Zbekiston respublikasi oliy va o ‗ rta maxsus ta`lim vazirligi

 

 

 

---

198 

 

SHOIRU SHE`RU SHUUR... 

(E.Vohidov she`rlarida she`riyatga munosabat) 

Hayitbek BILOLOV,  

IV bosqich talabasi (GulDU) 

 

 

―Adabiyot  –  taraqqiyotning  sirli  va  mashaqqatli  yo‗lida  turfa  hollarga 

tushgan  millatning  (yoki  alohida  insonning)  bir-biriga  o‗xshash  va  o‗xshamas 

kayfiyatiga  e`tibor  qiladi.  Binobarin,  oradan  ko‗p  vaqtlar  o‗tsa-da,  o‗tmish 

adabiyotiga sayru sayohat qilgan kelajak avlod vakili o‗z salaflarining boshidan va 

ko‗nglidan kechirganlarini nafaqat bilib oladi, balki yurak-yurakdan his ham qiladi. 

Demak,  adabiyot  o‗tmish,  bugun  va  kelajakaro  qo‗yilgan  mustahkam  ko‗prik, 

―robitai olamiyondir‖ [3, 3] 

 

O‗zbek  adabiyoti  chinakam  iste`dodlar  bo‗stoni.  Shoir  Erkin  Vohidov 

o‗zining  hikmatga  teng  bo‗lgan  gaplaridan  birida  iste`dod  tushunchasi  haqida 

quyidagi  fikrlarini  bildirib  o‗tadi:  ―Iste`dod  –  bu  avvalo  did,  yaxshi  did  egasi 

bo‗lish  qobiliyati,  deguvchilar  ham  topiladi.  Iste`dod  –  bepoyon  tushuncha.  U 

ta‘rifga  siqqanda  edi,  uni  ma`lum  xususiyatlar  doirasida  chegaralash  mumkin 

bo‗lganda  edi,  odamlar  yo‗q  iste`dodni  tarbiyalab  bor  qilgan  bo‗lar  edilar‖  [5, 

146]. Darhaqiqat, iste`dod – ilohiy tuyg‗u. Iste`dodli insonlarga Alloh shu narsani 

yuqtirgan  bo‗ladi.  Ular  bor  iste`dodi  ila  go‗zal  asarlar  bunyod  etadi.  Dunyo 

adabiyotida,  qolaversa  o‗zbek  adabiyotida  ham  iste`dodli  ijodkorlarning  o‗tkir 

qalami  ostida  yaratilgan,  adabiyotning  uch  turi  bo‗lgan  ham  nasr,  ham 

dramaturgiya,  ham  she`riy  janrlarning  taraqqiyoti  uchun  xizmat  qiladigan  asarlar 

juda ko‗plab topiladi. 

 

Ijodkor  olamining  ko‗ngil  qa‘ridan  sizib  chiqguvchi  intim  tuyg‗ular 

qog‗ozga 

o‗ziga  xos  tarovat  bag‗ishlab,  uning  iforidan  bahramand 

bo‗lguvchilarning  qalbidan  muqim  joy  oladi.  Ijodkorning  ko‗ngil  kechinmalari 

beixtiyor  o‗qirmanni  u  bilan  suhbatga  chorlaydi.  Mana  shu  ―chorlov‖  oqibatida 

insonning ruhiy olami orom oladi, taskin topadi, qolaversa, qalbidagi tug‗y onlari 

mavj  urib,  o‗ziga  xos  to‗lqinni  yuzaga  keltirishi  mumkin.  Ushb  uo‗ziga  xoslik, 

albatta, ijodkorning tengsiz mahoratini qanchalik darajada ko‗rsata olganligi bilan 

belgilanadi.  Ayniqsa,  adabiyotning  she`riyat  turida  bu  hodisa  yaqqol  namoyon 

bo‗ladi.  Sababi,  nazm  o‗qirmanning  she`rni  o‗qiyotgan  paytidagi  voqeaning 

bayonidir,  hozirgi  zamon  voqeasidir.  Bu  voqeaga  munosabat  esa  o‗quvchini 

shoirning ko‗ngli bilan birlashtiradi. Hamma ham buni uddalay olmaydi.  

 

―Chinakam  adabiyot  hamisha  odamlar  bilan  birga  bo‗ladi,  ularning 

quvonchu  tashvishini  tarannum  etadi  va  shu  tarzda  ularga  yelkadosh,  taqdirdosh, 

dildosh  bo‗ladi,  bo‗lishi  kerak‖,  -  deydi  yozuvchi  Ulug‗bek  Hamdam[3,19-bet]. 

Darhaqiqat, chinakam yozilgan asarlar ijodkorning ko‗ngil tug‗yoni orqali yuzaga 

keladi.  Bunday  holatda  ijodkor  qalbi  bilan  tillashadi,  qalbidagi  iztirob  uni 

o‗rtantirib,  azob  chekishiga  majbur  qiladi,  jismi  bilan  qorishadi.  Jism  bu  yukni 

ko‗tara  olmaydi.  Shoir  bu  yukdan  xalos  bo‗lish  uchun  qalamini  qo‗liga  oladi  va 

qalb  qo‗rida  nimadir  sig‗may  ketayotgan  bo‗lsa  hammasini  qog‗ozga  ―to‗kadi‖. 

---

199 

 

Chinakam  shoirlarning  yozgan  she`rlari  o‗qirmanni  she`riyatga  oshno  qiladi,  shu 

bilan birga, ular bilan o‗ziga xos ―bog‗lam‖ni hosil qiladi. 

 

Adabiyot  olamida  shunday  asarlar  bunyod  etilganki,  ularni  o‗qigan  har  bir 

kitobxonning  ko‗nglida  bevosita  uning  ijodkoriga  nisbatan  muhabbati  paydo 

bo‗ladi.  San`atkorning  tengsiz  mahoratiga  tahsinlar  o‗qiydi.  Uning  ijodi  bilan 

yaqindan  tanishishni  ixtiyor  aylaydi.  Bunday  yaqinlashish  ijodkorning  o‗qirman 

bilan  tillasha  olish  qobiliyati  bilan,  qolaversa,  o‗z  asarida  topilmalarga  qo‗l 

urganligi bilan izohlanadi.  

 

O‗zbek  adabiyoti  bo‗stonida  she`riyat  keng  quloch  yozgan  bo‗lib,  sharqda 

adabiyotning  asosiy  janri  bo‗lib  kelganligi  uchun  ham  uning  ildizlari  bag‗oyat 

teran  joylashgan.  Juda  qadim  zamonlar  osha  bizning  davrimizgacha  yetib 

kelgan.Shu  asosida  takomillik  bosqichini  o‗tagan,  tadrijiy  taraqqiyotiga 

erishgan.Bu haqida juda ko‗p tarixiy manbalardan bilib olishimiz mumkin.  

 

O‗tmishning  nazmiy  dovonlariga  nazar  tashlar  ekanmiz,  uning  markazida 

din  bilan  bog‗liq  tushunchalar  asosiy  mazmunni  egallaganligini  ko‗rishimiz 

mumkin.  Xususan,  bunday  o‗rinlar,  asosan  shoirning  Alloh  vasliga  yetishishi 

uchun ―harakati‖, uning jamolini kuylashi bilan bog‗liq bo‗lgan bo‗lsa, keyinchalik 

ijodkorlar asta-sekin o‗z olamini qura boshladilar. She`riyatning mavzusi ham shu 

ondan  boshlab  o‗zgara  boshladi.  Bu  esa  ulkan  she`riyatning  paydo  bo‗lishiga 

zamin  yaratdi.  She`riy  asarlarda  inson  ideali  markazga  ko‗chdi.  Uning 

kechinmalari,  tuyg‗ulari  she`riy  misralarga  qolip  misoli  o‗rnashdi.  Yozuvchi 

Ulug‗bek  Hamdam  o‗zining  ―Ruhni  uyg‗otguvchi  so‗z‖  asarida  yozuvchi  ideali 

to‗g‗risida  ma`lum  bir  xulosalarini  bayon  etadi:  ―Har  bir  davr  insonning  o‗z 

idealini  shakllantiradi. ... jamiyat  ham, inson  ham  o‗z  hayoti  davomida  ideallarga 

intilib  yashaydi.  Insoniyatning  badiiy-estetik  olamida  buyuk  rol  o‗ynagan  barcha 

asar  borki,  barchasida  hamma  zamonlar  uchun  ham  muhim  sanalgan  mavzular  – 

hayotning ma‘nisi, ezgulik, go‗zallik, adolatparvarlik kabilar badiiy asarning bosh 

qahramoni  –  ideal  obrazlar  zimmasiga  yuklatilib  kelingan.  Birgina  o‗zbek 

she`riyatini  oladigan  bo‗lsak,  Navoiy,  Bobur,  Mashrab,  Ogahiydan  tortib,  to  70-

yillarning  faol  shoirlargacha  –  barcha-barchasida  asosiy  badiiy  g‗oyalar  shoir-

san`atkorning ideallari orqali, ularga singdirilgan holda talqin etilgan‖ [3, 40-bet]. 

Haqiqatan ham, bu holat  o‗zbek she`riyati rivojlanishining ko‗p asrlik tarixi bilan 

bog‗liq  bo‗lib,  ideallar  asta-sekin  shoirlarning  ijodida  yaqqolroq  tusda  namoyon 

bo‗lgan.  Ular  inson  va  jamiyatni  mukammal  ko‗rishni  istadilar  va  butun 

iste`dodlari  bilan  o‗z  ideallari  tomon  intildilar.  Bundan  tashqari,  ularning  ko‗ngil 

tug‗yoni,  qalb  kechinmalari  ham  idealistik  qahramonlarning  yaratilishiga  turtki 

bergan. 

 

O‗zbek  adabiyotida  shunday  ijodkorlar  borki,  ularning  yozgan  nazmiy 

asarlari  mavzu  jihatdan  turfa  ranglarda  mavjlansa-da,  insoniyatning  yuqorida 

sanalgan  ideallari  namoyishini  olib  boradi.  She`rlarida  ana  shu  holatlar  to‗la 

singdirilgan holatda talqin etiladi. Mana shunday ijodkorlardan biri E.Vohidovdir. 

 

E.Vohidov  she`riyatning  aruz  va  barmoq  vaznida  barakali  ijod  qilgan 

shoirlardan  biridir.  Uning  o‗ziga  xosligi  yozg‗iriqlarida  hech  kim  kutmagan, 

kutilmagan ohangni ifodalaganligi bilan belgilanadi. Yana bir jihati ijodkor g‗azal 

---

200 

 

janrining  takomilida  o‗zining  munosib  hissasini  qo‗shdi.  Navoiy,  Fuzuliy,  Jomiy 

g‗azallariga muxammaslar bog‗ladi. Ularning ijodidan ta`sirlanib yozgan g‗azallari 

hozir  ham  o‗qirmanlarni  o‗ziga  jalb  etadi.U  ―yaratayotgan  ramziy  she`riyat  esa 

yangilangan  o‗zbek  she`riyatida  alohida  sahifalarni  ochadi‖[3,  22].  Shoirning 

quyidagi  she`rlari  tahlili  orqali  mavjuda  bo‗lgan  o‗tkir  san`atkorona  nigohi, 

g‗aroyib topilmalari, o‗ziga xos qarashi xususida fikr olib boriladi.  

 

San`atkorning  o‗ziga  xos  qarashi,  idealining  nazmiy  asarida  chop  etilishi 

turli-tuman  mavzularning  yuzaga  kelishiga  sabab  bo‗lgan.  She`riyatning  asosiy 

mavzularidan biri bo‗lgan ishq o‗tgan zamonlardan hozirgacha shoirlar ijodini tark 

etmay  kelmoqda.  Bu  mavzuga  qo‗l  urmagan  ijodkorni  topish  juda  qiyin. 

E.Vohidovning ―Oydin kecha‖ deb nomlangan she`riaynan shu mavzuda yozilgan 

bo‗lsa-da,  odamni  o‗ylantira  oladigan  satrlarningmavjudligi  o‗qirmanning 

e`tiboriga  tushadi.  Undagi  o‗ziga  xos  tashbehlar,  qochirimlar  ijodkorning 

topilmalaridan biridir.  

  

Oydin kecha. 

  

Yog‗ar ko‗kdan zar, 

 

 

O‗yga cho‗mib deding gul yuzim: 

 

 

―Osmon to‗la sonsiz yulduzlar 

 

 

Qaysi ekan mening yulduzim?‖[1, 46] 

 

Inson tunda sayrga chiqsa, ayniqsa, sokin tunda, oyning shu‘lasida, beixtiyor 

o‗yga  cho‗madi.  Osmon  bilan  tillashgisi  keladi.  Oyning  yorug‗ida  osmon 

shunchalik  tovlanadiki,  xuddi  odamning  ustiga  zar  sochganday  misoli  yulduzlar 

porlaydi.  Shunda  uning  xayoliga  yulduzlar  haqidagi  afsona  keladi,  o‗ziga  yulduz 

tanlashga oshiqadi. Yoridan bu haqida javob kutadi. Yori esa tushkunlikka tushib 

bo‗lgan,  nimadir  deyishga  tili  bormaydi.  Javob  bergisi  kelmaydi.  Yoriga:  ―U  bir 

kichik  zarradir,  xolos,  Yiroqdadir,  ilinmas  ko‗zga...‖.  Lirik  qahramonni  yulduzlar 

haqidagi  afsona  karaxt  holatga  solib  qo‗yadi.  O‗ziga  o‗zi:  ―Ajab  deyman,  kim 

etmish qiyos, Odamzodni so‗nik yulduzga?!‖. 

 

Lirik  qahramon  so‗nik  yulduzlikdan  ko‗ra,  yoniq  sham  bo‗lishni  afzal 

ko‗radi. Uning shu‘lasi bir dam bo‗lsa-da odamlarning qalbiga nur olib kiradi. Xira 

yulduz  esa  bunday  qilishdan  mahrum.  Shamning  shu‘lasi  bo‗lib,  odamlarning 

qalbiga  yo‗l  topish  uning  asosiy  maqsadi.  U  chetda  turib  kuzatib  turishni 

istamaydi, ishq olovini odamlarning qalbiga muhrlagisi kelaveradi.  

 

Qalb ko‗ksimda yonib o‗rgangan, 

 

 e`tiqodim shu erur azal: 

 

Ming yil xira yulduz bo‗lgandan, 

 

Bir dam yoniq sham bo‗lgan afzal.[1, 46] 

 

Shoir ifodalagan sham unsuri – uning aslida ijodi. U qalblarni larzaga keltira 

olmagan  ijoddan  nafratlanadi.  Shamning  shu‘lasi  kabi  bir  oniy  lahzada  yonsa-da, 

ijodini  o‗quvchining  qalbiga  umrbod  muhrlagisi  keladi.  Buni  uddalashga  bor 

kuchini safarbar etadi. Ijodkor yoriga yulduz bo‗lish kerak emasligini, agar qo‗ldan 

kelsa quyosh bo‗lishini ta`kidlaydi. Quyosh  – o‗zining nurlari bilan butun olamni 

yoritadi.  Uning  nuridan  bahramand  olgan  insonning  ko‗ngil  torlari  beixtiyor 

harakatga  keladi,  unga  oshno  tutinishiga  intiltiraveradi.  Shoirning  ijod  olamidagi 

---

201 

 

quyoshi  –  bu  uning  she`riyatga  qoldirgan  ulkan  merosi.  Ushbu  meros  har  bir 

o‗quvchining qalbini charog‗on etadi.  

 

E.Vohidov  she`riyati  mavzuiy  jihatdan  guruhlarga  bo‗linsa-da,  ular  bir 

maqsad  uchun  birlashgan.  Shoirning  ko‗nglidagi  aytolmay  qolgan  dardlari  nazmi 

orqali  yosh  shoirlarga  murojaati  talqini  bo‗lib,  bu  holat  ijodkorning  she`riyatga, 

xususan  o‗zining  she`riyatiga,  ijodiga  munosabati  sifatida  namoyon  bo‗ladi. 

Yuqoridagi  tahlilga  tortilgan  she`r  ishq  mavzusida  yozilgan  bo‗lishiga  qaramay, 

shoirning  ijod  ahliga  bergan  aks  sadosi  sifatida  jaranglagani  aniq.  Chunki  unda 

aytilayotgan fikr, berilayotgan g‗oya ijod ahlini o‗ziga tortadi. 

 

E.Vohidov  ijodini  o‗rganish  davomida  uning  she`riyatga  nisbatan 

munosabatiborligini ham sezishimiz mumkin. Ijodkorning goh hazil, goh jiddiylik 

bilan  yozilgan  she`rlarida  shunday  hodisaniuchratamiz.  Ana  shunday  holatni 

anglashimiz,  uning  o‗ziga  xosligini  belgilashimiz  uchun  ijodkorning  ―She`r 

kechasi‖ va ―She`r haqida she`r‖ (hazil she`ri) asarlariga murojaat qilamiz.  

 

―She`r kechasi‖ she`rida shoir she`rning umrboqiy bo‗lishiuning noyobligiga 

bog‗liq  ekanligini  uqtiradi.  Bunga  o‗zi  ham  amal  qilishga  harakat  qiladi.  O‗qi- 

mishli  she`riyatning  qadri  baland  bo‗lishi,  uning  hammaga  xush  yoqishini  e`tirof 

etadi. Shoirning ilhomi kech payti kelib, ―kuylarining eng sozi‖, ―ko‗nglining eng 

dilbar ovozi‖ni qidirishga  o‗tadi.  U  o‗tgan  damlarni, hayot kitobining  varaqlarini 

ko‗zdan  kechiradi.  O‗ylab  qarasa,  hali  ham  o‗qimishli,  go‗zal  asar  bunyod 

etmagan. Shunda uning xayoliga nimadir umid uchqunini beradi: 

 

She`rlar chamani keng, umrim ham uzoq 

 

Gullar terajakman quchoq va quchoq. 

 

Ammo bir gul mening yuragimdadir, 

 

Bir she`r yozmoq mening tilagimdadir [2, 58]. 

 

Shoirning  o‗z  she`rlaridan  qoniqmagan  holatlari  ushbu  satrlarda  bo‗y 

cho‗zadi. She`riyat bog‗ida gullar ko‗p, lekin shoir uning ichidan hammani o‗ziga 

tortadigan gulni – she`rini qidirish bilan ovora. U o‗zinishe`riyat ixlosmandlaridan 

uzr  so‗ragan  holatida  tasavvur  etadi,  she`rxon  ko‗ngliga  xush  yoquvchi  satrlarni 

yaratishni ko‗nglida tugib qo‗yadi, albatta qachondir buni uddalaydi.  

 

Shoirning ko‗nglini iztirobga solayotgan she`ri hali tug‗ilgani yo‗q. U qalbni 

jarohatlab  yuribdi,  xolos.  Uning  qog‗ozga  ―to‗kilishi‖  uchun  esa  shoir  otashda 

yonishi kerak. O‗sha she`r bilan yashashi shart.  

 

Bu she`rni izlayman aqlimni tanib, 

 

Bu she`rni kuylayman otashda yonib. 

 

Bu she`r ishqi bilan yashayman mudom, 

 

Bu she`r ishqi bilan ko‗nglimda ilhom...[2, 58] 

 

She`riyatga  bo‗lgan  ishqi  E.Vohidovning  qalamini  doimo  charxlagan. 

Go‗zal  asarlarni  bunyod  ettirishiga  sababchi bo‗lgan.  She`rga  nisbatan  muhabbati 

qalb  qo‗ridagi  intim  tuyg‗ularining  yuzaga  chiqishiga  turtki  bergan,  ko‗nglida 

ilhom  qanotining  yoyilishiga  zamin  hozirlagan.  Bir  she`r  ishqi  bilan  yonib,  shoir 

qanchadan-qancha asarlarni yozib ulgurgan. Bir she`r ishqi bilan yashash shoirning 

gulzordagi  noyob  gavhari  –  she`ri  uning  o‗y-xayolini  band  bo‗lishiga  majbur 

qilgan,  uning  har  nafasida  halovat  qolmagan.  Shoir  esa  o‗sha  gavharni 

---

202 

 

she`rxonlarga  ulashish  uchun  tinmay  ijod  bilan  shug‗ullangan.  Ushbu  holat 

E.Vohidov asarlarining o‗qimishliligini oshirsa, oshirganki, aslo kamaytirmagan. 

 

Darhaqiqat,  ijodkor  xayolining  cheksizlikka  cho‗mishiga  sabab  bo‗lgan 

she`ri  qachondir  yoziladi.  Ushbu  holatdan  xalos  bo‗lish  esa  she`rning  jismga, 

qalbga  bergan  ―yuki‖dan  birozgina  yengillashishi  bilan  tenglashadi.  Shu  paytda 

shoirning  ijodiga  nisbatan  murojaatlari  ham  ochiqlanadi.  ―She`r  haqida  she`r‖ 

nomli hazil she`ri ana shunday munosabat ila maydonga kelgan.  

 

Ijodkor – xoh shoir bo‗lsin, xoh yozuvchi o‗z asarini yozib bo‗lgan paytida 

qanchalik darajada xursand bo‗ladigan bo‗lsa, u chop etilgandan so‗ng shunchalik 

iztirobga  tushishi  mumkin.  Badiiy  yoki  she`riy  asariga  nisbatan  ommaning, 

qolaversa, ilm ahlining munosabati uni shunga majbur etadi. Shoir ham bu holatni 

o‗z ko‗zi bilan ko‗rgan. Ushbu hodisani she`rda ifodalashga uringan. U she`rning 

birinchi bandini ana shunday ohang bilan yo‗g‗rilgan satrlar bilan to‗ldiradi: 

 

She`rim, mana, bitding nihoyat, 

 

Tunim uyg‗oq o‗tdi qoshingda. 

 

Bitding dedim, sevinma faqat, 

 

Qancha ish bor hali boshingda.[2, 65] 

 

Shoir  she`r  yozayotganda  she`ri  bilan  ―suhbat  quradi‖,  uning  oldidan 

uzoqlashmaydi, tunda bo‗lsa ham mijja qoqmaydi. Uning (she`rining) hali sevinib 

ketmasligini  aytadi,  chunki  shoirning  bu  she`ridan  birozgina  ko‗ngli  to‗lmagan. 

Uni  qayta-qayta  o‗qib  chiqib, keraksiz  joylarini  o‗chirib, takror-takror  ko‗chirishi 

mumkin. Buning oqibatida shoirning suhbatdagi asl she`ri emas, balki qayta tahrir 

qilgan yangi ―farzandi‖ dunyoga keladi.  

 

Shoir  she`rning  mavzulari  xilma-xilligiga  ham  e`tibor  beradi,  o‗lmas 

mavzularda bitilgan bo‗lsa mavsum tanlamasligiga ishora qiladi. Aks holda buning 

teskarisi  bo‗lishiga  ishonchi  komil.  Shunday  bo‗lsa-da,  u  yozilgan  she`rini 

ixlosmandlarga  tanishtirgisi  kelaveradi.  Lekin  unda  qo‗rquv  bor.  Qo‗rquvning  asl 

ma`nosi she`rning so‗nggi bandida namoyon bo‗ladi.  

 

Tahlil aylab tersu o‗ngingdan, 

 

Ikkimizni qiladi behol. 

 

Xo‗p do‗pposlab, tanqid so‗ngida 

 

Ijodimga tilaydi kamol.[2, 65] 

 

Ijodkor  yuqoridagi  misralardatahlilchining  she`rga  munosabati  qanday 

bo‗lishi ehtimolligini ochiqlaydi. Chunki she`rning bosilib chiqishi bilan, albatta, u 

tanqidchilar nigohi maydoniga saf tortadi. Tanqidchining o‗tkir ko‗zi she`rning har 

bir  satrini,  har  bir  so‗zini  she`rda  qanday  o‗rin  tutishi,  she`rda  qanday  darajada 

ifodalanganligini ko‗rishiga imkon beradi.  

 

Chiroyli,  dalillanmagan,  novatorligi  kam  she`rlarni  tekshirayotgan  sinchi 

ijodkorning  bunday  she`rini  qattiq  tanqid  ostiga  oladi.  Bu  holatni  ham  shoir 

e`tibordan  chetda  qoldirmagan.  Ayniqsa,  tanqid  ijodning  barkamolligiga  foyda 

berishini  alohida  ta`kidlaydi.  E.Vohidov  yuqoridagi  misralarda  tanqidning  o‗ziga 

xos yutuqli tomonlari ham borligini chiroyli o‗xshatishlar, hazil-mutoyibalar orqali 

ifodalab bergan.  

---

203 

 

 

E.Vohidov  she`rlaridagi  turfa  xil  ―taqdirlar‖,  o‗ziga  xoslik  kasb  etgan 

voqealar, qahramonlar shoirning mahorati haqida bot-bot ta`kidlaydi. Uning ijodini 

o‗rganishni  taqozo  etadi.  Shuni  alohida  ta`kidlash  joizki,  chinakam  shoir  bo‗lish 

yo‗li  mashaqqatli,  shoirning  o‗z  dunyosi  mavjud.  Bu  dunyoda  u  o‗zicha  sayr 

qiladi,  o‗zidan  voz  kechadi.  ―...aynan  odam  tugagan  joydan  shoir  boshlanadi. 

Birining taqdiri  – o‗zining ―insoniy‖ yo‗lidan yurish, ikkinchisining missiyasi esa 

yo‗q  narsani  yaratishdir. Shoir dunyoni  boyitadi,  o‗z-o‗zicha mavjud bo‗lgan  real 

borliqqa,  o‗zining  yangi  irreal  qit‘asini  qo‗shib,  olamni  kengaytiradi‖[4,  262]. 

Shoirning  o‗zi  ta`kidlaganidek,  ―she`r  shoir  qalbida  tug‗ilgan  hayotiy  tuyg‗ularni 

ifoda  qiladi  va  shu  bilan  o‗quvchi  yuragini  rom  qiladi.  Shoir  o‗zi  yonmasa, 

boshqalarni yondirolmaydi, qalb hislarida otash bo‗lmasa, boshqa qalblarga harorat 

berolmaydi.  Bu  sehrli  otashsiz  har  qanday  she`riy  jimjimalardan,  badiiy 

vositalardan, mahoratdan naf yo‗q‖ [5, 146]. Darhaqiqat, E.Vohidovning missiyasi 

yo‗q narsani yaratdi, u she`r bilan bir umr yashadi, she`r ishqi bilan bir umr yondi. 

Kitobxonlarni,  she`rxonlarni  nazmiy  asarlari  bilan  yondira  oldi.  She`rlari  olamni 

boyitdi, o‗zining she`riyat dunyosini qurgandan so‗ng, real borliqqa ko‗chdi.  

 

Adabiy  ijod,  umuman  olganda,  hamisha  so‗z  olamiga  sayohatdir.  Ijodkor 

so‗zni  tirik  jon  deb  biladi  va  so‗z  bilan  so‗zlashadi.  Erkin  Vohidovning 

yozg‗iriqlari  insonni  so‗zning  betakror  olamiga  sayohat  qilishiga,  san`atkorning 

jonli tili bilan o‗qirman o‗rtasida jonli suhbat bo‗lishiga olib keladi. Shuning uchun 

ham  ijodkorning  yaratgan  yaratiqlari  o‗z  davrida,  qolaversa,  hozirgi  paytda  ham 

o‗z dolzarbligini yo‗qotmay kelmoqda. 

Foydalanilgan adabiyotlar: 

1. Erkin Vohidov. Saylanma. IV jildlik. IV jild.Ko‗ngil nidosi. – T.: 2000.  

2. Erkin Vohidov. Saylanma. IV jildlik. II jild. She`r dunyosi. – T.: 2001. 

3.Hamdam  Ulug‗bek.  Ruhni  uyg‗otguvchi  so‗z.  –  T.:  Turon  zamin  ziyo, 

2017.  

4.Yo‗ldosh  Qozoqboy,  Yo‗ldosh  Muhayyo.  Badiiy  tahlil  asoslari.–T.: 

Kamalak nashriyoti, 2016.  

5. Erkin Vohidov. So‗z latofati. – T.: O‗zbekiston, 2018.