Ўзбекистон республикаси ташқи ишлар вазирлиги

17.4. Sudlanganlik holatining tugallanishi yoki sudlanganlikni olib tashlash muddatlarini hisoblash.

Sudlanganlik holatining tugallanishi yoki sudlanganlikni olib tashlash muddatlarini boshlanish vaqti.
№	Shaxsga tayinlangan jazo turlari	Sudlanganlik muddatlarini boshlanish vaqtini hisoblash
1.	Asosiy jazo turi tayinlangan bo’lsa.	- ushbu jazo turi to’liq o’tab bo’lingan yoki ijro etilgan kundan boshlab hisoblanadi.
2.	asosiy va qo’shimcha jazolar tayinlangan bo’lsa.	- ushbu jazo turlari to’liq o’tab bo’lingan yoki ijro etilgan kundan boshlab hisoblanadi.
3.	shaxs tayinlangan jazodan qonunda belgilangan tartibda muddatidan ilgari ozod qilingan bo’lsa.	- sudlanganlik muddati muddatidan ilgari ozod qilingan jazoning amalda (haqiqatda o’talgan) o’tab bo’lingan qismidan hisoblanadi (Masalan: shaxs olti yil muddatga ozodlikdan mahrum qilingan bo’lsa va jazo muddatini to’rt yilini haqiqatda o’tab bo’lgandan so’ng muddatidan ilgari ozod qilinsa, uning sudlanganlik muddati ushbu to’rt yillik muddati o’tganidan boshlab hisoblanadi.).
4.	yohud jazo engilrog`i bilan almashtirilgan bo’lsa	- engilrog`i bilan almashtirilgan jazoni o’tab bo’lganidan keyin ikkala jazo muddatidan kelib chiqib belgilanadi va ushbu jazo turlari o’tab bo’lingan qismidan hisoblanadi. - shu bilan birga engilroq jazo turi jazolarni qo’shib hisoblash qoidalariga muvofiq og`irroq jazo turiga qo’shilishi kerak (JK nazarda tutilgan hollarda). Bunday holatda JK 61-moddasi nazarda tutilgan qoidalardan kelib chiqib hisoblanadi.
5.	jarima jazosi tayinlangan bo’lib, jazo turi boshqa og`irroq jazo turi bilan almashtirilgan bo’lsa.	- sudlanganlik muddati almashtirilgan jazo haqiqatda o’tab bo’lingan kundan boshlab hisoblanadi.
6.	axloq tuzatish ishlari jazosi tayinlangan bo’lib, jazo turi boshqa og`irroq jazo turi bilan almashtirilgan bo’lsa.	- sudlanganlik muddati almashtirilgan jazo haqiqatda o’tab bo’lingan kundan boshlab hisoblanadi.
7.	shaxs jinoyatlar jami bo’yicha hukm qilingan bo’lsa.	- sudlanganlik muddati barcha jinoyatlar majmui uchun tayinlangan jazoni amalda o’tab bo’lingan kundan boshlab hisoblanadi.

Agar jazoni o’tab chiqqan shaxs sudlanganlik holatining muddati tugamay turib yana jinoyat sodir etsa:

- sudlanganlik holatini tugatuvchi muddatning o’tishi to’xtatiladi;

- ilgari sodir etgan jinoyat uchun sudlanganlik holatining tugash muddati oxirgi sodir etilgan jinoyat uchun (asosiy va qo’shimcha) jazoni amalda o’tab bo’lgan kunidan boshlab hisoblanadi.

- ushbu holatda birinchi jinoyati uchun sudlanganlik muddati to’liq qaytadan hisoblanmaydi balki, sudlanganlikning qolgan muddatini davom ettiradi.