1. Yuqumli kasalliklar fanining hozirgi davridagi tutgan o’rni

Mavzu:Yuqumli kasalliklar haqida tushuncha va ularning kelib chiqish tarixi.Yuqumli kasalliklar shifoxonasining tuzilishi va uning ish tartibi.

Reja:

1.Yuqumli kasalliklar fanining hozirgi davridagi tutgan o’rni.

2.Yuqumli kasalliklarni kelib chiqish sabablari,yuqumli kasalliklar shifoxonasining tuzilishi bilan tanishish.

Infeksiya– lotincha Infektio – yuqish va Infisio – yuqtiraman – so'zlardan olingan bo'lib, keng umumiy biologik tushunchadir. Ushbu jarayon patogen qo'zg'atuvchi (viruslar, bakteriyalar, rikketsiyalar va haqozo) larning yuqori tashkil topgan o'simlik yoki hayvon organizmiga kelib tushishi va keyinchalik ularning antagonistik munosabatiga asoslangan.

Yuqumli jarayon – vaqt bo'yicha cheklangan mikro- (qo'zg'atuvchi) va makroorganizm biologik sistemalarning murakkab munosabati hisoblanib, tashqi muhitning ma'lum sharoitlarida kechadi. Yuqumli jarayon submolekulyar, subhujayra, hujayra, to'qima, organ yoki organizm darajasida kechib, yoki mikroorganizmning halok ati yoki uning qo'zg'atuvchidan butunlay xalos bo'lishi bilan tugallanadi.

Yuqumli kasallik – yuqumli jarayonning namoyon bo'lishining qon kret shakli hisoblanib, uning taraqqiyot darajasini ifodalaydi va xarakterli nozologik belgilarga egadir.