Ўзбекистон Республикаси Соғлиқни сақлаш вазирининг

2. ДИАГНОСТИКА 
2.1.
Шикоятлар ва анамнез тўплаш 
ПБХГни ташхислаш шикоятлар, анамнез, физикал текширув маълумотлари, 
лаборатор ва инструментал текширув усулларига асосланади. IPSS сўровномаси ёрдамида 
беморларнинг шикоятлари аниқланади ва таҳлил қилинади (Иловаларга қаранг). 
Бунда бемор томонидан уч кун давомида тўлдириладиган «Сийдик чиқариш 
сифати ва частотасини қайд этиш кундалиги» диагностик жиҳатдан катта аҳамиятга эга, 
унда бемор ҳар бир сийиш вақти, чиқарилган сийдик миқдори, истеъмол қилинадиган 
суюқликнинг ҳажми ва хусусиятлари, сийиш учун ургент истакнинг мавжудлиги, 
сийдикни тута олмаслик эпизодлари ва қовуқни бўшатиш учун уйқуни бузиш зарурати 
тўғрисидаги маълумотлар келтирилади. 
ПСЙС мавжуд бўлган беморларни клиник текширишдан ўтказиш иккита асосий 
мақсадни кўзлайди: 
1. Дифференциал ташхислашни ўтказиш, чунки эркакларда ПСЙС этиологияси кўп 
факторли ҳисобланади. Шунинг учун ҳар бир беморни даволашда тегишли касалликларни 
даволаш бўйича клиник баённомаларга риоя қилиш керак; 
2. Оптимал даволаш усулини танлаш учун ПСЙС мавжуд бўлган эркакларнинг 
клиник профилини (шу жумладан касалликнинг ривожланиш хавфини) аниқлаш. Бундан 
ташқари, қабул қилинадиган дори-дармонларни ва турмуш тарзини, шунингдек, ҳиссий ва 
психологик омилларни баҳолаш тавсия этилади. 
2.1.1. Тиббий анамнез. 
Анамнез тўплашнинг мақсади – ПСЙСнинг мумкин бўлган сабабларини ва 
тизимли ёки неврологик касалликлар каби клиник жиҳатдан аҳамиятли ёндош 
касалликларни аниқлашдан иборат. Бундан ташқари, қабул қилинаётган дори 
воситаларини баҳолаш ва турмуш тарзини, шунингдек ҳиссий ва психологик омилларни 
ҳисобга олиш тавсия этилади. 
Далиллар бўйича хулоса 
ИД 
Тиббий анамнез беморларни текширувдан ўтказишнинг асосий қисми 
ҳисобланади
4 
Тиббий анамнезни йиғиш ПСЙСнинг мумкин бўлган сабаблари ва қўшма 
касалликларни аниқлаш имконини беради. Бундан ташқари дори 
препаратларини қабул қилиш, турмуш тарзи ва зарарли одатлар каби 
маълумотларни тўплаш зарур 
4