Ўзбекистон республикаси ташқи ишлар вазирлиги

Sudlanganlikni olib tashlash asosi:

- jamoat birlashmasi, fuqarolarning o’zini-o’zi boshqarish organi, jamoa yoki jazoni o’tab chiqqan shaxsning o’zi bergan iltimosnomasi hisoblanadi.

Sudlanganlikni olib tashlash uchun jazoni o’tab chiqqan shaxs quyidagi talablarni bajargan bo’lishi shart. Ular quyidagilar:

- shaxs ozodlikdan mahrum qilish jazosini o’tab bo’lganidan keyin unga nisbatan ma’muriy jazo qo’llanilmagan bo’lishligi;

- intizomiy ta’sir choralari qo’llanilmagan bo’lishligi;

- sudlanganlik holatining tugallanishi uchun nazarda tutilgan muddatlarning kamida yarmini haqiqatda o’tagan bo’lishligi.

Agarda shaxs:

- o’n besh yil va undan ortiq muddatga ozodlikdan mahrum qilish jazosini o’tab chiqqan;

- o’ta xavfli restidivist deb topilgan bo’lsa - ular jazoni o’tab chiqqanidan keyin o’n besh yil mobaynida yangi jinoyat sodir etmasalar, sud ularning sudlanganligini olib tashlashi mumkin.

Boshqa asoslar mavjud bo’lganda ham sudlanganlik olib tashlanishi mumkin. Ular quyidagilar:

- JKning 13-moddasi ikkinchi qismida nazarda tutilgan asoslar (Jinoyat qonuning orqaga qaytish kuchi) mavjud bo’lgan taqdirda ham sudlanganlik olib tashlanishi mumkin;

- sudlanganlik afv etish yoki amnistiya akti asosida ham olib tashlanishi mumkin.

JKning 178—184, 185—185², 189—192-moddalarida nazarda tutilgan jinoyatlarni sodir etganlik uchun hukm qilingan shaxslarning sudlanganligi ular davlatga juda ko’p zarar etkazmaganda, JKning 78-moddasida nazarda tutilgan muddatlarning kamida to’rtdan bir qismi o’tganidan keyin sud tomonidan olib tashlanishi mumkin