Ўзбэкистон республикаси олий ва ўрта махсус

2-MAVZU: MA’MURIY HUQUQ ASOSLARI

REJA:

1. Ma’muriy huquq tushunchasi, manbalari.

2. Ma’muriy-huquqiy munosabatlar, ularning sub’ektlari

3. Ma’muriy huquqbuzarlik va ma’muriy javobgarlik tushunchasi

1. 
   Ma’muriy huquq tushunchasi, manbalari.
   

Davlat organlarining ijro etuvchi va farmoyish beruvchi faoliyatini tashkil etish hamda amalga oshirishda paydo bo’ladigan ijtimoiy munosabatlarni tartibga soluvchi huquqiy normalar majmui ma’muriy huquq deb ataladi.

Ma’muriy huquq davlat boshqaruvini amalga oshirish jarayonida kelib chiqadigan turli ijtimoiy munosabatlarni tartibga soladi. Ma’muriy huquqning predmeti, uning normalari bilan tartibga solinadigan ana shu ijtimoiy munosabatlardir. Bu munosabatlar ma’muriy-huquqiy munosabatlar hisoblanadi.

Ma’muriy huquq – ijro etuvchi hokimiyatning tashkil qilinishi, amal qilish jarayoni va davlat boshqaruvi faoliyatini amalga oshirish jarayonida vujudga keladigan ijtimoiy munosabatlarni tartibga soluvchi huquqiy me’yorlar majmuidir.

Quyidagilar ma’muriy huquqning manbalaridir: O’zbekiston Respublikasi Konstitutsiyasi, Oliy Majlis Qarorlari, Prezident farmonlari, Vazirlar Mahkamasi, vazirliklar, davlat qo’mitalari va idoralarining qarorlari, mahalliy hokimiyat organlarining normativ-huquqiy aktlari.