Ўзбeкистон рeспубликаси олий ва ўрта махсус таълим вазирлиги

Ташхислаш
. 
Токсоплазмоз ташхисланишида анамнез, клиник (классик триада – 
обструктив гидроцефалия, хориоретинит, калла ичи кальцификатлари) ва 
лаборатор (қоннинг, ликворнинг бўялган суртмаларида, лимфатик 
тугунларнинг пунктат ва биоптат суртмаларида) маълумотлар катта 
аҳамиятга эга. Специфик антитаначаларни аниқлаш учун КБР, РИФ, ИФА, 
токсоплазмин билан тери синамаси (ТС) амалга оширилади; специфик IgM ва 
IgG (ЭТАР – энзим тамғаланган антитаначалар реакцияси) амалга 
оширилади; мушакларда паразит мавжудлигини аниқлашга қаратилган 
текширишлар, шунингдек токсоплазмин билан тери ичи аллергик синамаси 
(ТАС) ва бласттрансформация реакциялари, Сейбин–Фельдман (РСФ), 
РПГА, ПЦР олиб борилади. Касаллик динамикасида антитаначалар титри 
ошиб бориши ѐки иммунфермент таҳлилда аниқланадиган IgM синфи (анти-
ТОХО IgM) специфик антитаначаларининг баланд титри токсоплазмоз 
мавжудлигини тасдқилайди. 
Токсоплазмознинг ўткир кечувчи шаклида қон зардобида анти-ТОХО 
IgM аниқланади – манфий тери синамасида (шунингдек КБР, РИФ, РПГА 
мусбат), сурункали токсоплазмоз – анти-ТОХО IgG аниқланганда ва турғун 
тери синамасининг турғун мусбатлигида белгиланади. Шунингдек ЭКГ, бош 
рентгенографияси, бош мия УТТ тавсия қилинади. 
Даволаш
. 
Токсоплазмозни даволаш комплекс бўлиши керак, бунда этиотроп, 
иммунитетни кучайтирувчи, патогенетик ва симптоматик воситалар 
қўлланилади. 
Этиотроп даволаш: 
– пириметамин препаратлари (хлоридин, дараприм, тиндурин) 
сульфаниламидлар билан бирга. Қисқа таъсирли сульфаниламидлар 

---

243 
(бактрим, сульфадимезин)нинг 50-100 мг/кг/кун дозада 4 маҳал ичиш билан 
бирга хлоридин (дараприм, тиндурин) кунлик дозаси 1,0 мг/кг дан кунига 2 
маҳал овқатдан кейин 7-10 кун давомида 10 кунлик тўхташ билан (3 та курс) 
тайинланади; делагил – 5 мг/кг (курс 10 кун); метронидазол – 5-8 мг/кг (курс 
4-5 кун); 
– комбинирланган препаратлар – фансидар ѐки мета-кельфин 
(таблеткада сульфадоксин ва пириметамин мавжуд), доза пириметин бўйича 
ҳисобланади – 1 мг/кг/кун; 
– макролидлар самарадорлиги бўйича иккинчи ўринни эгаллайди: 
эритромицин 30-50 мг/кг кунлик дозада, спирамицин (рова мицин) – 100 
мг/кг/кун дозада кунига 3 марта 10 кун давомида, сумамед мг/кг дан кунига 1 
марта, рулид – 5-8 мг/кг дан 10 кун давомида. 
Резидуал ҳодисалар мавжуд бўлганда специфик даво мақсадга мувофиқ 
эмас. 
Фолий кислотаси – хлоридиннинг ножўя таъсирини олдини олиш учун 
кунига 5 мг дан ҳафтасига 2 марта тайинланади. 
Кортикостероидлар – фаол яллиғланиш жараѐнларида уларнинг 
бутунлай тўхташигача тайинланади – преднизолон 1,52 мг/кг дозада кунига 
икки маҳал. 
Поливитаминлар (С, Вь В2, Р, никотин кислотаси) – ҳар доим 
тайинланади.