Zbekiston respublikasi oliy va o ‗ rta maxsus ta`lim vazirligi

 

ERKIN VOHIDOV IJODIDA NAVOIY TIMSOLI TALQINI 

 Faxriddin SHODIYEV,  

 filologiya fanlari nomzodi (SamDU) 

 

 

―Alisher  Navoiy  asarlari  bugun  har  bir  xonadon  uchun  aziz  va  muqaddas‖ 

[1,  3].  Uning  timsolini  ijodda  yaratish  va  ilohiyona  hikmatlarini  olam  aro  targ‗ib 

qilish  ham  Erkin  Vohidovlarga  og‗ir  bo‗lgan.  Negaki,  kimligingni  hatto 

aytolmagan  zamonlarda  buni  amalga  oshirish  qiyomat  edi.  Zotan,  do‗zaxning 

labida yashash, ayniqsa, ijod qilish, buning ustiga Dilini saqlab qolib SO‗Z aytish 

mangu mushohadaga chorlaydi. Zero, sho‗roning qattol tuzumi Erkin Vohidovning 

ham  ―o‗zligi‖ni  xorlaydi.  Ammo  bu  ijodkor  Vatan  uchun,  xalq  uchun  Qaqnus 

bo‗lib  porlaydi.  O‗zbek  boboga  o‗xshagan  bu  ulkan  ijodkor  haqida,  uning  sof 

o‗zbekcha  asarlari  borasida  Geyote  jildlari  kabi  yuzdan  ortiq  sharhlar  bitish 

mumkin.  Chunki  ularda  O‗zbek  qalbi  koinotday  ochib  berilgan,  elimizning  ming 

bir  fazilatlari  madrasa  g‗ishtlariday  terilgan.  Bu  ishda  biz  E.Vohidov  ijodidagi 

Navoiy  timsoliga  va  unga  hamon  saqlanib  turgan  munosabatga  e`tiboringizni 

qaratmoqchimiz. Darhaqiqat, Alisher Navoiy siymosi ―olam ahli‖ga, inson qalbiga 

ma`naviyat  quyoshidir.  Bu  oftobdan  to‗qqizinchi  fevraldan  boshqa  kunlari  ham 

ziyo olishga millatning haqi bor…  

 ―Alisher Navoiyni anglash va his qilish o‗zbek xalqi tarixini, madaniyatini, 

qalbi  ehtiyojlarini,  o‗zligini  anglash  va  his  qilish  demakdir.  Shunday  ekan, 

Navoiyni,  umuman  mumtoz  adabiyotni  bilish  har  bir  o‗zbek  farzandi  uchun  ham 

qarz,  ham  farz‖  [2,  7]dir.  Bu  da‘vat  qalb  da‘vatidir.  Shior  eslaydi:  ―Bir  vaqtlar 

ustoz  shoir  Mirtemir  aytgan  so‗zlar  yodimda  qolgan.  ―Men  Navoiyning  suvratiga 

qarashga  uyalaman.  Negaki, u  buyuk  daho  asarlarining  mag‗zini  chaqib  ulgurgan 

emasman‖.  Bu  albatta  kamtarinlik  bilan  aytilgan  so‗z  edi.  Lekin  bu  so‗zlardagi 

haqiqat  shu  ediki,  jamiyatimiz  o‗zi  Navoiyni  anglash  va  his  etish  darajasiga 

yetmagandi, bugun ham yetgan emas. Faqat yetish yo‗lida qadamlar tashlanmoqda, 

desam  to‗g‗ri  bo‗lar.  Biz  bugun  hazrat  Navoiy  ruhi  oldida  tavba-tazarrular 

qilishimiz  kerak.  O‗zimizni  uni  avlodlari,  merosxo‗rlari  sanab,  ko‗ksimizga  urib, 

ulug‗  bobomiz  bilan  faxrlandik,  olamga  jar  soldik,  lekin  buyuk  Navoiy  dahosini 

san`ati  va  falsafasini  teranligi  bilan  anglab  etmadik‖  [3,  254-255].  Albatta,  bu 

o‗tlug‗  undovlar  Shoirlik  arshidan  turib  aytilmoqda.  Chunki  buyuklar  uchun 

Shoirlik:  

Shoirlik – bu shirin jondan kechmakdir, 

Limmo-lim fidolik mayin ichmakdir. 

Shoirlik – jigarni ming pora etmak, 

Bag‗ir qoni bilan satrlar bitmak [4, 184]. 

 Bu shoirlik talabiga javob berish uchun kamida Navoiy bo‗lish kerak-ov?! Aslida 

Allohga  ming  bora  shukrlar  bo‗lsinki,  dillardagi  dardlar  tilga  ko‗chayotgan 

zamonlarga  yetib  keldik.  Ammo  yuzlab  ham  ijtimoiy,  ham  ilmiy-falsafiy 

---

53 

 

muammolarimiz  qalashib  yotibdi.  Chunki  o‗zbekchilik  kun  otardan  to  kun 

botargacha  ―mardikorchilik‖ka  botibdi.  Ayniqsa,  ma`naviy  cho‗kish  qalblarni 

qaqshatadi.  Misol  tariqasida  Davlar  tilimizni  o‗z  yurtidagi  amaldagi  o‗rniga  bir 

falsafiy  qarang  va  o‗z-o‗zingizdan  sababini  so‗rang!  Bu  yurtda  qachondan  beri 

yolg‗onchilik  ―to‗r‖ga  chiqib  oldi.  Oriyatimiz,  g‗ururimiz  qayda,  qachon  qoldi? 

Shoir bir paytlar to‗lg‗onib-qon yig‗lab bitgan ekan: 

O‗zbek Navoiyni o‗qimay qo‗ysa, 

Oltin boshni kalla bo‗lgani shudir. 

Bedil qolib Demyan Bedniyni suysa? 

Qora sochning malla bo‗lgani shudir… 

O‗zbek Navoiyni o‗qimay qo‗ysa, 

Aldangani, alla bo‗lgani shudir. 

Yulg‗uch aziz bo‗lib, bilgich xor bo‗lsa, 

Paytavaning salla bo‗lgani shudir [5, 235]. 

  

Nega Elimiz deyarli faqatgina to‗qqizinchi fevralda Alisher Navoiysini eslab 

qoladi?!  Bu  kun  butun  olam  eslaydi-ku!  O‗zbekistondagi,  ayni  damdagi  AQSH 

elchisi Navoiyni o‗qib dahshatga tushgan ekan: Know, all human kind: the greatest 

curse  is  enmity;  the  greatest  blessing  –  amity.  Ammo  shohbaytlarni  o‗girmasi 

puxtaligiga  ham  ikkilanganmi  u  shaxsh  bu  oltin  baytni  o‗zbekchasiga  qoyillatib 

o‗tgan  to‗qqizinchi  fevralda  so‗zladi  va  bu  chiqishidan  dunyo  xalqlari  ham 

Navoiyni chuqurroq o‗qishi kerakligini ko‗zladi:  

Olam ahli bilinggizkim, ish emas dushmanlig‗, 

Yor o‗ling bir-biringizgaki, erur yorlig‗ ish [6,78]. 

Yana yetmaganiga Elchi janoblari Navoiysi bilan O‗zbek xalqini qutladi. Biz 

bu  qutlovlardan  odilona  xulosalar  chiqarayanmizmi?  Yaxshyam,  Elchi  janoblari 

mana bu satrlarni o‗qimaganga o‗xshaydi:  

Aql ila olam yuzin obod qil, 

Xulq ila olam elini shod qil [7, 5]. 

 

Bu iboralar: ―olam ahli‖, ―olam yuzi‖, ―olam eli‖ qachon aytilgan, qaysi xalq 

tarafidan  aytilgan.  Biz  qayerlarda  qolib  ketdik?!  Bu  kun  Navoiyning  ko‗zga 

surtgulik pokiza etagiga g‗o‗r boshimiz  yetadimi? Ilm bu kun boshimizdami  yoki 

ko‗z yoshimizdami? Navoiy nega bizga: ―Kamol et kasbkim, olam uyidan, Senga 

farz o‗lmag‗ay g‗annok chiqmoq‖ yoki ―Quyoshliq istasang kasbi kamol et‖ [8, 5] 

deb  ishongan  edi?  Bu  ishonchlarni  qachon  oqlaymiz?  Nechun  shoirimiz  ―dod‖ 

soladi:  ―Navoiy  ijodini  tahlil  qilib  kimlar  fan  nomzodi,  doktor  va  undan  baland 

unvonlarga  muyassar  bo‗lmadilar.  Navoiy  ne-ne  shoirlarga,  rassomlarga, 

haykaltaroshlarga  ilhom  bermadi.  Navoiy  qanchadan-qanchalarimizni  mansab 

kursisi,  mo‗may  maosh,  ulgurji  qalam  haqi  bilan  ta‘minlamadi.  Lekin  biz 

hammamiz  bir  bo‗lib,  o‗zimizning  bor  ilmiy  zakovatimiz,  ijodiy  qobiliyatimiz, 

zamon  bergan  tajribamizni  ishga  solib  Navoiyni  kommunistik  mafkuraga  xizmat 

qildirmoqchi bo‗ldik, bu ulkan ijodiy ummonda g‗avvos bo‗lib, undan dur-javohir 

termadik, balki ana shu mafkuraga mos tushadigan so‗zlar yig‗dik.  

Bir  maktab  bolani  turg‗azib,  Navoiyning  qanday  so‗zlarini  bilasiz,  deb 

so‗rasangiz,  hamma  o‗quvchilar  bir  ovozdan:  ―Odamiy  ersang  demagil  odami, 

---

54 

 

Oniki  yo‗q  xalq  g‗amidin  g‗ami‖  deb  javob  beradi.  Negaki,  maktab  devorlarida, 

dam  olish  uylarining  bezaklarida,  kinolar,  teatrlar,  klublar  –  hamma  yerda 

Navoiyning shu so‗zlari yozilgan. Go‗yo Navoiy boshqa so‗z aytmaganday… 

Navoiyning  bizlarga  olib  bergan  unvonlari  evaziga  biz  uning  ijodini 

boshdan-oyoq  ters  tahlil  qildik…dostonlarini  ham  qatag‗onlik  qaychisidan  omon 

qo‗ymadik‖  [9,  255].  Bu  armonli  gaplar  Abdulla  Oripov  ta‘biri  bilan  tuyganda: 

―Xalqimiz keyingi davrlar mobaynida bosib o‗tgan va o‗tayotgan goh mashaqqatli, 

goh  armonli,  goh  to‗g‗yonli,  goh  iftixorli  yo‗llarning  manzara  va  ohanglari, 

sadolari Erkin Vohidov she`riyatida to‗la mujassamdir.  

Hali  oldinda  uzoq,  ravon  yo‗llar  kutib  turibdi.  Biz  Mustaqillikka  erishgan 

O‗zbekistonimiz  uchun,  ona  xalqimiz  uchun  bundan  buyon  ham  astoydil  xizmat 

qilishga  (demakki,  endi  bu  ulug‗laimiz  o‗z  o‗tlug‗  ijodlari  bilan  –  F.Shodiyev 

izohi) shaymiz‖ [10, 5]. Demakki, biz hali ham yo‗l boshidamiz. Kim aytadi, Erkin 

Vohid, Abdulla Orif yohud Navoiy qoshidamiz?! Erkin Vohid umid qilganidek: 

El komil bo‗lmasa yurt emas ulug‗, 

Beqadr mahalla bo‗lgani shudir. 

Qalb to‗la nur xalqning rizqi ham to‗lug, 

Ombor to‗la g‗alla bo‗lgani shudir. 

O‗zbek o‗zligini anglasa bekam, 

Uning ―Barakalla‖ bo‗lgani shudir. 

Olamga Navoiy nasliman degan 

Ovozi baralla bo‗lgani shudir .

 

Foydalanilgan adabiyotlar: 

1.

 

To‗xliyev B. Alisher Navoiy va yoshlar tarbiyasi. –T.: Bayoz, 2015, 3-bet. 

2.

 

Vohidov  E.  Bahramandlik  //  Haqqulov  I.  Zanjirband  sher  qoshida.  –  T.: 

Yulduzcha, 1989, 7-bet. 

3.

 

Vohidov E. Iztirob. –T.: O‗zbekiston, 1992, 254-255-betlar. 

4.

 

Vohidov E. Kuy avjida uzilmasin tor. She`rlar va doston. – T.: G‗afur G‗ulom 

nomidagi Nashriyot-matbaa birlashmasi, 1991, 184-bet. 

5.

 

Vohidov E. Umrim daryosi. Saylanma. Uchinchi jild. – T.: Sharq, 2001, 235-

bet. 

6.

 

 Navoiydan 100 hikmat. – T.: Yangi asr avlodi, 2016, 78-bet. 

7.

 

Hikmatlar shodasi. – T.: O‗zbekiston, 2013,5-bet. 

8.

 

To‗xliyev B. Alisher Navoiy va yoshlar tarbiyasi. – T.: Bayoz, 2015, 5-bet. 

9.

 

Vohidov E. Iztirob. – T.: O‗zbekiston, 1992, 255-bet. 

10.

 

 Erkin Vohidov saboqlari (Shukur Qurbon to‗plovchi, tuzuvchi, hammuallif). 

–T.:  Alisher  Navoiy  nomidagi  O‗zbekiston  Milliy  kutubxonasi  nashriyoti, 

2016, 5-bet.