Ўзбекистон республикаси соғЛИҚни сақлаш вазирлиги тиббий таълимни ривожлантириш маркази

Ўткир нафас етишмовчилиги, белгилари
Тиббиётда тўсатдан юз берадиган нафас олишнинг тўхташи операция қилингандан кейинги даврда кўкрак нафаси жароҳатланганида ёки заҳарланишлар натижасида келиб чиқиши мумкин. Кўпинча нафас олишнинг тўхтаб қолишига нафас йўлларига тушиб қолган ёт жисмлар, сувда чўкиш, электр токидан заҳарланиш, СО2 гази ёки бошқа газлар ва тутунлар билан захарланиш кўкрак қафаси ва қорин бўшлиғидаги аъзоларнинг шикастланиши, орқа ва бош мияни жароҳатланиши, мияга қон қуйилиши бўйиндаги аъзоларнинг шикастланиши турли ўпка касалликлари, пневмония, астма кабилар сабаб бўлади. Булардан ташқари кома ёки ҳушсиз ётган белгиларда бўйин ва жағ мускулларнинг бўшашиб қолиши натижасида беморнинг тили орқага кетиб ҳиқилдоқдаги ҳаво ўтиш йўлини тўсиши сабабли нафас олиш тўхтаб қолиши мумкин. Баъзан ўпка қон томирларининг жароҳатланиши натижасида ўпкада, нафас йўлларида қон ёки қусуқ моддалари тўпланиб қолиши натижасида нафас тўхтаб қолади. Буларнинг хаммаси турли клиник белгилар билан ифодаланади.
Ўткир нафас етишмовчилиги касалликларида ҳамширалик жараёнини ролли ўйин билан кўрсатиш.
(Бунда гуруҳнинг икки иштирокчисига вазифа берилади, масалан бир иштирокчи бронхиал астма ҳуружи билан, иккинчи иштирокчи ҳамшира ўртасида суҳбат ва ҳамширалик ёрдамини кўрсатиш. ) Гурухдаги тингловчилар ролли ўйинни кузатиб баҳо берадила. Ўқитувчи камчиликлар ва тавсиялар билан мунозарани якунлайди. Ўткир юрак- қон томир, нафас етишмовчилигида, беморларни ҳамшира парваришини ўрганиш, ҳамшира ташҳисини қўйиш, беморларни парвариш режасини тузиш ва парваришлаш усулларини ўрганиш.
Ҳамширалик жараёни бўйича умумий маълумот мавзу тақдимоти.
Ҳамширалик иши бу бемор муаммоларини илмий асосланган ҳолда бартараф этиш, ёки бемор эҳтиёжларини ҳамшира парвариши ёрдамида қондиришдир.
Ҳамширалик жараёни асосий 5 босқичдан иборатдир

• 
  Беморни текшириш
  
• 
  Ҳамшира ташхисини қўйиш
  
• 
  Парвариш режасини тузиш
  
• 
  Парваришни амалга ошириш
  
• 
  Парваришни баҳолаш