Zbekiston respublikasi oliy va o ‗ rta maxsus ta`lim vazirligi

 

 

ERKIN VOHIDOV IJODIYOTINING TA`LIM BOSQICHLARIDA 

O„RGANILISHI 

Ma‟mura MAVJUDOVA,  

ona tili va adabiyot fani uslubchisi (Namangan) 

Gulzoda OMONOVA,  

---

269 

 

 Pop tumani 10-sonli IDUM o„qituvchisi (Namangan) 

 

 

―Millatimizning ruhi bo‗lgan ona tilimizni, xalqimizning azaliy qadriyatlarini 

kelgusi  avlodlarga  yetkazishda  adabiyotining  o‗rni  va  ahamiyati  beqiyos  ekaniga 

jiddiy  urg‗u  beriladi.Adabiyotga  e`tibor  ma`naviyatga,  kelajakka  e`tibor  ekani, 

binobarin,  adabiyotimiz  rivoji  uchun  nafaqat  yozuvchi  va  shoirlar,  balki  butun 

jamiyat  mas`ul  ekani  alohida  ta`kidlanadi‖.  O‗zbekistonimizning  birinchi 

prezidenti  Islom  Abdg‗ug‗aniyevich  Karimovning  adabiyot  haqidagi  fikrlari 

ijodkorlarga  berilgan  yuksak  e`tirofdir.  Adabiyot  namoyandalari  xalqmizning 

dardini, orzu-armonlarini o‗tmishini, bugungi hayotini, kelajak va taqdirini qalban 

his eta olgan ko‗ngil kuychilaridirlar.  

Shoir  va  adiblar  doimo  jamiyatning  oldingi  saflarida  yuradigan,  hayotni 

sinchkov  nigoh  bilan  kuzatadigan,  insonlarning  yuragida  bo‗ladigan  qalb 

tug‗yonlarni sezadigan va bu his-tuyg‗ularni ―bir ipga tizib‖, qofiyasi-yu misrasini 

so‗zlar vositasida badiiylashtira oladigan so‗z ustasidirlar. Adabiyot insoniyatning 

ma`naviy  dunyosini  shakllantiradigan,  odob-axloq  mezonlarini  belgilaydigan 

asosiy vositadir. 

O‗rta maktab dasturlarida adabiyot fanining o‗qitishning juda ko‗p vazifalari 

mavjud.  Jumladan,  yosh  avlodda  badiiy  adabiyotga  havas  uyg‗otish,  o‗zaro 

muomala  madaniyatini  shakllantirish,  og‗zaki  nutqini  o‗stirish,  o‗quvchi- 

yoshlarda so‗z boyligi darajasini oshirish,  o‗qigan badiiy asarni qayta hikoyalash, 

o‗z  fikrlari  asosida  ijodiy  matnlar,  adabiy-ijodiy,  erkin  mavzudagi  insholar  yoza 

olish kabi sifatlarni tarbiyalashdan iborat.  

O‗zbek adabiyoti bir necha ming yillik tarixga ega. Har bir davr adabiyotining 

o‗z fidoyi jonkuyar ijodkorlari bo‗lgan. XX asr adabiyotining zabardas vakillaridan 

biri  bo‗lmish  Erkin  Vohidov  ijodining  adabiyot  darslarida  o‗qitilishi  sabablari 

haqida to‗xtalsak. Umumta`lim maktablarida O‗zbekiston Qahramoni, O‗zbekiston 

xalq shoiri  Erkin  Vohidov hayoti va  ijodini  o‗rgatishga salmoqli  o‗rin  ajiratilgan. 

Uning  asarlari  umumta`lim  maktablarining  beshinchi,  oltinchi  va  o‗n  birinchi 

sinflarda  o‗rgatish  o‗quv  rejalariga  kiritilgan.  Erkin  Vohidov  o‗zbek  she`riyatida 

o‗ziga  xos  maktab  yaratgan  xassos  shoirdir.U  o‗zining  betakror  she`rlari  bilan 

o‗zbek  she`riyatiga  juda  katta  hissa  qo‗shdi.  Shoir  o‗zining  umrboqiy  she`rlarida 

mehr-muhabbat,  sevgi-sadoqat,  do‗stlik  va  halollik,  inson  shaxsiyati,  urush  va 

uning yetkazgan ayanchlari oqibatlari, tinchlikning qadriga yetish, mehnatsevarlik 

kabi  mavzularni  yoritgan.Shoirning  5-sinf  adabiyot  darsligiga  kiritilgan  ―Inson‖ 

qasidasi  yosh  murg‗ak  qalblarga  o‗ziga  xos  ta`sirli  kuch  ato  etadi.  Ushbu  she`r 

yaratganning oliy mavjudoti bo‗lgan inson haqida, ya`ni insoniyatga bag‗ishlangan 

buyuk  va  bebaho  qasidadir.  Qasidada  milliylik,  o‗zbek  xalqining  ko‗p  asrli 

tarixining  o‗ziga  xos  poetik  ifodasi  tasvirlanadi.  She`rda  millat  ruhi  o‗zligini 

anglash kabi g‗oyalar badiiy mahorat bilan ifodalangan.Dastlab  she`rni o‗qituvchi 

ifodali  va  she`riy  to‗xtamlarga  amal  qilib  o‗qib  berishini  maqsadga  muvofiq  deb 

o‗ylayman.  Agarda  she`r  o‗qituvchi  tomonidan  yoddan  ifodali  aytib  berilsa 

o‗quvchilarga  ―bir  ajoyib  ertak‖day  ta`sir  etadi.Jumladan,  men  bu  usulni  o‗z 

tajribamda sinab ham ko‗rganman. 

---

270 

 

Har qanday odam she`r va qo‗shiqning ixlosmandidir. Shunday ekan, she`rni 

o‗quvchidan  emas,  o‗qituvchidan  eshitishning  o‗rni  va  ta`sir  kuchi  baribir 

bo‗lakchadir.  Bundan  tashqari  o‗qituvchi  she`rning  har  bir  bandi  matni  asosida 

―qayta  hikoyalash‖  usulidan  foydalanib  nasriy  yo‗lda  tushuntiradi.Bu  bilan 

o‗quvchilarda she`rni nasrda so‗zlash ko‗nikmasi shakllantiriladi. She`r matni bilan 

ishlashda  tushunilishi  qiyin  bo‗lgan  so‗zlarni  topish  o‗quvchilarning  o‗zlariga 

―muammoli  ta`lim‖  sifatida  qoldiriladi.  Bu  usul  o‗quvchilarni  tez  ishlashga 

o‗rgatadi.  O‗quvchilarga  she`rdan  parcha  yodlash  uyga  vazifa  sifatida 

topshiriladi.Yana  qo‗shimcha  ravishda  she`rda  berilgan  tarixiy  shaxlar  haqida 

ularning  tarixda  qilgan  ishlariga  misollar  topib  yozib  kelish  tayinlanadi.  Bu  bilan 

o‗quvchilarda izlanish asosida ularning tarixiy bilimlarni oshirish nazarda tutiladi. 

Badiiy  adabiyotda  urush  va  uning  insoniyatga  yetkazgan  jabr-u  sitamlari 

qayda-qaytda  qalamga  olingan.  Bu  mavzu  Erkin  Vohidovning  nazaridan  ham 

chetda  qolmagan.Ijodkorning  urush  mavzusi  tasvirlangan  bitigi  ―Nido‖  deb 

ataladi.Asar  6-sinf  adabiyot  dasturida  o‗rganishga  berilgan.Asar  janr  xususiyatiga 

ko‗ra doston hisoblanadi.O‗quvchilarga dostonni  o‗qitishdan avval 2-jahon urushi 

haqida  videorolik  taqdim  etish  menimcha,  maqsadga  muvofiq  keladi.Chunki 

hozirgi  yoshlar  ―urush‖  atamasini  kompyuterdagi  jangari  o‗yinlarga 

o‗xshatadilar.Vaholanki,  urush  o‗z  nomi  bilan  urush.Buni  esa  keksa  ajdod 

vakillarimiz  biladirlar,  xolos.She`r  qo‗shma  (murakkab)  vaznli,  barmoq  vaznida 

yozilganligi,  misralarda  bo‗g‗inlarning  soni  har  xilligi  haqida  o‗qituvchi  misollar 

keltirish  usulidan  foydalanib  ilmiy  ma`lumotlar  beradi.  Dostonda  2-jahon  urushi 

tufayli otasiz qolib, tani-yu qalbi ozor topgan millionlab ma‘sumgo‗daklar chekkan 

ojiz  va  chorasiz  nolalar  bir  norasida  bola  timsolida  aks  ettirilgan.  Doston  hayotiy 

voqealar  asosida  kuchli  ehtiros  bilan  yozilgan.  Dostonda  boshlang‗ich  sinf 

o‗quvchisining  otasiga  yozgan  xati  keltirilgan.  Aynan  shu  parchani  audiomatn 

variantini eshittirish, undan so‗ng esa sinfdagi nutqi ravon o‗quvchilarga parchani 

qaytadan o‗qitish bilan parcha mazmunini tushuntirish mumkin. Darsning keyingi 

daqiqalarida she`rni ifodali o‗qish va mazmunini nasriy yo‗l bilan qayta hikoyalash 

usulidan foydalanib she`r mazmuniga oydinlik kiritib boriladi. Uyga vazifa sifatida 

bolalarga  eng  yaqin  insonlariga  xat  yozish  topshiriladi.Bu  bilan  o‗quvchilardagi 

mehr, sog‗ich, tuyg‗ularini qay darajada bayon eta olish ko‗nikmasi tekshiriladi. 

Dostonni  ifodali  o‗qishda  goh  salobatli,  goh  tantanavor,  goh  quvnoq,  goh 

mayin, goh mungli, goh ma‘yus ohanglarida o‗qilsa, uning ta`sir kuchi oshadi.Bu 

dostonni  o‗rgatishdan  maqsad  shuki,  hozirgi  avlodlarga  urushning  oqibatlarini 

anglatish bugungi tinch, osuda kunlarning qadriga yetish, o‗z uyini, o‗z yurtini, o‗z 

Vatanini sevib ardoqlash kabi insoniy tuyg‗ularni tarbiyalashdan iborat. 

11-sinflarda Erkin Vohidovning ―Ruhlar isyoni‖ dostoni o‗rganishga berilgan. 

Bu  doston  ham  ijodkor  adabiy  merosida  salmoqli  o‗rin  egallagan  asar  sifatida 

baholanadi.  Bu  doston  –  asrlar  qa‘ridan  kelgan  sado.Bu  doston  –  asil  shoirning 

asrlik mehr-u muhabbatining so‗zdagi aksi. Bu doston – Erkin Vohidovning butun 

insoniyatga  qoldirgan  betakror  tufhasi.  Erkin  Vohidov  bu  dostonni  yozish  bilan 

o‗ziga haykal qo‗yib ketdi. 

---

271 

 

―Ruhlar  isyoni‖  dostoniga  Bengal  shoiri  Nazrul  Islom  hayoti  asos  qilib 

olingan. Dostonga uning quyidagi misralari epigraf qilib olingan:  

   

 

Tug‗ilgansan ozod, mudom 

   

 

Ozod bo‗lib qol! 

O‗qituvchi  doston  haqida  o‗quvchilarga  qisqacha  ma`lumot  beradi.  Doston 

mavzusi,  unda  qalamga  olinga  g‗oyalar  aytib  o‗tiladi.Shundan  keyin  yurt 

mustaqilligi  yo‗lida  qatag‗on  qurbonlari  haqidagi  5  daqiqalik  videorolik 

ko‗rsatiladi.  Bundan  maqsad,  shoir  o‗zbeklar  mustaqilligini  asarning  tub 

mohiyatiga  singdirib  yuborganligini  tushuntirishdan  iborat.Yana  o‗quvchilardan 

mustaqillik  yo‗lida  kurashgan  tarixiy  shaxslar  haqida  ma`lumotlar  taqdim  etish 

so‗raladi. 

Dasr  davomida  o‗quvchilar  dostondan  berilgan  parchani  ifodali  tarzda 

o‗qiydilar.  Birinchi  o‗quvchi  o‗qigan  parchani  ikkinchi  ixtiyoriy  o‗quvchidan 

narsiy mazmunini qayta so‗zlash so‗raladi. Bu usul o‗quvchilarda tinchlab eshitgan 

parchani qay darajada tushinib ketganlik ko‗nikmasini shakllantirishda qulay usul 

hisoblanadi.  Doston  matnini  o‗qish  davomida  bizning  28  yillik  mustaqilligimizni 

o‗quvchilarga  singdirib  borilardi.  Asarning  tahlili  jarayonida  uning  nomlanishiga 

diqqatni  qaratish  kerak.  O‗quvchilarga  quyidagi  savol  muammo  qilib  qo‗yiladi: 

―Aslida  kimlarning  ruhi  isyon  qilyapdi?‖,  bu  savol  bilan  o‗quvchilarni  bahs-

munozaraga  tortiladi.  Har  bir  o‗quvchining  fikri  alohida  ahamiyatga  egaligi 

uqtiriladi va inobatga olinadi. Bu usul bilan o‗quvchilardagi tarixiy bilimlarni ham 

sinab  olish  mumkin.  Bu  darsda  o‗quvchilarga  uyga  vazifa  sifatida  dunyo  tarixida 

yana  qanday  Nazrul  Islom  kabi  buyuk  insonlar  yashab  o‗rganligi  haqida 

ma`lumotlar topib yozib kelish beriladi. 

 

Foydalanilgan adabiyotlar ro‗yxati: 

1.

 

Sh.M.Mirziyoyev.  Milliy  taraqqiyot  yo‗limizni  qat‘iyat  bilan davom  ettirib, 

yangi bosqichga ko‗taramiz. – T.: O‗zbekiston, 2017. 

2.

 

Q.Yo‗ldashev  maktabda  Erkin  Vohidov  ijodini  o‗rgatish  //  Til  va  adabiyot 

ta`limi. 2006 y. 6-son. 

3.

 

Uzluksiz 

ta`lim 

tizimini 

kompetentsiyaviy 

yondashuv 

asosida 

takomillashtirish masalalari: muammo va yechimlar mavzusidagi respublika 

ilmiy-amaliy konferentsiyasi materiallari. – T.: 2016 y.