Ўзбекистон республикаси олий ва ўрта маҳсус таълим вазирлиги

Кўкрагининг олд қисми - яхши ривожланган, етарлича ривожланмаган, энсиз, энли, ясси, мушакдор ва гўштсиз турлари мавжуд (18-расм).

18 - расм. 1.Энли. 2. Энсиз.
Яғрин - аниқ ифодаланган, сезиларсиз, баланд, ботиқ турларга бўлинади (19-расм).

19 - расм. 1. Аниқ ифодаланган (яхши ривожланган).
2. Сезиларсиз (яхши ривожланмаган).


Елка - тўғри, эгилган, мустаҳкам, узун, қисқа, энсиз, энли, юмшоқ, етарли ёки етарсиз равишда мушакдор бўлиши кузатилади (20-расм).

20 - расм. 1. Эгилган. 2. Тўғри. 3. Туртиб чиққан.


Бел - мустаҳкам, юмшоқ, кенг, энсиз, узун, калта, тўғри, туртиб чиққан, етарли ёки етарсиз даражада мушакдор.
Қорин - тортилган, осилган, қаппайган ва таранг бўлади (21-расм).

21-расм. 1. Тортилган. 2. Осилган.


Маклок – тос ёнбош суяги қанотининг бўртиб чиқган жойи бўлиб, сезиларли, сезиларсиз, ривожланган ва туртиб чиққан ҳолатларда бўлиши кузатилади.
С
ағри - маклокдан қуймич бўртмасигача бўлган масофа тана қисми ҳисобланиб, у горизонтал, туртиб чиққан, қия, қирқилган, қисқа, узун, мушакдор, чайир, кенг ва тор бўлиши мумкин (22-расм).
22-расм. Сағри ҳолати ва думнинг тутилиши:
1. Тўғри, горизонтал тутилган. 2. Қия, қуйи тутилган.
3. Тўғри, юқорига кўтарилган. 4. Сағри ва дум осилган
Дум - тик ёки қуйи тутилган, асоси йўғон ёки ингичка, узун ёки калта, юқорига кўтарилган айланасимон ҳолатда, горизонтал тутилган ёки осилган, бир тарафга эгилган ҳамда буралган ҳолатларда бўлиши мумкин.
Олдинги оёқлар - тўғри, бирикиш бурчаклари аниқ ёки ноаниқ шаклланган, мушаклари яхши ёки кам ривожланган, кураги тўғри, қия ҳаракатланувчи, узун ва калта бўлади.
Елка-курак бўғими - яққол ёки кучиз ифодаланган.