Zbekiston respublikasi oliy va o ‗ rta maxsus ta`lim vazirligi

 

 

 

BADIIY ASAR SHAKLLANISHIDA TA„SIR ETUVCHI UNSURLAR 

Dilafro„z QALANDAROVA,  

o„qituvchi (Nizomiy nomidagi TDPU) 

 

Istiqlolga  erishganimizdan  so‗ng  adabiyotshunoslikda  ijobiy  tamoyillar 

paydo  bo‗ldi.  Badiiy  asarni  ilmiy  jihatdan  to‗g‗ri,  xolis  yoritish,  haqqoniy 

baholashga intilish harakati boshlandi. Adabiyotshunoslikda biografik, psixologik, 

qiyosiy, estetik, tipologik, falsafiy, tarixiy, struktural va germenevtik tahlil usullari 

kuchaydi.  Mustaqillikdan  keyingi  adabiyotshunoslik  ilmida  adabiyot  tarixini 

go‗zallik va badiiy mahorat qonuniyatlari asosida tahlil qilishga intilish tamoyillari 

ustunlik  qilmoqda.  Asarni  mahorat,  badiiyat,  xolislik  mezonlari  asosida  badiiy 

matngagina  tayangan  holda  tekshirish  va  xulosa  chiqarish  adabiyotshunoslikning 

o‗ta muhim vazifalaridan hisoblanadi. 

So‗z - ilohiy qudratga ega ne‗mat. ―Unga ulkan  mas`uliyat bilan yondashish, 

so‗z  aytishning  javobgarligi  qanchalar  og‗irligini  hamisha  his  qilish  joiz.  So‗z 

---

483 

 

odamdir,  so‗z  qismatdir,  so‗z  millatdir.  Shu  bois  ham  jamiyatga,  millatga 

qilinadigan  zulm  so‗zga  zug‗umdan  boshlanadi

” 

[2,  1].  So‗z  inson  mohiyatini 

namoyon  etish  salohiyatiga  ega  bo‗lgani  uchun,  qanday  so‗zlashiga  qarab 

odamning  saviyasi,  bilim  darajasi,  aql-farosati,  xulq-atvori  va  u  mansub  bo‗lgan 

millat  haqida  hukm  chiqariladi.  Zamonaviy  adabiyotshunoslik  ham  ijodkor 

ma‘rifati, milliy va jahon adabiyotidan nechog‗lik boxabarligi, falsafiy mushohada 

yuritish  darajasi,  tafakkur  ko‗lami  qanchalar  keng  va  fikrlari  nechog‗lik 

teranligidan dalolat beradi. Chunki bu adabiyot quyilib kelgan ilhom natijasi emas, 

balki  yangilik  istagan  ko‗ngillarning  ehtiyojiga  ko‗ra  fikr  bilan  hissiyot 

aralashligida  qilingan  tadqiqotdir.  Adabiyot  taraqqiyotining  bu  bosqichida  hislar 

o‗zining  butun  ifodalab  bo‗lmas  qirralari  bilan  asarga  ko‗chganligining  boisi 

shunda. Inson qalbini to‗la anglab yetish mumkin emas. O‗zga u yoqda tursin, o‗z 

tuyg‗u va kechinmalarini izohlab berishga qiynaladigan odamga modern  she`riyat 

keng  imkoniyat  beradi:  odam  va  olam  o‗rtasida  hech  qanday  chegara  qolmadi. 

Yo‗l  ochib  berilgan  tuyg‗ular  oqimi  ham  tobora  turfalashib,  ba‘zan  g‗alatilashib, 

boyib  bormoqda.  Endi  kapalakka  aylanishni  istagan  shoir  o‗quvchida  kulgi 

uyg‗otmaydi,  u  buning  sababini  izlashga  kirishadi.  Yoki  ―

Bugun  yulduzlarning 

dam  olar  kuni”

  deya  e‗lon  qilgan  ijodkor  ruhiy  holati  bulutli  tun  kabi  rutubatli, 

zulmat, tushkun ekanligi tushuniladi.  

Adabiyot  qoliplarga  bo‗ysunmasa-da,  ma`lum  ichki  qonuniyatlar  doirasida 

mavjud bo‗ladi. Chunki har qanday qurilma tayanishi lozim bo‗lgan ustunni talab 

etadi. O‗zida donishmandlik va go‗zallikni ifoda etmagan adabiyot bo‗lmaydi. Eng 

kuchli asar ham o‗quvchi fikr bildirmagancha bir parcha qog‗oz bo‗lib qolaveradi. 

Yozuv  o‗quvchi  ehtiyoj  va  talablariga  javob  bergandagina  adabiyotga  aylanadi. 

Yozuvchi  fikr-mulohazalari,  his-hayajonlari,  ishonchiga  javob  bergan  o‗quvchi 

adabiyot yaratishga yordam beradi. Yozuvchining halollikka bo‗lgan munosabatini 

o‗zining yolg‗onchilik haqidagi tasavvurlaridan kelib chiqqan holda baholaydilar. 

Ammo  bu  baholar  davrga  mos  tarzda  tez-tez  o‗zgarib  turadi.  Masalan,  bir  avlod 

o‗quvchilari  biror  asarni  dohiyona  deya  qabul  qilsa,  keyingi  –  ikkinchi  avlod 

o‗quvchilari  xuddi  shu  asarni  jo‗n  hisoblashi  mumkin.  To‗g‗ri,  kop  asarlar  o‗z 

o‗quvchilarini ancha keyin topadi. Zotan, asarda ilgari surilgan fikrlar har bir davr 

uchun dolzarb va muhim sanaladi. Tashigan  g‗oyasi, estetik niyati, yoritgan davri 

jihatidan  butkul  farqli  bo‗lgan  badiiy  asarlarni  to‗rt  unsur  birlashtirib  turadi:  1) 

obrazlar;  2)  mazmun;  3)  mavzu  (maqsad)  yoki  axborot,  fikr;  4)  uslub.  Mana 

shularning  barchasi  tartib  bilan  jamlangan  asar  chinakam  dohiyona,  vaqt,  makon 

va  millat  tanlamaydigan  jahonshumul  badiiy  hodisaga  aylanadi.  Alisher  Navoiy, 

Shekspir yoki Sofokl ijod namunalari fikrimiz dalilidir. 

Adabiyotni  tarkib  toptiruvchi  unsurlarning  asosiysi,  albatta,  obraz 

hisoblanadi.  Zotan,  ijodkor  biror  faoliyat  va  fikrni  obrazlargagina  singdirib 

tasvirlay  oladi.  Har  bir  asarning,  u  drama  yo  hikoya,  memuar  yoki  hatto  she`r 

bo‗lsin,  bosh  markazida  obrazlarning  qiziqishlari  yotadi.  Ijodkor  obrazlar 

faoliyatini  asoslay,  dalillay,  ya`ni  motivatsiyalay  olsa,  ular  tushunarli,  mantiqiy 

bo‗ladi.  

---

484 

 

Adabiyotda  xronotop,  ya`ni  zamon  va  makon  tushunchasi  hamisha  muhim 

ahamiyat  kasb  etib  kelgan. Chunki  makon  voqealarning  paydo  bo‗lish  nuqtasidir. 

Voqealarda ishtirok etuvchi obrazlar esa o‗quvchilar kabi shu olamga tegishli. Ular 

doim  harakatda  va  yashab  turgan  dunyolari  oldidagi  o‗z  mas`uliyatlarini  his 

qilishadi.  Makon  inson  hayotini  ko‗rsatishning  haqqoniy  yo‗lidir.  Agar  Otabek 

Toshkentda  emas,  Qashqarda,  Mirzakarim  qutidor  esa  Amu  bo‗ylarida 

yashaganida  tevarak-atrofga  munosabatlari  nuqtai  nazaridan  butunlay  o‗zgacha 

odamlar  bo‗lishardi.  Mantiqan  ―O‗tkan  kunlar‖  syujeti  ham  butkul  boshqa 

yo‗nalishda  rivojlanardi.  Negaki,  syujet  asardagi  obrazlar  bilan  ro‗y  bergan 

voqealar  haqida  ma`lumot  beradi,  u  Otabek  yoki  Mirzakarim  qutidor  bilan 

chambarchas  bog‗liq  tarzda  voqe  bo‗ladi,  qahramonlar  orasidagi  o‗zaro  aloqa-

munosabatlar tizimiga asoslanadi.  

Asarni  tashkil  qiluvchi  unsurlar  mohiyati  va  ahamiyati  u  mansub  bo‗lgan 

yo‗nalishga  ko‗ra  o‗zgarmaydi,  o‗zbek  mumtoz  adabiyotida  ham,  modern 

adabiyotda ham badiiy asarga muayyan fikr asos qilib olinadi, ko‗zlagan maqsadi 

bo‗ladi.  Va  asar  muvaffaqiyatini  uslub  –  yozuvchining  so‗z  va  jumlalardan 

ijodkorona  foydalanish  yo‗li  belgilaydi.  Aynan  yozuvchining  qaysi  so‗zga  qaysi 

so‗z  mos  kelishi,  qaysi  bobdan  keyin  qaysisi  bo‗lishi  lozimligini  intuitiv  tarzda 

tayinlashi o‗quvchini badiiy zavq bilan ta‗minlaydi. Rasmiy  ma`lumotlarga ko‗ra, 

eng  birinchi  adabiyot  bundan  5500  yil  oldin  hozir  Iroqda  yashayotgan  qadimiy 

shumerlar  tomonidan  yozilgan  va  uning  ham  islomdan  oldingi  yoki  keyingi 

davrlar, o‗rta asrlar adabiyoti kabi obrazlari, mavzusi mavjud bo‗lgan. 

Adabiyotni  keng  ma`nodagi  quyidagicha  anglash  mumkin:  ―

Adab  - 

tarbiyalilik,  noziklik,  go„zal  qiliq,  boshqalar  bilan  yaxshi  ko„rkam  munosabatda, 

muomalada  bo„lmoq  ma`nolarin  ichiga  oladir.  Mana  shu  ma`nolari  e`tibori  ila 

«adab» so„zin arabchadan «adabiyot» ravishida ko„blik (jam‟) qilib, hikoya, she`r, 

qissa,  masallarga  atama  qilg„andirlar.  Chunki  bular  odamlarning  tabiatiga,  fikr 

va  hislariga  tarbiyalilik,  noziklik  va  chiroylilik  berguvchi  narsalardir.  Keng 

ma`nosi  ila  «adabiyot»  degan  so„zdan  bir  tartib  solib  so„ylangan  yoki  yozilg„an 

hamma fikr va tushunchalarni, tuyg„u va xayollarni anglaymiz”

 [4, 1]. 

Har  qanday  adabiyotda  hamisha  yangilanishga  ehtiyoj  seziladi.  Shakliy 

o‗zgarishsiz adabiyotning ifoda tarzi odamlarni zeriktirib, qiziqtirmay qo‗yadi. Har 

bir  ijodkor  yangi  va  eski  jihatlar:  badiiy  eksperiment  ham,  an`anaviy  yo‗sin  ham 

me‘yorida  bo‗lishi,  adib  hech  qachon  izlanishdan  to‗xtamasligi  kerak.  Yo‗qsa, 

ijodiy  tanglik  -  krizis  yuz  berishi  mumkin.  Ya`ni  badiiy  shakllar  o‗z  imkoniyati 

chegarasiga etganda, ijodkor bu usulda ortiq o‗qishli asar bita olmay qoladi, unda 

o‗z-o‗zini  takrorlash  boshlanadi.  Zero,  shakllangan  uslub  ijodkor  imkoniyatlarini 

cheklab  qo‗yadi.  Ifoda  usuli,  she`r  poetikasi,  fikrlash  tarzidagi  bir  xilliklar  esa 

o‗quvchini  zeriktirib  qo‗yadi.  Ijodkorning  o‗zi  ham  yozish  uslubidan  qoniqmay 

qoladi. Mana shunda yangilikka, shakliy o‗zgarishlarga ehtiyoj tug‗iladi. 

Foydalangan adabiyotlar: 

1. Quronov D., Mamajonov Z., Sheraliyeva M. Adabiyotshunoslik lug‗ati. – 

T.: Akademnashr, 2010. 

2. Yo‗ldoshev Q. O‗zlik chaqinlari. //Turkiston gaz., 2001. 3 avgust. 

---

485 

 

3. Yo‗ldoshev Q. Yoniq so‗z. – T.: Yangi asr avlodi, 2007.  

4. Sa‘diy A. Amaliy ham nazariy adabiyot darslari. – T.: O‗rta Osiyo davlat 

nashriyoti, 1924.  

5.  Qahramonov  Q.  Adabiy  tanqid:  yangilanish  jarayonlari.  –  T.:  Alisher 

Navoiy nomidagi O‗zbekiston Milliy kutubxonasi nashriyoti, 2009.