Ўзбекистон республикаси соғЛИҚни сақлаш вазирлиги тошкент тиббиёт академияси

Бош, кўкрак айланасини аниқлаш

1.	Болага ёки унинг онасига муолажанинг ахамияти тушунтирилади
2.	Боланинг бош айланасини улчаш учун ўтирган ёки ётган холда сантиметрли лента боланинг орқадан-энса дўмбоқчаси; олдиндан-қош устидан ўтказилади ва натижалар ёзиб олинади.
3.	Кўкрак айланасини ўлчаш учун сантиметрли лентани кўкрак қафасига: а)орқадан – куракнинг пастки бурчаги; б)олдидан – кўкракнинг пастки қиррасидан, пубертат ёшидаги қизларда – кўкрак бези остидан 4-қовурғани юқорисидан ўтказилади. ва натижалар ёзиб олинади.
Болаларда тери, тери ости ёғ қаватини текшириш
	Терини умумий кўрикдан ўтказиш; Умумий кўрик иложи борича табиий ёруғликда ўтказилади. Тери қопламлари юқоридан пастга қараб: бошнинг сочли қисмлари, бўйин, табиий бурмалар, чов ва думба сохалари, кафт, товон, бармоқлар ораси кўрикдан ўтказилади.Кўрикда бахоланади: тери ранги ва бир маромдалиги, намлиги, тозалиги (тошмалари ва бошқа патологик элементлари қипиқланиши, қон куйилишлари йўқлиги), тери қопламлари бутунлиги, харорати, тери хосилалари (соч ва тирноқ) холати.
	Эластиклигини текшириш. Бош ва кўрсаткич бармоқлар билан тери ости қавати кам ривожланган жойларда – кўкрак кафасининг олдинги юзасида, қўл панжанинг ташқи томонида, тирсак букилмасида бурмага йиғилади. Нормада кўп миқдорда майда бурмачалар хосил булиб, бармоқ олинганда кетидан оқ доғ хосил бўлмасдан тезда жойига тушади. Йирик бурма хосил бўлиб, бармоқ олинганда кетидан оқ доғ хосил бўлса, терининг эластиклиги пастлигидан далолат беради.