Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Бодрингнинг туманлаштирилган навларини ўрганиш
Топшириқдан мақсад. Ўқувчиларни Республикамизда туманлаштирилган бодринг ва сабзавот қовоқчаларининг навларини морфологик тузилишлари ва бир навни иккини навдан фарқини ўргатишдир.
Услубий кўрсатма. Бодринг (Cucumia satous L.) – қовоқдошлар (Cucurbitaceceae) оиласига мансуб бир-йиллик ўтсимон ўсимлик. Унинг поялари 4-5 дона барг маҳсулот қилган фазасида ерга ётиб олади ва ер сатҳи бўйлаб палак отиб кетади ёки атрофидаги буюмларга чирмашиб юқорига қараб ўсади.
Асосий пояси бодрингнинг навига ва ўсаётган жойининг шароитига қараб 50-80 см дан 2 м гача қадар етади ва ундан ҳам ошиб кетади. Бодринг ўсимлигининг энг муҳим хусусияти шундан иборатки, унинг асосий ва ён шохлари нам тупроққа тегса, бўғимларидан қўшимча илдизлар чиқара олади. Бодринг барглари унинг навига қараб юраксимон, четлари қиррали-юраксимон ва юраксимон-паррак шаклида бўлиши мумкин. Гуллари айрим жинсли – яъни эркак ва урғочи гуллардан иборатдир. Эркак гуллар барг қўлтиқларида жойлашган бўлиб, қалқонсимон гул тўпламини маҳсулот қилади, уруғочи гуллар барг қўлтиғида, кўпроқ ён шохларида бир донадан (камдан-кам ҳолларда 2-3 дона) жойлашган бўлади. Урғочи гулларнинг тугунчаси пастда бўлиб, усти қалин тук билан қоплангандир. Бодринг меваси – кўп уруғли сохта мевадан иборат. Мевалари овқат учун турли ёшда, лекин етилмаган ҳолда истеъмол қилинади. Бодринг мевалари шарсимон шаклдан тортиб, илонсимон эгри-бугри шаклгача учрайди. Бодринг уруғлари чўзинчоқ, эллипссимон шаклда бўлиб, оқ ёки сариқ рангга эга. Уруғларининг абсолют оғирлиги 16-40 г бўлиб, нормал унувчанлиги 5-6-йилгача сақланади.
Поясининг узунлиги: пояси калта (80 см гача), ўртача (80-150 см), узун (150-225 см) ва жуда узун (225 см дан ортиқ);
Барг пластинкасининг шакли: юраксимон, бурчаксимон, юрак-бўлаксимон, беш бўлакли, беш карра қарқилган.
Тугунчасининг тукланганлиги: оддий, мураккаб ва аралаш;