´збекистон республикаси солиµни саµлаш вазирлиги

V- bosqich. Yakun yasash, tahlil va baholash

Erishilgan natijalarni sharhlaydi, xatolarni va yutuqlarni ko‘rsatadi. Yutuqqa erishgan va yutqazgan ishtirokchilarning natijalarini tahlil qilib, noto’g’ri javoblarini tushintiradi, ishtirokchilarga umumiy va xususiy tavsiyalarini beradi, mashg‘ulotning so‘nggi yakunini chiqaradi (Ilova №2). O‘yinni dars mazmuni bilan bog‘laydi

Tinglaydilar, xulosalar chiqaradilar.

1. Mavzuni asoslash
Bo‘lg‘usi vrach uchun tibbiy kimyoni o‘rganish kelgusida jonli va jonsiz tabiat o‘rtasidagi bog‘liqlikni tushinib etish va bu bilimlarni chuqurlashtirish, hamda kengaytirish uchun zarur bo‘ladi. Biogen elementlar organizmning barcha a’zolarida va to‘kimalarida, dorivor moddalar tarkibida bo‘lib, tibbiyotni o‘rganishda juda muxim ahamiyatga egadir. Bu bilimlarsiz kaliy-natriyli nasos ishlashini, biologik memranalar orqali moddalarni tashish mexanizmini, ionlar almashinuvini, pH ni boshqarilishini tushinib etib bo‘lmaydi.


2. Fanlararo va fanlar ichidagi bog‘liqlik
Bu mavzuni o‘rgatishda talabalarni kimyo fani bo‘yicha maktabdan olgan bilimlariga asoslaniladi. Ular D.I.Mendeleevning elementlar davriy sistemasini, reaksiya turlarini, ularning molekulyar va ionli tenglamalarini, qaytar va qaytmas reaksiyalarni bilishlari kerak. Dars davomida olgan bilimlari kelgusida bioximiya, normal va patologik fiziologiya, terapiya, farmakologiya, urologiya, gematologiya, yuqumli kasalliklar, kasb kasalliklari kafedralarida o‘kishida va kelgusi vrachlik amaliyotida zarur bo‘ladi.


3. Darsning mazmuni
Tibbiy kimyoga kirish. Kimyo va atrof muhit
Ko’p asrlar davomida tabbiy fanlar rivojlanishi natijasida tibbiyot va kimyo o’rtasida juda chuqur bog’liqliklar vujudga kelgan. Bu fanlarni bir biriga singib ketishidan yangi ilmiy yo’nalishlar fanlar orasida o’z o’rnini topib kelmoqda. Ular fiziologik jarayonlarni, kasalliklar kelib chiqishi sabablarini, farmakologiya asoslarini molekulyar darajada o’rganishga qaratilgan. Xayot jarayonini molekulyar darajada o’rganilishi kerakligining sababini tushintirish oson, chunki “tirik xujayra - bu katta va kichik bir biri bilan tinimsiz ta'sirlashayotgan molekulalardir”. Umumiy kimyo shu molekulalarni atom-molekulyar ta'limot nuqtai nazaridan, o’zida shu moddalarni saqlagan eritmalarning tarkibi, xossalarini o’rgansa, analitik kimyo elementlar va ularning birikmalarini xossalarini o’rganadi. Odam organizmining biologik suyuqliklarini eritma, bufer eritma, kolloid eritma sifatida ko’rganimiz uchun, eritmalar kimyosini o’rganishsiz organizmning tarkibini o’rganish to’liq bo’lmas edi.
Kimyoning umumiy, analitik, fizik va kolloid, organik kimyo bo’limlari tibbiyot oliy o’quv yurtlarining o’quv rejalarida alohida ko’rilmaganligi sababli bu bo’limlar “Tibbiy kimyo” fanining bir qismi sifatida o’rganiladi.
Har qaysi o’rganuvchi uchun tabiat mohiyatini anglash muhim masala ekanligi hisobga olinar ekan, ilmiy usulning barcha umumiy prinsiplari o’rganilayotgan muammo yechimini oydinlashtirib beradi.