Ўзбекистон республикаси олий ва ўрта махсус таълим вазирлиги ўзбекистон давлат жаҳон тиллари университети педагогика ва психология кафедраси

Ижодий педагогик фаолият мазмунан 3 та турга бўлинади. Яъни,

• 
  илмий-назарий;
  
• 
  амалий;
  
• 
  руҳий-коммуникатив.
  

Илмий - назарий фаолият жараёнида ўқитувчи илмий, назарий, методик характердаги манбаларни ўрганади ва ўз фаолияти жараёнида ундан ижодий фойдаланади. Ўқувчи эса янги илмий-назарий билим эгаллайди. Ўз тажрибалари асосида илмий-методик материаллар (тезис, маъруза, мақола, услубий қўлланма, ўқув қўлланмаси, дарслик ва б.қ) тайёрлаши ва чоп этилиши мумкин. В.Е.Писарев ва Т.Е.Писареваларнинг фикрича илмий педагогик фаолият назарий ва тажриба-синов кўринишларидан иборатдир.
Педагогик фаолиятнинг амалий жиҳати эса ўқитувчининг илмий-назарий, методик билимни ўқув-тарбия жараёнида ўқувчи билан бўладиган коммуникатив фаолиятида ижодкорлик ва маҳорат билан намоён этишдир. Ҳар иккала субьектнинг ҳам ўқув фани бўйича самарадорликка эришиш мезонлари айнан шу босқичда ўзини намоён этади.
Руҳий-коммуникатив жараён ўқитувчи ва ўқувчининг ички руҳияти, дунёқараши, маънавий дунёси, ҳатти-харакати, онги, тафаккури билан боғлиқ.
Ўқитувчи ҳам ўқувчи ҳам дарс жараёнига айнан руҳий-коммуникатив ҳолатда ижодий ёндошади. Яъни, фанга муносабат, дарсга тайёргарлик, унда фаолликни намоён этиш, ижодий ёндошиш, изланиш, янгиликларни маъқуллаш, прогрессив ғояларни тезкор қабул қилиш, маъсулиятлилик, ташаббускорлик ва бошқа педагогик ва психологик ҳолатлар айнан руҳий-коммуникатив вазият билан боғлиқдир. Ижодий педагогик фаолият мазмунан таълим бериш, тарбиялаш, ривожлантириш, бошқариш натижани анализ ва синтез қилиш, мониторинг олиб бориш, хулоса ва тавсиялар яратиш ва баҳолаш каби таркибий қисмлардан иборатдир.

Педагогик фаолиятни яхлит қамраб олишга қаратилган педагогик технологияни вертикал тузулмасини 4 гуруҳга ажратиш мумкин. (Г.К.Селевко)




Метатехнология- моҳиятан ижтимоий-сиёсий, таълим-тарбиявий жараённинг географиясини кенглиги билан характерланади. Яъни мамалакат, минтақа, таълим муассаси миқёсида татбиқ этиладиган ривожлантирувчи таълим технологияси, минтақавий таълим сифатини бошқариш технологияси, таълим муассасида ташкил этиладиган тарбиявий ишлар технологияси тарзида бўлиши мумкин.
Макротехнология- маълум бир ўқув тармоғи, таълим-тарбия йўналиши, ўқув фанларига хос бўлган педагогик технологиялар демакдир. Масалан у ёки бу ўқув фанини ўқитиш технологияси, тўлдирувчи таълим технологияси.