Ўзбекистон республикаси ташқи ишлар вазирлиги

Axloq tuzatish ishlari quyidagi shaxslarga nisbatan tayinlanmaydi:

- 16 yoshga to’lmagan shaxslarga;

- pensiya yoshiga etganlarga (ayollar 55yoshdan, erkaklar 60 yoshdan);

- mehnatga qobiliyatsizlarga (tegishincha I, II, III-guruh nogironlariga);

- homilador ayollarga (muddati ahamiyat kasb etmaydi);

- yosh bolasini boqish uchun ta’tilda bo’lgan ayollarga (uch yoshgacha);

- yangi tug`ilgan chaqaloqni bevosita tug`ruqxonadan farzandlikka olgan yoki unga nisbatan vasiy bo’lib, bolani parvarishlash bilan bog`liq ta’tilda bo’lgan shaxslarga (bola uch yoshga to’lgunga qadar erkak yoki ayol kishi ekanligining ahamiyati yo’q);

- harbiy xizmatchilarga (chunki ularga ushbu jazo o’rniga xizmat bo’yicha cheklash jazosi tayinlanadi).

Agar shaxs sud tomonidan tayinlangan axloq tuzatish ishlari muddatining jami bo’lib o’ndan bir qismidan ko’prog`ini o’tashdan bo’yin tovlasa - sud axloq tuzatish ishlarining o’talmagan muddatini xuddi shu muddatga ozodlikdan mahrum qilish tariqasidagi jazo turi bilan almashtiradi. Jazoni o’tishdan bo’yin tovlagan vaqt jazoning o’talgan muddatiga qo’shib hisoblanmaydi va almashtirilgandagi muddat ozodlikdan mahrum qilish jazosining minimal miqdori (olti oy)dan kam bo’lishi mumkinligi ham ahamiyat kasb etmaydi.