Zbekiston respublikasi oliy va o ‗ rta maxsus ta`lim vazirligi

AZIM SUYUN QAYIRMALARIDA FALSAFIY-MA‟RIFIY TALQIN 

Naima KELDIYOROVA,  

doktorant (O„zRFA O„zbek tili, adabiyoti va folklori instituti)  

 

 

Azim  Suyun  o‗z  qayirmalarida  xalqona  quyma  fikr  va  samimiy  tuyg‗ularni 

xalq tilidagi so‗zlar orqali, xalqchil timsollar vositasida aks ettirganini  ta`kidlagan 

adabiyotshunos  olim  Qozoqboy  Yo‗ldoshev  qayirma  so‗zining  etimologiyasi 

haqida to‗xtalib quyidagi fikrlarni bildirgan:  

---

493 

 

 

―Qayirma‖  so‗zi  shevada  obdon  yetilgan,  tobiga  kelgan  narsa,  ish  harakat, 

amal  ma`nolarini  anglatadi.  Jumladan,  qayirma  patirni  o‗zbek  qishloqlarida 

tajribali  kayvonilargina  yopa  oladi...  Qayirmaning  o‗zagida  qayishlilik,  ya`ni 

pishiqlik, puxtalik ma`nosi ham bor. ―Qayirma‖ janridagi she`rlarning Azim Suyun 

ijodida  endi  paydo  bo‗lgani  ham  shu  bilan  izohlanadi.  Muayyan  hayotiy 

bosqichdan  o‗tib,  etarli  turmush  tajribasi  va  kerakli  poetik  mahoratga  ega 

bo‗lgandan  keyingina  she`rda  ham  yoniq  yurak  haroratini,  ham  falsafiy 

fikrchanlikni uyg‗unlashtirish imkoni paydo bo‗ladi‖ [1, 46] 

 

Darhaqiqat,  Azim  Suyunning  ―Ey  do‗st!‖  murojaati  bilan  boshlanuvchi 

qayirmalari  ifodalangan  tuyg‗u  va  hikmat  uyg‗unligi  nihoyatda  sodda,  xalqchil 

ifodasi bilan, falsafiy teran mushohadalari va samimiy . 

 

Umuman,  qayirma  janri  o‗z  mohiyatiga  ko‗ra  hajman  kichik  mazmunan 

teran fikrni ifoda etib, xalqona ifoda va ibratni o‗zida mujassam etadi. Azim Suyun 

ijodida  ilk  bor  qo‗llanilgan  ushbu  janrning  mavzu  ko‗lami  turfa  hil.  ―Ey  do‗st!‖ 

murojaati bilan boshlanuvchi mazkur qayirmalarning kompozitsion qurilishi bir xil 

bo‗lsa-da,  undalmada  ifodalangan  mazmun  turfa  hil.  Masalan,  ―Ey  do‗st!‖ 

murojaati  qayirmalarda  faqatgina  murojaat  ma`nosini  emas,  balki  hitob,  anglash, 

o‗git,  iqror,  hayrat,  ishq,  dard,  ishonch  kabi  ma`nolarni  ham  anglatib  keladi.  [2, 

408] 

 

Yuqoridagi 

kuzatishlarimizdan 

ma`lum 

bo‗layotirki, 

Azim 

Suyun 

qayirmalari mavzu ko‗lamiga ko‗ra rang-barang bo‗lib, ularda aks etgan obrazlilik 

va  poetik  obrazlar  hayotiy,  majoziy,  ishqiy,  ijtimoiy,  falsafiy  mazmunni 

ifodalashga  yo‗naltirilgandir.  Har  bir  qayirmaning  ―Ey  do‗st!‖  degan  xitobnoma 

bilan boshlanishi barcha qayirmalardagi kompozitsion butunlikni vujudga keltirish 

bilan  bir  qatorda  ulardagi  ohangdorlikni,  sirli,  ilohiy  ko‗rinishga,  xuddi  qadim 

qalandarlar  ijrosidagi  zikrlarning  ohanglarini  eslatuvchi  jazvani  hosil  qilishi  bilan 

bir  qatorda  she`rning  poetik  mazmunini  kuchaytirishga,  kitobxon  tuyg‗ularini 

shakllantirishda ham muhim ahamiyat kasb etadi. Shoirning ishqiy motivda bitgan 

qayirmalarida  ham  ikki  xil  ishq  –  ishqi  haqiqiy  bilan  ishqi  majoziyning 

uyg‗unlashib ketishi, ba‘zan unisi, ba‘zan bunisiga xos bo‗lgan mazmun etakchilik 

qilganday  tuyulsada, lekin  mushtaraklik hos xususiyat  ekanligini  ta`kidlash  zarur. 

Ishqiy  mavzudagi  qayirmalarda  an`anaviy  yor  timsolini  tasvirlashda  mumtoz 

poetik  obrazlarga  ham,  yangilangan  zamonaviy  talqinlarga  ham  duch  kelamiz. 

She`rlardagi  yor  vasfiga  bag‗ishlangan  chizg‗ilarda  uning  tovoniga  tushgan  qora 

zulflarining  tunga  o‗xshatilishi,  oq  yuzini  esa  o‗n  to‗rt  kunlik  hilolga,  tishlarini 

oppoq marvarid tutga, tik qomatini esa nay  yoki shamga, siynalarini qo‗sh kaptar 

yohud olmayu  anorga  o‗xshatilishlari  mumtoz  she`riyatimizga  xos  bo‗lgan poetik 

obraz  va  timsollardan  samarali  ozuqlanganidan  dalolat  beradi.  Bulardan  tashqari 

shoirning ishqiy motivdagi qayirmalarida bog‗, buloq, chashma, gul, atirgul, olcha 

guli,  oshiqlik  –  bozoru  unga  oluvchi  ham  sotuvchi  ham  haridorligi  kabi  talqinlar 

esa ko‗hna mavzuning zamonaviy talqinlarini ifodalashga xizmat qiluvchi obrazlar 

darajasiga  ko‗tarilgandir.  Chunonchi  shoirning  ikkinchi  raqam  bilan  berilgan 

qayirmasida  o‗lim  va  ayol  tushunchasining  bir-biriga  zid  qo‗yib  tasvirlanishidan 

---

494 

 

kelib chiqadigan ma`noning poetiklashtirilishida ham o‗ziga xos bo‗lgan topqirlik 

seziladi. 

 

 

 

Ey do‗st! 

 

 

 

Tabiatda o‗lim eng qudratli Kuch, 

 

 

 

Undan ham qudratli, shaksiz, bu Ayol. 

 

 

 

O‗lim – tiriklikka urilgan Qilich, 

 

 

 

Ayol – shu Qilichga Qalqon betimsol! [3, 155] 

 

Ko‗rinib  turibdiki  shoir  she`rda  o‗lim  va  tiriklik  tushunchasidan  ayoldagi 

hayotbaxsh-yaratuvchilik qudratini an`anaviy qurol-yaroq – Qilich va Qalqonlarni 

poetiklashtirib  obraz  darajasiga  ko‗tarmoqda.  Bunda  qilich  o‗lim  timsoli  bo‗lsa, 

qalqon  o‗limdan  himoya  qiluvchi  ayol  timsolida  kelayaptiki,  bu  ifoda  o‗lim  va 

tiriklik haqidagi azaliy tushunchaning yangicha poetik ifodasi sifatida xarakterlidir.  

 

Azim  Suyun  she`rlarida  bunday  talqinlar  ko‗plab  uchraydi,  ularda  halq 

hikmatlaridan  oqilona  foydalanish  shu  orqali  fikrning  ham  zohiriy  ham  botiniy 

ma`nolarini  uyg‗unlashtirishga  intilish  sezilib  turadi.  Chunonchi,  o‗n  to‗rtinchi 

qayirmada ishq tushunchasining quyidagicha talqinlariga duch kelamiz. 

 Ey do‗st! 

 

 

 

 

Ishq –vafo, ishq – jafo, jondan kechasiz, 

 

 

 

Hilol u – Oy bo‗lib to‗la-to‗lguncha. 

 

 

 

Ishq – chashma, ishq- sharob, har kun ichasiz 

 

 

 

Va lekin to‗ymaysiz o‗la-o‗lguncha [4, 12]. 

 

Ushbu  misralarda  ishq  tushunchasining  an`anaviy  poetik  timsollar  orqali 

ifodalanishi  ham,  yangi  talqinlariga  ham  duch  kelamiz.  Sharob  yoniga  chashma 

tisolining  ham  qo‗shilishi  ishq  mazmunining  chanqoqlik  degan  tushuncha  bilan 

boyitilayotganligini ko‗rishimiz mumkin. 

 

Shoirning ayrim qayirmalarida esa zohiriy mazmun obrazli tarzda etakchilik 

qilgandek  tuyuladi  va  bu  she`rlarda  an`anaviy  motivlardan  ko‗ra  zamonaviy 

motivlar ustunlik qilayotgandek taassurot qoldiradi. 

 

 

 

Ey do‗st! 

 

 

 

Ko‗rdimki, bul kecha tongda uyg‗onib, 

 

 

 

Yor yuzi otashday turardi yonib. 

 

 

 

Dedim: ―Atirgulday cho‗g‗lanmoq nechun?‖ 

 

 

 

Dedi: ―Atirgulim suv ichgan qonib‖ [4, 12]. 

 

Yuqoridagi  keltirilgan  har  ikki  qayirmada  ham  poetik  obraz  va  timsollar 

zohiriy  mazmunni  ifodalashga  hizmat  qilayotganday  tuyuladi.  Zero,  ishqning 

hijrondan  tashqari  visol  degan  timsollari  ham  mavjudki,  bu  o‗rinlarda  shunga 

ishorani  sezish  mumkin.  Xususan,  oshiqni  tuz  timsolida  talqin  etib  mashuqa 

taomiga usiz ta‘m bitmasligi, yohud yorning yuzining otashdek yonib turishining 

sababini ―atirgulim suv ichgan qonib‖ degan shaklda tavsiflanishi fikrning pardali 

tarzda bo‗lsa ham zohiriy mazmunga urg‗u qaratilayotganligini anglash mumkin. 

 

Shoir  inson  va  uning  ziddiyatli  qalbi  haqida  ham  hikmatomuz  misralarni 

bitadi.  Inson  tabiatning  gultoji,  unda  barcha  ezguliklar  mujassam,  ayni  paytda  u 

shunday  murakkab  xilqatki,  jamiyki  yovuzliklar  ham  unda  jamuljam.  Bu  hikmat 

shubhasiz  Azim  Suyungacha  ham  ko‗p  bora  aytilgan.  Uni  Navoiy  o‗ziga  xos 

---

495 

 

bo‗yoqlarda,  A.Oripov  o‗ziga  xos  satrlarda  bunyod  etgan,  Azim  Suyun  ham  bir 

turkum she`rlarida insonni butun nafosati-yu murakkabligi bilan hikmat darajasiga 

ko‗targan satrlarga joylaydi. 

 

 

 

Ey do‗st! 

 

 

 

Joyning rangida har jonivor rangi, 

 

 

 

Deylik, dasht rangidadir shunqor rangi. 

 

 

 

Odam qayga qochib borar o‗zidan, 

 

 

 

Unda jam olamning beqaror rangi [4, 126]. 

 

Shoir  she`rda  oddiy  bir  jaydari, lekin  g‗oyat  hayotiy  bo‗lgan  bir  o‗xshatish 

orqali (dasht rangidadir shunqor rangi) qo‗llash orqali inson tabiatini bu olamdagi 

barcha  beqaror  ranglarga  qiyoslaydiki,  bundan  odam  tabiatiga  tabiatdagi  barcha 

ranglar  monand  ekanligi  orqali  xulosa  sifatida  beradi  va  bu  insonga  berilgan 

ta‘riflar ichidagi eng keng miqyos ekanligi bilan ajralib turadi. Boshqa she`rlarida 

muayyan  bir  qirralarini  konkretlashtirib  tasvirlaydiki,  shoir  she`rlaridagi 

hikmatomuz  g‗oyalar  umumiylikdan  xususiylikka,  xususiylikdan  umumiylikka 

mos  ravishda  tasvirlanganligini  guvohi  bo‗lamiz.  Shu  jihatdan  quyidagi 

qayirmalari xarakterlidir: 

 

 

 

Ey do‗st! 

 

 

 

Odamni odam odam qiladi, 

 

 

 

Olamni odam olam qiladi. 

 

 

 

Odamni olam ado qilmagay, 

 

 

 

Odamni odam ado qiladi [4, 160]. 

 

Ko‗rinib  turibdiki,  mazkur  qayirmalarda  A.Oripovning  bir  she`rida 

tasvirlanganidek  ―Gadoning  dushmani  gado  bo‗ladi‖  degan  hikmatning  yana  bir 

iqrorini  guvohi  bo‗layapmiz.  Shoirning  mahorati  shundaki,  qo‗yma  satrlarda 

(o‗ziga  hos  bo‗lgan  ohangdosh,  shakldosh  so‗zlardan)  foydalanib  odamzot 

haqidagi  katta  hayotiy  haqiqatni  ixcham  satrlarga  singdirib  yuborgan.  Odamning 

yuzi-yu, so‗zining yo‗qligi katta fojia, lekin u fojianing ildizi o‗zligiga, o‗zligining 

yo‗qligiga  borib  taqaladiki,  bu  shoir  aytmoqchi  bo‗layotgan  hikmatning  asosini 

tashkil  etadi.  Yoki  bo‗lmasa  ―Odamni  odam  ado  qiladi‖  degan  katta  falsafiy 

hikmat  ham  poetik  jihatdan  mukammal  tarzda  ifodalangan  bo‗lib,  kitobxonni 

ma`naviy olamini boyitishga xizmat qiladi. Shoir she`rlarida ilohiylik, taqdir bitigi 

tushunchalari  ham  o‗ziga  xos  buyoqlarda  tasvirlanadi.Chunonchi,  ―Yo‗ldan 

adashmadim – yo‗lsiz yursam ham‖ deb boshlanuvchi qayirmasida lirik qahramon 

yo‗lsiz, do‗stsiz yursa ham yo‗ldan adashmasligining asl sababini eng avvalo Haq 

bilan,  ilohiyot,  taqdir  yo‗li  bilan  bog‗lab  talqin  etadi.  Yuqorida  ta`kidlanganidek, 

shoir qayirmalari turli-tuman mazmundagi hikmatlardan tashkil topganki, ularning 

aksariyatida badiiy mukammallik, xalqona hikmat mujassamligini ko‗ramiz.  

 

Jumladan, falsafiy mazmundagi qayirmalaridan: ―Odamki odamga g‗animat 

erur...‖,  ―Hayotning  qorli-qirovli  kunlari  ko‗p...‖,  ―Kelayapman,  kelayapman 

zamon  oralab...‖,  ―Umr  –  bu  o‗tadir  baland,  pastlarda...‖,  ―Umrim  –qum  zarrasi 

ummon  unda  jam‖  kabilar.  Nafs  balosidan  ogoh  etuvchi  ―Men  bir  gap  eshitdim 

dashtlik tulkidan...‖, ―Qayda tilla, javohir, aylayin bayon‖, ―Tiriklik – sherni tulki 

qilibdi...‖,  ―Menga  ma`lum  turlik  nafs  kulfati‖  kabi  qayirmalari,  ilohiy 

---

496 

 

mazmundagi  ―Qalbimda  qandaydir  bir  buloq  oqar...‖,  nodonlikni  ta‘riflovchi 

―Tosh  ustiga  don  sepdim,  unib  ketdi‖...,  ―So‗qirlar  bir  joyda  o‗tkazdi  yig‗in...‖, 

hikmatomuz  g‗oyalarni  ilgari  suruvchi:  ―Har  kim  yashab  o‗tar  o‗zin  umrini...‖, 

―Bugun yuzi qora, kim bo‗lsa qasdda...‖, ―Avval halq holiga boq, yo‗liga boq...‖, 

―Bir nazardan el tuzalar...‖, ―Hayot daraxtiga urmagil tesha...‖, insoniy g‗urur va or 

g‗oyalarini  ilgari  suruvchi  ―Men  parvo  qilmadim  zaru  zo‗rlarga...‖,  erk-ozodlik 

g‗oyalarini  ifodalovchi  ―Hur  tug‗ilding,  uni  barbod  ko‗raman...‖,  ―Erk  -  ohu, 

ovchisi  ko‗p  erur  qadim...‖,  xiyonat  haqidagi  ―Bir  ilon  do‗st  bo‗lib  kirdi 

qo‗ynimga...‖,  ―Men  kim,  qanotiga  ishongan  qushman‖,  do‗stlik  haqida  ―Do‗st 

kerak donoga ham, gumrohga ham...‖, ― e`tiqod eskidir, oqibat eski...‖, til va so‗z 

qo‗llash  mahorati  haqidagi  qayirmalarida  ham  shunday  kontseptsiyaning 

ustuvorligini  kuzatamiz.  Shoirning  so‗z  va  til  haqidagi  hikmatlarining  o‗ziga 

xosligi shundaki, unda inson qalbi bilan uning milliy o‗ziga xosligi bilan bir butun 

hodisa sifatida gavdalanadi. Chunonchi,  ―Ba‘zan  o‗z-o‗zidan xayollar tortar‖ deb 

boshlanuvchi  qayirmada  inson  toleidagi  neki  baxt  bor,  neki  xavf-xatar,  bari  bitta 

aytilmagan  so‗ziga  bog‗liq,  agar  shu  so‗z  aytilsa,  tomchi  misol  har  tomonga 

yoyilib ketishi mumkin degan g‗oya etakchilik qiladi. Demak, so‗z inson taqdirini 

hal qiluvchi buyuk qudratdir. ―Eshitgulik hikmat elimda ko‗pdir‖ deb boshlanuvchi 

qayirmada ―Yaxshi so‗zga uchar qushlar el bo‗lmish, Yomon so‗zga pashsha misli 

fil  bo‗lmish‖  hikmati  xulosa  sifatida  beriladiki,  bu  ham  so‗zning  qudratini 

ko‗rsatuvchi haqqoniy hikmatdir. 

 

―Bu  qayirmalar  Sharq  mumtoz  she`riyati  ummonidan  ―suv  ichayotgani‖, 

ya`ni  Umar  Hayyom,  Sa‘diy  Sheroziy,  Ahmad  Yassaviy,  Alisher  Navoiy,  Bobur 

kabi  ulug‗  donishmandlarimiz  asarlaridagi  donolik,  teranlik,ixchamlik,  lo‗ndalik 

kabi  fazilatlarga  eshligi,  ayni  paytda  eng  qadimiy  davrlarda  tog‗u-toshlarga  o‗yib 

yozilgan  bitiklardek  aniqligi  bilangina  emas,  balki  shakldagi  yangiligi  bilan  ham 

e`tiborga loyiqdir‖ [5, 47]. 

 

 Shuni alohida qayid etish lozimki, Azim Suyun qayirmalarini bir bor qo‗lga 

olib  mutolaa  qilgan  kitobxonni  bu  qayirmalardagi  hikmat  va  halqona  ifodalar 

huddi  ohangrabodek  o‗ziga  jalb  qiladi.  Kitobxon  o‗zini  mutolaa  zavqidan 

to‗xtatolmay qoladi. Bu albatta, shoirning yuksak poetik mahoratidan darak beradi. 

 

Ayni  paytda  shoirning  ko‗pgina  qayirmalarida  falsafiy,  hayotiy  mazmun 

yetakchilik  qilishini  ta`kidlash  zarur.  Ularda  xayyomona  falsafiylik,  A.Oripov 

ta`kidlaganidek,  mumtoz  she`riyatimizga  xos  bo‗lgan  hikmatomuzlik,  quyma 

obrazlilik  sezilib  turadi.  Bunda  endi  oshiq  yigit  bu  dunyoning  bevafoliklariga, 

jabru sitamlariga qo‗l siltab, may ishqi bilan, janonlar ishqi bilan oshuftalik qiladi. 

May  yoki  jonon,  ma‘shuqa  obrazlari,  albatta,  majoziy  ma`noda  kelib,  she`rining 

falsafiyligi va ma‘rifiyligini boyitishga hizmat qiladi.    

 

Shoir she`rlarida tabiat hodisalari, dehqon va dehqonchilik va boshqa kasb-

korlar  haqida  ham  hikmatomuz  mazmundagi  bitiklar  uchraydiki,  bu  ham  shoir 

qayirmalarining  mavzu  doirasi  keng  qamrovli  ekanligidan  dalolat  beradi. 

Adabiyotshunoslarimiz e`tirof etganidek, shoir qayirma janriga asos soldi va uning 

ko‗plab  namunalarini  yaratib  she`riyatimizni  boyitishga  xizmat  qildi.  Shoir 

qayirmalarining  muhim  xususiyati  avvalo  uning  ixcham  satrlarda  xalqimiz 

---

497 

 

tabiatiga  xos  bo‗lgan  va  asrlar  davomida  shakllangan  katta  ijtimoyi-falsafiy 

mazmunning badiiy mukammal namoyon bo‗lishida, xalq donoligi va hikmatlarini 

o‗ziga singdirishida ko‗zga tashlanadi. 

Foydalanilgan adabiyotlar: 

1.

 

Yo‗ldoshev.Q. Yangilanish ehtiyoji. O‗zbekiston adabiyoti va san`ati, – T.: 

2005. 5 avgust. 

2.

 

Bu haqda yana qarang: Oripov A. Qayirma – mustaqil janr. Manba: Suyun 

A. Tanlangan asarlar.(1-kitob) – T.: G‗.G‗ulom nashriyoti. 2009.  

3.

 

Suyun A. Tanlangan asarlar.(1-kitob) – T.: G‗.G‗ulom nashriyoti. 2009.  

4.

 

Oripov A. Qayirma – mustaqil janr. Tafakkur jurnali. 2004.