Ўзбекистон Республикаси Олий ва ўрта махсус таълим вазирлиги Ўзбекистон Республикаси транспорт вазирлиги Тошкент давлат транспорт университети

Тормоз кучига эришилганда, сирпанишнинг олдини олиш учун босим сақланади. Бунга тескари босимли насосни ўчириш орқали эришилади. Шатаксираш охирида босим камаяди. Бундай ҳолда, қиритиш ва комуника-сион клапанлари очиқ.

Дифференсиални электрон блокировкали тизимининг афзаллари:

• 
  Бурилишларда тортишни оширади;
  
• 
  Жойидан қўзғалишда ғилдиракларни шатаксиратмайди;
  
• 
  Блокировкани муқобил даражада бошқаради;
  
• 
  Уланиш/ажратиш тўлиқ автоматлашган;
  
• 
  Диоганал ғилдиракларни ерга тегмай қолиш вазиятларида автомобилга турғунликни таъминлайди.
  

Назорат саволлари

1. 
   Дифференсиалнинг вазифаси нима?
   
2. 
   Дифференсиалнинг турлари. Дифференсиалнинг деталлари.
   
3. 
   Дифференсиалнинг ишлаш принсипини тушунтиринг.
   
4. 
   Дифференсиални блокировкалашдан мақсад нима?
   
5. 
   Дифференсиални блокировкалаш турлари.
   
6. 
   Электрон блокировкалашнинг афзалликлари.
   
7. 
   Нима учун автомобил ўтағонлигини яхшилаш учун дифференсиал блокировкаланади?
   
8. 
   Дифференсиал блокировка коеффисиенти нимани ифодалайди?
   

9-мавзу: Автомобил юриш қисмининг автомат бошқарув тизимлари.
Осама автомобилнинг равон юриши – йўл юзаси нотекисликларида кузовнинг мумкин қадар тебраниш амплитудасини кичик ва тебранишни тез сўндириш учун хизмат қилади. Автомобилнинг юриш равонлиги деб нотекис йўлларда ҳаракатланганда ҳайдовчи, пассажирлар, юк, шасси қисмлари ва кузовнинг тебраниш зўриқишлари меёрдан ошмаслигини таъминловчи хусусиятига айтилади.
Автомобил юриш равонлиги ҳайдовчи ва йўловчиларнинг толиқишига, демак ҳаракат хавфсизлигига, юкнинг шкастланмаслигига, ҳаракат тезлигига (самарадорлигига), автомобил умрига таъсир қилади.
Автомобилда тебраниш зўриқишининг асосий сўндирувчилари осмалар ва шиналар. Ҳайдовчи ва пассажирлар учун юмшоқ ўриндиқлар ҳам тебраниш зўриқишини сўндиришда иштирок этади. Автомобил равон юришига осмага юкланган масса (подрессоренная масса) ва осма ости массалар (неподрессоренная маса) катта-кичиклиги таъсир қилади (расм 3.26).

Расм 3.26. Осмага юкланган масса (подрессоренная масса) ва осма ости массалар (неподрессоренная масса) схематик кўриниши
Осма ғилдирак ёки кўприкларни рама ёки кузов билан эластик боғлайди. Осма эвазига автомобил тебранишининг эркинлик даражаси 6 тенг (расм 3.27)

Расм 3.27. Автомобилнинг тебраниш эркинлиги схемаси.
Осма элементлари автомобил кузовининг 6 эркинлик даражасидаги тебранишларини юмшатиш, сўндириш ҳамда ғилдирак таянч юзасидаги кучларни кузов ёки рамага узатиш вазифаларини бажаради.
Осмада йўналтирувчи, сўндирувчи ва эластик элементлар бўлади (расм 3.28, а).

Расм 3.28. Осма (а) ва кўндаланг турғунлик стабилизаторининг (б) схемалари.
1-йўналтирувчи элемент; 2-эластик элемент; 3-сўндирувчи элемент; 4- стабилизатор; 5-поршен; 6,7-клапанлар; 8-шток; 9-устун; 10-резинали таянч.
Йўналтирувчи элемент ғилдирак таянч юзасидаги кучни автомобил кузовига узатади. Эластик элемент йўл нотекислиги зарбаларини юмшатади. Сўндирувчи элемент кузов тебранишини сўндиради. Стабилизатор кузовни ёнга оғишини камайтиради.