Ўзбэкистон республикаси олий ва ўрта махсус

Davlat boshqaruv organlari o’zaro bog’liq bo’lib, yagona murakkab tizimni tashkil etadi. Ular mazkur tizimda tutgan o’rniga, faoliyati qaysi xududda olib borishlariga ko’ra davlat boshqaruvining oliy, markaziy va mahalliy organlariga bo’linadi.

O’zbekiston va Qoraqolpag’iston Respublikalarining Vazirlar mahkamalari davlat boshqaruvining oliy organlari hisoblanadi.

Davlat boshqaruvining markaziy organlari guruhini vazirliklar, davlat qo’mitalari va idoralari tashkil etadi.

Vazirliklar davlat boshqaruvining markaziy tarmoq organlari hisoblanadi va o’zlariga topshirilgan tarmoqqa O’zbekiston Respublikasi yoki Qoraqalpog’iston Respublikasi hududida rahbarlik qiladi va shu tarmoq ahvoli va rivojlanishi, davlat topshiriqlarining bajarilishi uchun javobgardir.

Davlat qo’mitalari boshqaruvining markaziy tarmoqlararo organlari hisoblanadi va o’zlariga topshirilgan boshqaruv sohasiga respublika hududida rahbarlik qiladi va bu soha ahvoli va rivojlanishi uchun javobgardir.

Davlat boshqaruvining mahalliy organlari guruhi, xalq deputatlari viloyat, tuman, shahar kengashlari, korxona, muassasa va tashkilotlarning ma’muriyati tashkil etadi.

Davlat xizmati deyilganda davlatga tegishli vazifa funktsiyalarni bajarish maqsadida davlat organlari xizmatchilari tomonidan kasb asosida amalga oshiriladigan mehnat faoliyati tushuniladi. Davlat xizmati davlat boshqaruvining asosiy printsiplariga asoslangan bo’ladi.

Davlat xizmatchisining mehnati bevosita ishlab chiqarish bilan emas, balki korxona, muassasa va tashkilot faoliyatini amalga oshirish yoki ma’naviy boyliklar yaratish bilan bog’liq bo’ladi. Shuning uchun davlat xizmatchisi deyilganda davlat korxonasi, muassasi, tashkilotida ma’lum mansabni egallab turgan va ish xaqi evaziga ishlab chiqarish xarakteriga ega bo’lmagan mehnatni bajaruvchi shaxs tushuniladi.

Davlat xizmatchilarining huquqiy holati ularning huquq va burchlarining yig’indisi bilan belgilanadi. Davlat xizmatchilari quyidagicha ta’riflanadi: mansabdor shaxslar, mutaxassislar, ma’muriy hokimiyat vakillari, yordamchi xodimlar.

3.