Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Тупини хил: оддий индетерминант, оддий детерминант, тик ҳолда ўсадиган индетерминант, тик ҳолда ўсадиган детерминант;
Тупининг катталиги: кучли ўсувчи, ўрта бўйли ҳамда калта бўйли (пакана). Бош поянинг узунлиги 50-200 см ва ундан ҳам кўпроқ;
Тупининг барглилиги: кам ва кўп баргли бўлади. Тик ҳолда ўсадиган ва йирик баргли помидор сербаргли, оддий помидорнинг тур хили эса кам ва сербарглиги билан фарқ қилади;
Баргининг тури: қирқилган, бўлакли, бўлакчали оддий ва картошка-никига ўхшаш бўлаксиз, бўлакчасиз, чети текис;
Бўлакларининг қирқилиши: яхлит, кам ва кўп қирқилган;
Бўлакларининг шакли: тухумсимон, овал, чўзиқ-тухумсимон ва кенг лантсентсимон;
Бўлакларининг сони: кам (1-3) ва кўп (5 тадан ортиқ);
Барг бўлагининг ранги: кулранг яшил, оч яшил, тўқ яшил ва сарғиш-яшил;
Барг бўлагининг юзаси: силлиқ, кам ва кўп бурмали. Тик ҳолда ўсадиган навларда барг юзаси одатда, бурмали;
Шингилининг хили: оддий (меваси бир ўқ бўйлаб жойлашган), ярим мураккаб ёки оралиқ (бир марта шохланган, меваси иккала шохда жойлашган), мураккаб (меваси уч, тўрт ва кўп марта шохларда жойлашган);
Меваларининг жойланиши: ғуж (мевалар бир-бирига ёндашган), бўш (ғовак – мевалари бир-биридан бирмунча узоқда жойлашган) ва ўртача бўш жой-лашган (меваларининг бир қисми бир-бирига ёндашган, бир қасми ёндашмаган);
Шингилининг узунлиги: калта (12-15 см), ўртача (16-30 см), узун (30 см дан ортиқ);
Мевасининг шакли ва индекси: ясси (шаклининг индекси 0,5-0,65), ясси-думалоқ (,65-0,80), думалоқ (0,8-1,0), чўзиқ тухумсимон ёки қалампирсимон (1,25-2,2), олхўрисмион (1,35-1,5), ноксимон (1,25-1,35);
Мевасининг ранги: пишган меваларининг ранги қизил, пушти, сарғиш қизил, тилларанг, сариқ Ҳамда оқ; пишмаган меваларининг ранги оқиш-яшил, оч яшил, яшил тўқ яшил, тўқ тусдаги доғлари бор ёки бўйига йўл-йўл;