Ўзбекистон республикаси соғЛИҚни сақлаш вазирлиги тошкент тиббиёт академияси

Қон-томирлар мўртлигини аниқлаш симптомлари:
Болғача симптоми – боланинг тўш сохасига болғача билан оғриқ хиссисиз урилади. Агар бола терисида геморрагия аниқланса, симптом ижобий хисобланади.
Чимчилаш симптоми – кўкракнинг олдинги ёки ён сохасидаги терига иккала қўлнинг бош ва кўрсаткич бармоқ учлари билан тери бурмаси олинади (иккала қўл бармоқлар ораси – 2-3 мм) ва қарама-қарши томонга бурмалар тортилади. Қон томир девори мўртлиги ошганда чимчилаш сохасида қон куйилиш излари пайдо бўлади.
Тасма симптоми – Кончаловский-Лееде. Боланинг елка сохасига резина жгутини веноз оқим тугагунча тарангланади. Артериал оқим бузилмаслиги лозим. 3-5 минутдан сўнг қон томир девори мўртлиги ошганда тирсак букилмаси сохасида ва елкада петихиал тошма пайдо бўлади. Тошмалар сони 5 тадан ошса симптом патологик хисобланади.

3. Болаларда суяк-мушак тизимини текшириш
	Суяк-мушак тизимини кўрикдан ўтказиш. Болаларда юқоридан пастга тананинг ётган, турган ва харакатдаги холатида кўрилади. Бош кўриги: шакли – думалоқ, пешона дўнглиги, энса яссилиги, минора калла, симметриклиги, бош ўлчами (камайиши – микроцефалия, ортиши – макроцефалия), юқори ва пастки жағ холати, тиш миқдори ва холати, тишлам холати. Кўкрак қафаси кўриги – шакли (цилиндрик, бочкасимон, конуссимон); симметриклиги; эпигастрал бурчаги – конституциал типи аниқланади: нормостеник (бурчак 90°), гиперстеник (ўтмас бурчак), астеник (ўткир бурчак); деформацияси: “товуқ кўкраги”, “этикдўз кўкраги”, Гаррисон эгати борлиги (диафрагма чизиғининг тортилиши). Умуртқа поғонаси кўриги – физиологик букилишларни яққоллиги (лордоз, кифоз, букрликни шаклланиши), умуртқа поғонанинг ёнига букилиши (сколиоз), қад-қоматнинг бузилиши; симметриклиги, ўмров суяги, кураклар, ёнбош суяги қирраси жойлашуви, бел учбурчаги (ассимметрия сколиоз ва бошқа патологиядан далолат беради). Оёқ-қўллар кўриги – Ташқи кўриниш симметриклиги. Суяк деформацияси, синишлар, сохта бўғимларни аниқлашга ёрдам беради; Нисбий узунлиги (тананинг пропорционаллиги аниқланади); Шакли. Оёқлар кийшайиши (Х-симон вальгус, О-симон варус); Оёқ кафти яссислиги – ясситовонлик. Болаларда 2 ёшгача физиолгик хисобланади, 2 ёшдан катталарда – патологик. Қадам ташлаш – Анталгик қадам ташлаш (умуртқа поғонасининг пастки қисмида оғриқда, тос-сон ва тизза бўғими зарарланганда кузатилади). Бемор оғриқли оёғидан соғ оёғига тезда ўтиб олади; Талалгик қадам – оёқ кафти сохасидаги оғриқда бола оёқ учида ёки товонида юради. Олди қисми оғриса, бола олдинга энгашиб, қисқа қадам ташлайди. “Ўрдак қадами” икки тарафлама тос-сон бўғимининг зараланишида кузатилади.