Ўзбeкистон рeспубликаси олий ва ўрта махсус таълим вазирлиги

Ташхислаш
. 

---

416 
Ташхис ЭКГ (юракнинг ўнг бўлимларининг ҳаддан ташқари зўриқиши) 
ва юракнинг ултратовуш текшируви ѐрдамида амалга оширилади. 
Даволаш
. 
Нуқсоннинг 
пренатал 
диагностикаси 
ўтказилган 
вазиятларда 
туғилгандан сўнг дарҳол простагландин Е юборилади, метаболик ацидоз 
коррекцияси амалга оширилади. Жарроҳлик йўли билан тузатиш учун 
кардиожарроҳлик касалхонасига шошилинч ўтказиш керак. 
Аорта стенози. 
Аорта стенози (АС) – аортанинг чап қоринчадан чиқиши торайиши. 
Клапанли, клапан усти ва клапан ости стенозлари фарқланади. Энг кенг 
тарқалган вариант – клапан табақалари сони аномалиялари билан боғлиқ, 
кўпинча икки табақали аорта клапани стенозидир. Клапанли АС ѐш ўтиши 
билан кучайиб боради. Стенознинг ифодаланганлик даражаси босим 
градиенти (торайишгача ва торайишдан кейин) бўйича белгиланади, у УТТда 
ѐки юракни зондлашда аниқланади. 
Клиник кўриниши
. 
Нуқсон асосан ҳайдаб чиқаришнинг систолик шовқини билан намоѐн 
бўлади. ЭКГ ва кўкрак қафаси рентгенографияси кам маълумотли. 
Беморларнинг тахминан 1/3 қисмида янги туғилганлик давридаѐқ юрак 
етишмовчилигининг клиник белгилари аниқланиши мумкин, бу аорта 
клапанининг критик стенози ҳақида далолат беради. Бундай болаларга 
шошилинч оператив даволаш кўрсатилган. 
Клапан ости АС кўпинча клапан ости фиброзли мембраналар ѐки чап 
қоринчанинг чиқиш жойида миокард гипертрофияси билан боғлиқ; аорта 
равоғи аномалиялари ва ҚАТН билан бирга қўшилиб келиши мумкин. 
Клиник манзараси худди клапанли АСдагидек. 
Клапан усти АС – аорта клапани устидаги турли узунликдаги 
торайишлар. Патологиянинг ушбу варианти кўпинча оилавий хусусиятга эга. 

---

417 
Виллямснинг генетик синдроми азалдан маълум, унинг учун клапан усти 
стенозидан ташқари «элф юзи», ақлий қолоқлик, буйрак ва ўпка 
артерияларининг периферик стенози ва гипокалциемия хос. 
АС бор барча болаларда даврий равишда босим градиенти даражасини 
аниқлаштириш учун юракнинг УТТ амалга оширилади. Градиент 50 мм 
сим.уст.дан юқорилиги аниқланганда беморлар жарроҳлик тузатиш учун 
юборилади. Очиқ валвулотомия ѐки баллонли диллатация (клапанли 
стенозларда) амалга оширилади.