Ўзбэкистон республикаси олий ва ўрта махсус

2. Ma’muriy-huquqiy munosabatlar, ularning sub’ektlari

Ma’muriy huquqiy munosabatlar davlat boshqaruvini amalga oshirish jarayonida kelib chiqadigan va ma’muriy huquq normalari bilan tartibga solinadigan munosabatlardir. Bu munosabatlar davlat boshqaruv organlari o’rtasida, davlat boshqaruv organlari bilan jamoat tashkilotlari o’rtasida, davlat boshqaruv organlari bilan fuqarolar o’rtasida bo’lishi mumkin. Bu munosabatlarning hammasida ishtirok etayotgan tomonlardan biri davlat boshqaruv organi ekanligi ko’rinib turibdi. Bu holat ma’muriy-huquqiy munosabatlarga xos xususiyatdir.

Boshqaruv organlari tushunchasi, turlari va sistemasi

Davlat boshqaruv organlari ma’muriy huquqning asosiy sub’ektidir. Ularning huquqiy holati quyidagi asosiy xususiyatlar bilan xarakterlanadi:

1. 
   Davlat boshqaruvi qonun asosida amalga oshiriladi va uning faoliyati qonunlarni bajarishga qaratilgan bo’ladi.
   

2. 
   Bevosita yoki o’z yuqori organlari orqali davlat xokimiyati organlari nazorati ostida ishlaydilar va ularga hisob berib turadilar.
   
3. 
   O’zbekiston Respublikasi faoliyatlarini amalga oshirish jarayonida ma’lum xukmronlik vakolatiga ega bo’ladilar va bu vakolatni belgilangan doirada mustaqil amalga oshiradilar.
   

Shunday qilib, davlat boshqaruv organi - davlat apparatining bir qismi bo’lib, o’ziga yuklatilgan vakolatlar doirasida ijro etish va farmoyish berish faoliyatini davlat nomidan xalq xo’jaligi, ijtimoiy-madaniy hayot va ma’muriy -siyosiy faoliyat sohalarida amalga oshiruvchi tashkilotdir.