун.