Zbekiston respublikasi oliy va o ‗ rta maxsus ta`lim vazirligi

SHAXS TASVIRIDA RUHIYAT VA VOQEA DIALEKTIKASI

 

 Feruza RADJAPOV,

 

 Baxodir ZAKIROV, 

 

 (

UrDU)  

 

 

Ruhiyat  va  voqea  munosabati  badiiy  asar  haqidagi  muhim  muammolardan 

biridir.  Hozirgi  davrda  adabiyotshunoslikda  nasriy  asarlar,  jumladan,  qissalar 

yutuqlari,  mualliflar  mahorati  ko‗pincha  personajlar  ruhiyati  tahlili  darajasiga 

qarab baholanmoqda, voqea, epik bayon roliga e`tibor biroz susayganday tuyuladi. 

To‗g‗ri,  adabiy  qahramonning  qalb  olami,  psixologik  holati,  kechinmalari  badiiy 

mukammallikning  muhim  shartlaridan  biri,  lekin  yagona  mezoni  emas.  Chunki, 

epik asardagi obrazlar ichki dunyosi, tuyg‗ulari, botiniy evrilishlari ifodasi bo‗lgan 

ruhiyat muayyan voqea ta`siri tufayli tug‗iladi. Natijada voqea va ruhiyatning, epik 

bayon  va  hissiy  talqinning  uyg‗unligi,  uzviy  aloqadorligi  vujudga  keladi.  Bu 

omilda  ularning  qo‗llanish  darajasi  asar  mazmuni,  syujet  tarkibi,  muallif  uslubi 

bilan  belgilanadi.  Hozirgi  aksariyat  realistik  qissalarda  har  ikkala  unsurning 

mutanosibligi  yorqin  sezilsa,  noan`anaviy  qissalarda  ruhiyat  tahlili  asosiy  o‗rin 

tutadi,  ammo  uning  zaminida  baribir  voqeabandlik  izlari  sezilib  turadi.  Zero, 

asarda  inson  yaxlit  siyratini  gavdalantirishda  voqea  (harakat)  va  ruhiyat 

(kechinma) bir-birini to‗ldiradi, ma‘nan bog‗lanadi. 

  

Shuni  alohida  ta`kidlash  kerakki,  ―odam  tasviri  demak 



  boshlicha 

odamning  ichki  dunyosi  tasviri,  uning  kechinmalari  tasviri  demakdir‖  [1,  53], 

degan  fikr  voqea  ahamiyatini  butunlay  rad  etmaydi.  Zero,  ruhiyat  va  voqea 

uyg‗unlashgan  tasvirni  adabiy  ijod  tabiati,  ‖obyekt‖ni  badiiylik  qonuniyatlari 

asosida  individual  va  mushtarak  belgilari  bilan  gavdalantirish  zaruriyati  taqozo 

etadi  va  bu  jarayonda  asosan  ruhiy-psixologik  tahlil  bo‗rtib  turadi.  Binobarin, 

―psixologik  tahlil‖  inson  psixikasi  jarayonlarini,  uning  fikr  va  hissiyotidagi  turli-

tuman  ohanglar  rivojini  aks  ettiruvchi,  qahramon  ruhiy  dunyosini  analitik 

printsipda  ochuvchi  estetik  kategoriyadir‖  [2,  18].  Bu  kategoriyaning  turli 

yo‗nalishdagi qissalarga xos xususiyatlari badiiy ijod takomili bilan bog‗liq holda 

aks etadi. 

  

Bugungi qissachiligimizga tuyg‗ular realizmi 



 badiiy psixologizm nuqtayi 

nazaridan  qaraydigan  bo‗lsak,  unda  bundan  avvalgi  o‗n  yilliklardan  farqli  holda 

insonni,  u  bilan  bog‗liq  holda  ijtimoiy  hayotni  tuyg‗ular  rang-barangligi, 

kechinmalarning  shiddatli  dinamikasi  vositasida  badiiy  tadqiq  etish  mahorati 

o‗sganligini  ko‗rish  mumkin.  Hozirgi  qissachilikda  mavzular  turfaligi,  ma`no 

serqatlamligi, tuyg‗ular teranligi, adib tilsimiy olamining o‗ziga xosligi, psixologik 

tahlil  chuqurligi,  falsafiy  obrazlilikning  kuchaygani,  ong  evrilishlarining  xilma-

---

486 

 

xilligi ko‗zga yaqqol tashlanmoqda. Bu hol kishilar dunyoqarashida yangi davrga 

xos  o‗zgacha  kayfiyat  va  o‗zlikni  anglash  hissi  tug‗ilgani  va  bu  esa  ko‗pqirrali 

jarayonni  ifodalashning  badiiy  vosita  va  uslublaridan  mohirona  foydalanishni 

taqozo etmoqda. Ruhiyat tahlili shunday vositalaridan biridir.  

 

Avvalo  shuni  aytish  lozimki,  ruhiyat  tasviri  jihatidan  qissa  janri  katta 

imkoniyatlarga  ega.  Chunki  ushbu  janrning  bosh  talabi  asar  syujetining  yagona 

qahramon  hayotining  dramatizmga  boy,  lirik  talqinga  moyil  lahzalarini 

tasvirlashga asoslangan. Yagona qahramon hayotiga oid voqealar tasvirida ijodkor 

uning qalb evrilishlarini, botiniy kechinmalar tug‗yonini chuqur va har tomonlama 

ochishga intiladi. Qolaversa, qissalardagi bayon shakllari – ular ―men‖ tilidan olib 

boriladimi, ijodkor yoki alohida bayonchi tilidan olib boriladimi – har uch holatda 

ham asar qahramonining xatti-harakati, ruhiy holatining tasviri bosh planda turadi.  

 O‗tgan  asrning  90-yillaridan  boshlab  o‗zbek  qissalarida  psixologizm  doirasi 

yanada kengaydi. Voqea tasviridan ruhiyat tahliliga o‗tish ustuvor bo‗la boshladi. 

Natijada,  keyingi  yillar  qissachiligida  ruhiyat  tasvirida  ikkita  tamoyil  yetakchilik 

qila boshlandi. 

  

 Birinchi tamoyil qahramon ruhiyatini berishda an`anaviy prinsiplarga amal 

qilish,  yangi  tasvir  usullari  va  shakllari  bilan  boyitilgan  holda  an`anaviy 

vositalardan 

foydalanishda 

ko‗zga 

tashlanadi. 

(E.A‘zam, 

Sh.Bo‗taev, 

N.Norqobilov va boshqalar asarlari). Ushbu tamoyildagi ruhiyat tasvirining o‗ziga 

xosligi  hamda  afzalligi  shundaki,  bunda  inson  ruhiyati  qahramonning  yashash 

sharoiti, muhiti bilan aloqadorlikda voqe bo‗lishi nazarda tutiladi. Ayni mana shu 

tamoyilda  qissa  qahramoni  ijtimoiy  hayot  farzandi  sifatida  determinizatsiya 

qilinadi,  ya`ni  dalillanadi.  Bu  narsa  uning  har  bir  xatti-harakati  bevosita  uning 

ruhiyati jilvalari bilan aloqador ekanligini ta`kidlashga xizmat qiladi. Qissalardagi 

an`anaviy  ruhiyat  tasviri  kitobxonning  ruhiy  holatlariga  bo‗lgan  qiziqishlarini 

kuchaytiradi.  Chunki,  qahramonning  ruhiy  holatlariga  chuqur  kirib  borish,  bir 

tomondan,  asarni  puxta  o‗zlashtirishga  turtki  bersa,  ikkinchi  tomondan,  inson 

qiyofasining  murakkab  jihatlarini  mukammalroq  yoritishga  yordam  beradi.  Mana 

shuning uchun ham 80-90-yillar o‗zbek qissachiligi ancha rivojlandi. Uning mavzu 

va  g‗oyaviy  mazmun  doirasi  kengaydi,  shakliy-uslubiy  rang-barangligi  kuchaydi, 

poetik til sayqallashdi.  

 

Nazarimizda, istiqlol davri qissalari haqida gap ketganda, ruhiyat va voqea 

munosabati  hamda  ulardan  har  birining  asar  silsilasidagi  mavqeiga  oid  ba`zi 

jihatlarni  hisobga  olish  joiz  ko‗rinadi.  To‗g‗ri,  ularda  shaxsni  falsafiy-psixologik 

kashf  etish,  ko‗ngil  olami,  kechinma-tuyg‗ulari,  quvonch  va  alamlarini  ruhiy-

ma`naviy  rakursda  tasvirlash  voqea-hodisa  bayoniga  nisbatan  oldingi  o‗ringa 

chiqdi.  Bu  hol,  tabiiyki,  inson,  u  yashayotgan  muhit  mohiyatiga  har  tomonlama 

kengroq va chuqurroq kirib borish, turfa xarakterlarning tashqi va ichki dunyosini 

yaxlit,  o‗zaro  aloqadorlikda  yoritishga  imkon  beradi.  Lekin,  bu  jarayonda  ruhiyat 

va  voqea  orasidagi  dialektik  uyg‗unlikni  yangi  jihatlari  ham  ko‗rina  boshlandi. 

Boshqacha  aytganda,  ruhiyat  tasviri  tugal  voqea  yoxud  uning  bir  qismi  bilan 

baqamti  holda  o‗z  doirasini  kengaytirdi,  ta`sirni  kuchaytirdi  shakllanadi.  O‗z 

navbatida  uning  voqeaga  turtki  berishi  ham  kuzatilmoqda.  (―Suv  yoqalab‖ 

---

487 

 

qissasida  Bolta  Mardonning  tushidagi  ruhiy  holati  asosiy  voqeaga  shunday  turtki 

bo‗ldi).  Bunda  albatta,  bu  ikki  tushuncha  nisbati  muayyan  asar  xarakteriga,  adib 

uslubiga ko‗ra belgilanadi. 

  

Hozirgi  an`anaviy  realistik  va  zamonaviy  noan`anaviy  qissalarda  voqea 

tasvirining  o‗rni  turlicha:  birinchisida  u  nisbatan  ko‗lamdor,  ikkinchisida  qisqa 

bo‗lib, har ikkalasida ham umumiy talqinning muhim omillari vazifasini ado etadi. 

Hatto,  sof  psixologik  va  monolog  qissalarda  ham  voqeaviy  lavhalar  (―mikro 

voqea‖)  ruhiyat  tasviriga  singib  ketadi  va  ifodaning  ishonchliligini  epik  jihatdan 

asoslaydi.  ―Suv  yoqalab‖,  ―Zabarjad‖  qissalarida  voqea  va  ruhiyat  tasviridagi 

mutanosiblik  to‗la  namoyon  bo‗lgan.  Ularda  voqealar  an`anaviy  izchillikda  tasvir 

etilsa ham bayon usuli qahramon ruhiyatini turli hodisa, personajlar hatti-harakati, 

konfliktlar  aspektida  ochib  berishga  bo‗ysundirilgan.  Muhimi  shundaki,  qissalar 

qahramonlari  Bolta  Mardon  va  Zabarjad  ruhiyatidagi  turfa  holatlar  ular  boshidan 

kechirgan voqealar tufayli yuz beradi. 

Demak,  bugungi  qissalarda  ruhiyat  tasviriga  alohida  urg‗u  berilayotgan 

ekan, unda estetik kontekstdagi voqea unsuri ham to‗la yoxud qisman mavjudligini 

e`tirof  etish  joiz.  Negaki,  ―qissa  muallif  va  o‗quvchi  uchun  fikr  tashuvchi‖ 

(D.Lixachyov)  ekanligi  bois  bu  fikrda  voqea  ham  nazarda  tutilgani  o‗z-o‗zidan 

anglashiladi.  

  

Ruhiyat  tasviridagi  ikkinchi  tamoyilni  shartli  ravishda  noan`anaviy 

tasvirlash,  deb  atash  mumkin.  Bu  tamoyil,  asosan,  o‗zga  xalqlar,  xususan,  G‗arb 

modernistik oqimlari ta`sirida vujudga keldi. 

 

Shuni  alohida  ta`kidlash  kerakki,  modernistik  yo‗nalish  bizning 

adabiyotimizda  hali  tugal  shakllanmagani  bois,  u  haqda  turlicha  qarashlarning 

bo‗lishi  tabiiydir.  Ayrim  adabiyotshunos  va  adiblar  (B.Sarimsoqov,  S.Meli, 

E.Ochilov,  Sh.Xolmirzaev)  bu  yo‗nalishni,  jumladan,  uning  asosidagi  ruhiyat  va 

fojeaviylik  talqini  ustuvorligini  xushlamaydilar.  Bundan  ruhiyatga  oid  fikrlardan 

mantiqan quyidagicha xulosa ravshanlashadi: ushbu tamoyilning asosiy xususiyati 

shundaki,  asar  qahramonlarining  ruhiy  holatlari  biron-bir  joyda  na  ijtimoiy,  na 

ruhiy  jihatdan  asoslaniladi.  Ular  makon  va  zamon,  milliy  ruh  va  umuminsoniy 

mezonlar nuqtayi nazaridan yetarli dalillanilmaydi. Holbuki, inson ruhiyati birinchi 

galda  milliy  xarakter  bilan  aloqadorlikda  namoyon  bo‗ladi,  millat  esa  muayyan 

makon  va  zamon  chegaralariga,  o‗zigagina  xos  ruhiy  tafakkurga  ega.  Hozirgi 

o‗zbek  qissalaridagi  ruhiyatning  noan`anaviy  tasviri  haqida  to‗xtalar  ekan,  prof. 

B.Sarimsoqov quyidagilarni yozadi: ―...ochig‗ini aytish kerak, bir qancha qissa va 

hikoyalarda  ruhiyat  tasviri  yuzaki,  kitobxonni  hayajonlantiradigan  darajada  emas. 

―Qora  kitob‖  asarida  keng  qamrovli  voqelik  ramziy  tasvirlanar  ekan,  mening 

nazarimda, muallif o‗z asarini juda xotirjamlik bilan yozgandek taassurot qoldiradi. 

Chunki, o‗g‗illari tamoman iblis ta`siriga o‗tgan, iblisdan homilador bo‗lgan qizini 

o‗z  qo‗li  bilan  bo‗g‗ib  o‗ldirgan  otaning  iztiroblari,  ruhiy  kechinmalari  negadir 

o‗quvchini larzaga solmaydi. Ruhiyat tasviri qissada yuzaki va kishiga yuqmaydi. 

N.Eshonqul  qissasi  hissiy  tug‗yon  og‗ushida  emas,  balki  aqliy  kuch  ta`sirida 

yozilgandek  tuyuladi‖  [3,  22].  Nazarimizda,  ushbu  fikrlarda  inkor  ruhi,  qora 

bo‗yoqlar biroz oshirilgan bo‗lsa ham muayyan haqiqat yo‗q emas. Haqiqatan ham 

---

488 

 

N.Eshonqulning  yuqorida  tilga  olingan  qissasining  ruhiyatga  ta`siri  ancha 

cheklangan  va  jozibasiz  tuyuladi.  Buning  sababi  nimada?  Bizningcha,  buning 

sababi  shuki,  asar  qahramonida  milliylik  belgilari  xira,  u  zamon  va  makondan 

mosuvo inson. Uni, farzandlarini milliy tuyg‗u, millat dardi, ona er ishqi va vatan 

muhabbati qiziqtirgani yorqin aks etmaydi.  

 

Adib ekzistializm deb atalmish falsafiy-estetik oqim ta`sirida o‗z qissasini 

yaratgan. Badiiy makon va zamon real hayot bilan, milliylik bilan inson faoliyati, 

o‗y-kechinmalari vositasida bog‗lanmas ekan, ruhiyat tasviri qamrovli bo‗lsa ham 

ta`sir  zaifligicha  qoladi.  Boshqacha  aytganda,  qissaning  umumiy  ruhida  estetik 

ta`sir  his-tuyg‗uga  nisbatan  aqlga  ko‗proq  qaratilgan  va  falsafiy  mulohazakorlik 

oldingi  o‗rinda  turadi.  Lekin  bu  noqislik  qissani  butunlay  rad  etishga  asos 

bo‗lolmaydi.  Undagi  odam  va  jamiyatning  poklanishi,  qabohatga  nafrat  g‗oyasi, 

yovuzlikni qoralash, bashariyat taqdiri uchun kuyinish motivlari muayyan ijtimoiy-

estetik ahamiyat kasb etadi.  

Foydalanilgan adabiyotlar:  

1.

 

Normatov U. Ijodkorning haroratli so‗zi. – T.: Turon zamin ziyo, 2015. 

2.

 

Umurov H. Adabiyot nazariyasi. – T.: Sharq, 2002.  

3.

 

Vohidov E. She`r dunyosi. Saylanma. – T.: Sharq, 2001.