Ўзбекистон республикаси ташқи ишлар вазирлиги

18.4. Voyaga etmaganlarga nisbatan jazo tayinlash.

Voyaga etmaganlarga jazo tayinlash deb - jinoyat sodir etishda qonunda belgilangan tartibda aybli deb topilgan voyaga etmagan shaxsga nisbatan JK Maxsus qism moddasi sankstiyasida nazarda tutilgan jazoni (majburlov chorasini) qo’llanilishiga aytiladi.

Sud voyaga etmagan shaxsga jazo tayinlashda:

- JK Maxsus qismining jinoyat sodir etganlik uchun javobgarlik nazarda tutilgan moddasida belgilangan doirada;

- umumiy qismning qoidalariga muvofiq (JK 82, 83, 84, 85 – moddalari) muddatlariga muvofiq holda tayinlanadi;

- sodir etilgan jinoyatning xususiyati va ijtimoiy xavflilik darajasini;

- qilmishning sodir qilinishi sababini;

- etkazilgan zararning xususiyati va miqdorini;

- aybdorning shaxsini;

- jazoni engillashtiruvchi va og`irlashtiruvchi holatlarni;

- voyaga etmaganning rivojlanganlik darajasini;

- turmush sharoiti va tarbiyasini;

- sog`lig`ini;

- sodir etgan jinoyatining sabablarini;

- katta yoshdagilarning va boshqa holatlarning uning shaxsiga ta’sirini hisobga oladi.