Ўзбекистон республикаси олий ва ўрта маҳсус таълим вазирлиги

Қош усти бўртиғи- аниқ ёки сезилар-сезилмас ифодаланган.
Бошнинг теппа қисми - кенг, тор, ясси, дўнг, энса бўртмаси аниқ ёки қисман ифодаланган бўлади.
Қулоқлар – энсиз, кенг, калта, узун, катта, кичик, паст ёки баланд қўйилган, гўштдор, ингичка, асоси энсиз ёки кенг, ўткир, яхши ёки кам харакатчан, бир томонга тақланган, ярими тик турган, юмшоқ, оғир, тик турган, осилган, ёноқларга жипс ёки ажралиб турган, стандарт бўйича ёки бир сабабга кўра кесилган бўлиши мумкин (14 – расм).

14 - расм. Қулок турлари: 1 - паст ўрнашган, 2 – баланд ўрнашган,
3 - паст ўрнашган ва асоси энсиз, 4 – Узун, энли ,
асоси энли. 5 – баланд ўрнашган, ўткир учли,
6 – кесилган, 7 – кичик ва енгил, 8 – кичик, тик турган
ва ўткир учли. 9 – қисман тик турган.
Энса бўртмаси -аниқ ифодаланган, билинар-билинмас ва сезиларли ёки сезиларсиз бўлади (15 -расм).

15 - расм. 1 - билинар-билинмас, 2 - сезиларли,
3 - аниқ ифодаланган.
Кўзлар - шаклига кўра тухумсимон, учбурчак, юмалоқ, бодомсимон, ҳошияли, бўтакўз, ботиқ, киприклари эса ичкарига ёки ташқарига эгилган турларга фарқланади.
Рангига кўра кўзлари тим қора, малла, тўқ жигарранг, оч жигарранг, ҳаворанг, қаҳрабосимон ва яшилсимон тусларга ажратилади.
Кўз қарашлари (нигоҳи) дарғазаб, ҳадиксираган, сокин, ифодали ва ишончсиз бўлади.
Бош - енгил, салмоқдор, қўпол, жинси аниқ ифодаланган (эркак ёки урғочи).
Бўйин - ингичка, йўғон, калта, узун, мушакдор, мутаносиб, намхуш, қуруқ, тик ёки қуйи ўрнашган ҳамда букри бўйин ва оҳуникисимон шаклдаги бўйинларга бўлинади (16 -расм).

16 - расм. 1. Тик ўрнашган. 2. Куйи ўрнашган
3. Букри. 4. Оҳуникисимон.


Кўкрак - чуқур, кичкина, энли, ингичка, калта, узун, эгри, бўқоқсимон бўлади (17 -расм).

17-расм. Кўкрак турлари: 1,2,3,- ён томондан кўриниш:
1. Чуқур, калта. 2. Чуқур, узун. 3. Кичкина.
4, 5 – олд томондан кўриниш: 4. Ясси. 5. Бўқоқсимон.