Ўзбекистон республикаси ташқи ишлар вазирлиги

13.8. Intizomiy qismga jo’natish jazosi.

Intizomiy qismga jo’natish deb – jinoyat qonunida nazarda tutilgan hollarda, sud tomonidan belgilangan muddat mobaynida shaxsni ichki tartibi ancha qattiq bo’lgan maxsus harbiy qismga joylashtirish ko’rinishidagi jazo turiga aytiladi.

Ushbu jazo turi faqat:

- barcha turdagi muddatli harbiy xizmatchilarga nisbatan tatbiq qilinadi (ishlaydigan va bir yilga harbiy xizmatni o’tash uchun borganlarga);

- JK Maxsus qism moddasida nazarda tutilgan holardagina, uch oydan bir yilgacha bo’lgan muddatga qo’llaniladi;

- harbiy xizmatni o’tash tartibiga qarshi jinoyatlar sodir qilinganda tayinlanadi;

- mahkumni muayyan huquq va imtiyozlardan mahrum etadi va barcha mahkumlar u ulgari ofister yoki oddiy askar bo’lganligidan qat’iy nazar bir xil ko’rinishdagi kiyimlarda yurishadi va bir xil huquq ega bo’ladilar va majburiyatlarni bajaradilar.

- jazoni o’tash vaqti harbiy xizmatni o’tash muddatiga qo’shilmaydi.

Agarda muddatli harbiy xizmatchi tomonidan (harbiy xizmatni o’tash tartibiga qarshi jinoyatlardan) boshqa bir turdagi jinoyat sodir etilganda jinoyat qonunida nazarda tutilgan hollarda sud ish holatlari va mahkumning shaxsini hisobga olgan holda uch yildan ko’p bo’lmagan muddatga ozodlikdan mahrum qilish jazosi o’rniga shu muddatga intizomiy qismga jo’natish jazosini qo’llashi mumkin. Ushbu holatda intizomiy qismga jo’natish jazosining muddati bir yildan ortiq bo’lishi mumkinligi ahamiyat kasb etmaydi.