Ўзбекистон республикаси олий ва ўрта махсус таълим вазирлиги ўзбекистон республикаси қишлоқ ва

1. Генларни ажратиб олиш.
Организмга янги генни ёки бир группа 
генларни киритиш (трансгеноз), улар шу организмда ишлаши, яъни оқсилни 
синтез қилиши учун "тоза ген"ларни алоҳида ажратиб олиш зарур. Тоза 
генларни ажратиб олишни бир неча усуллари маълум: 
а) Химиявий синтез усули. 
б) М-РНК асосида ДНК ни синтезлаш. 
в) ДНК моддасини ферментлар ёрдамида кесиш (рестриктаза) ва тикиш 
(лигаза). 
2) Дурагай ДНК олиш учун плазмида ва бегона - иккинчи яна бир 
организм ДНК моддаси олинади. Улар аввал "Рестриктаза" ферменти 
ёрдамида кесиб бир неча бўлакларга бўлинади. Кейин улар аралаштирилиб 
лигаза ферменти таъсир қилинади. Лигаза таъсирида бу иккита ДНК 
аралашмаси қайта бирлашади ва янги рекомбинат ДНК ҳосил бўлади. Янги 
рекомбинат ДНК ни ишга тушириш учун уни яна бошқа бактерия таркибига 
киритилади. 
Плазмида таркибидаги янги ДНК ни бактерияга осон ўтказиш мумкин. 
Янги генларни ишга туширишни бактерияларда осон амалга ошириш мумкин. 
Чунки бактерия тез кўпаяди. Масалан: ичак таёкчаси бактерияси (Е.Коли) 20 
минутда 2 ҳужайрага ажралиб, 2 суткада 129 генерасия беради. 
3) Калифорния медисина мактаби лабораториясида 1977 йил Боер одам 
организмида ишлаб чиқиладиган гормон-соматотропин ва инсулин генни 
бактериялар ёрдамида синтезлашга эришди. Аввал бундай ген химиявий 
усулда синтезланди. Кейин бу ген ичак таёқчаси бактерияларидан олинган - 
плазмидага ўтказилди ва яна бактерияга қайтарилди. Синтезланган ген микроб 
ҳужайрасида ишлай бошлади ва одам оқсили гормонларни синтезлай 
бошлади. 
Олинган "самототропин" ўсиши секинлашган ёш болаларни даволашда 
инсулин эса қанд касаллигини даволашда ишлатилабошланди. 
4) Ҳозирги вақтда ген инженерияси усуллари ёрдамида инсоният тирик 
организмлар ирсиятнинг ўзгартириш имкониятига эга бўлмоқда. Генларни бир 
организмдан иккинчига ўтказиш, шу йўл билан эса янги шакллар яратиш, 
инсон саломатлиги учун зарур дори-дармонларни саноат асосида кўплаб 
ишлаб чиқариш усулларига эга бўлдик. Ген инженерияси эришган ютуқлар 
ёрдамида генларни бактерия ҳужайрасига ўтказиб, ферментлар, гормонлар, 
дори-дармонлар ва бошқа махсулотларни ишлаб чиқариш йўлга қўйилди.