Ўзбекистон республикаси соғЛИҚни сақлаш вазирлиги тошкент тиббиёт академияси

Терининг намлиги текширилганда терининг симметрик сохаларида – қўл кафт териси, оёқ кафти, қўлтиқ ва чов сохалари териси силаб кўрилади.

	Терининг ҳароратини қўл кафтининг ташқи томони билан боланинг орқасини ушлаб кўриб хам текшириш мумкин. Асосан болаларда қўлтиқ остида текширилади. Эрта ёшдаги болаларда, холсиз в беморларда тана хароратини оғиз бўшлиғида, чов бурмасида ёки орқа тешикда ўлчаш мумкин. Нормада болаларда оғиз бўшлиғи ва туғри ичакдаги температура қўтиқ остидагига қараганда 0,5-1 Сга фарқланади, 37,5 С дан ошмаслиги керак.
	Юмшоқ тўқималар тургори - елканинг ички юзаси ёки болдирнинг юқорисидаги юмшоқ тўқималарнинг эластиклиги ва таранглиги бош ва кўрсаткич бармоқлар билан босиб текширилади. Нормада тўқима босилганда эгилувчан таранглик сезилади, тургорнинг пасайишида бурманинг бўшашганлиги ва ланжлиги сезилади.
	Болаларда тери ости ёғ қавати қалинлиги кўрикда ва пальпацияда аниқланади. Тананинг турли қисмларида – асосан қоринда, кўкракда (тўш сохасида), курак орасида ва оёқ-қўлларда тери бурмасига олиб ёки калипер-циркули орқали аниқланади. Қориндаги тери ости ёғ қавати ўртача қалинлиги: янги туғилган чақалоқларда – 0,6 см; 6 ойда – 1,3 см; 1 ёшда – 1,5 см; 2-3 ёшда 0,8 см; 4-9 ёшда -0,7 см; 10-15 ёшда – 0,8 см бўлади.
	Дермографизмга текшириш. Теридаги қон томир тонусини бахолаш мақсадида махаллий дермогрфизм текширилади. Бунда болани кўкраги ёки қорин терисига тирноқ учи билан қисман чизиқ тортилади. Нормада 5-20 секундда оқ чизиқ пайдо бўлса, оқ дермографизм, симпатик таъсирдан далолат беради. 1-10 минутдан сўнг қизил чизиққа айланса, қизил дермографизм, яъни парасимпатик таъсир бўлади ва бу чизиқ 2 соатгача сақланади.