Ўзбекистон Республикаси Соғлиқни сақлаш вазирининг

3.3.3. Биполяр ПТУР модификациялари: простата безининг биполяр 
вапоризацияси. 
Таъсир механизми:
ушбу усул плазма эффектини яратиш учун биполяр электрод ва 
юқори частотали генератор ёрдамида плазма кинетик вапоризация (буғлантириш)га 
асосланган. Тўқималар билан минимал алоқа қилиш ("яқин майдонда" алоқа; буғланиш 
техникаси) ва электр импульси ҳосил бўлгандан кейин иссиқлик энергиясини ишлаб 
чиқаришда биполяр электрод атрофида доимий равишда плазма майдони ҳосил бўлади 
(юқори даражада ионланган заррачаларнинг юпқа қатлами, плазма коронаси), бу тўқима 
устида силжишга ва асосий тўқималарга зарар етказмасдан ва шу билан бирга гемостазни 
таъминлаган ҳолда простата безининг чекланган қатлам ҳужайраларини буғланишига 
имкон беради. 
Самарадорлик: 
Тадқиқотлар қисқа муддатли самарадорликда (12 ойгача, IPSS 
шкаласи кўрсаткичи, ҳаёт сифати, Qmax ва ҚСҲ) плазма кинетик вапоризация ва ПТУР 
ўртасидаги фарқ йўқлигини кўрсатди [32]. Яқин муддатларда истиқболли самарадорлик 
профилига қарамай, кузатувда натижалар ПТУРдан паст даражада эканлиги аниқланди 
(IPSS шкаласи кўрсаткичи, Qmax ва қайта аралашиш частотаси).
 
Толерантлик ва хавфсизлик: 
жарроҳлик натижаларини ўрганиш плазмакинетик 
биполяр вапоризация ва ПТУР ўртасида интраоперацион ва эрта (12 ойгача) 
постоперацион асоратларда фарқлар мавжуд эмаслигини, аммо биринчи усул 
жарроҳликдан кейинги даврда камдан-кам учрайдиган асоратларга олиб келишини 
кўрсатди. 
Амалий масалалар: 
биполяр вапоризация ва ПТУР солиштирма самарадорликка 
эга. Простата безининг плазмакинетик биполяр вапоризацияси асоратларнинг хавфсизлик 
профили ПТУР хавфсизлик профили билан тенглашувчи анча яхши профилга эга, аммо 
самарадорлиги бўйича ПТУРдан пастроқдир. Простата безининг плазмакинетик биполяр 
вапоризациясида ПТУРга қараганда жароҳатланиш даражаси паст.