Ўзбекистон республикаси олий ва урта махсус таълим вазирлиги урганч давлат университети менежмент ва маркетинг кафедраси

Фермер хўжалиги ўзига танлов асосида ва ижара шартномасига кўра узоқ муддатли ижарага берилган ер участкаларидан фойдаланган ҳолда қишлоқ хўжалиги товар маҳсулотлари ишлаб чиқариши билан шуғулланувчи, юридик шахс хуқуқларига эга бўлган мустақил хўжалик юритувчи субъект ҳисобланади.
Фермер хўжалиги туман (шаҳар) ҳокимлигида давлат рўйхатидан ўтказилган пайтдан бошлаб юридик шахс мақомини олади ва ўз номидан шартномалар тузиш, мулкий ва мулкий тусда бўлмаган хуқуқ ва мажбуриятларга эга бўлиш, шунингдек банк муассасасида хисоб рақами очиш, мухр, штамп ва бошқа реквизитларга эга бўлиш хуқуқини олади, судда даъвогар ва жавобгар бўлиши мумкин.
Фермер хўжалиги давлат мажбуриятлари юзасидан, давлат эса фермер хўжаликлари юзасидан жавоб бермайди.
Фермер хўжалиги ўз мажбуриятлари бўйича, шу жумладан тўзилган контрактақия шартномаларига мувофиқ назарда тутилган хажмларда давлат эхтиёжлари учун қишлоқ хўжалиги махсулотлари етказиб беришни таъминлаш, шунингдек етказиб берилган моддий-техника ресурслари ва курсатилган хизматлар учун ўз вақтида хақ тулаш юзасидан мажбуриятлари бўйича қонун хужжатларига мувофиқ ундирув қаратилиши мумкин бўлган мол-мулки билан жавоб беради.
Фермер хўжалигининг мол-мулки дахлсиздир ва унинг давлат органлари томонидан олиб қуйилишига қонун хужжатларида назарда тутилган холлардан ташқари холатларда йул қуйилмайди,
Товар, қишлоқ хўжалиги махсулотлари етиштириш йули билан даромад (фойда) олиш, ўзининг ижтимоий ва иқтисодий эхтиёжларини қондириш фермер хўжалигининг мақсади ҳисобланади.
Деҳқон хўжалиги оилавий майда товар хўжалиги бўлиб, оила аъзоларининг шахсий меҳнати асосида, мерос қилиб қолдириладиган, умрбод эгалик қилиш учун оила бошлитша берилган томорқа ер участкасида қишлоқ хўжалиги маҳсулоти етиштиради ва реализақия қилади.
Деҳқон хўжалиги фаолияти тадбиркорлик фаолияти жумласига киради ҳамда деҳқон хўжалиги аъзоларининг истагига кура юридик шахс ташкил этган ҳолда ва юридик шахс ташкил этмасдан амалга оширилиши мумкин.