Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

16-жадвал. Бодринг учун тайёрланган озиқ эритмаси
(100 л сувга грамм ҳисобидан)

Ўғитлар	Тайёрланган кўчатлар	Экилгандан то маҳсулот туккунча	Маҳсулот тугиш даврида
Оддий суперфосфат	690	550	550
Аммиакли селитра	515	515	250
Калий сулфат	405	417	140
Калий хлорид	340	448	120
Калий нитрат	-	-	400
Калцсий хлорид	530	-	-
Магний сулфат	360	360	300
Эрувчан моддаларнинг умумий контсентратсияси	1,90	1,84	127

Изоҳ. Микроэлементлар эритмасининг таркиби В. А. Чесноков озиқ эритмаси таркиби билан бир хил, лекин марганетс сулфат меъёри 1000 л сувга 1 г гача камайтирилган.

7.2. Ҳимояланган ерларда помидор етиштириш технологияси
Иссиқхоналарда етиштириладиган сабзавотлар ичида помидор иккинчи ўринда туради. У иссиқхоналарнинг 40-42% майдонини эгаллайди ва етиштирилаётган ялпи иссиқхона сабзавот маҳсулотнинг 30% ни ташкил қилади. Охирги-йилларда унинг салмоғи яна ҳам ортиб бормоқда.
Қишки иссиқхоналарда помидор кузги-қишки, қишки-баҳорги ва ўткинчи (кузги-қишки-баҳорги) айланиш даврларида етиштирилади.
Помидорнинг иссиқликка талаби бодрингга яқин. Унинг учун мақбул ҳарорат +22-27°С. Ҳарорат +15°С дан пасайса гуллаши тўхтайди, +7°С дан камайса илдиз тизими нобуд бўлабошлайди.
Помидорни иссиқхоналарда етиштиришда мақбул ҳарорат қуёшли кунларда +25-28°С, булутли кунларда +18-20°С, кечаси эса +15-16°С да сақланиши лозим. Ҳароратнинг +12°С дан юқори пасайишига йўл қўймаслик керак.
Помидор юқори ёруғликни талаб қилади. Кузги-қишки даврда ёруғлик камайганда, ўсимликнинг ривожланиши ва меваларнинг пишиши секинлашади, навларнинг вегетатсия даври узаяборади.
Помидор юқори тупроқ намлигини талаб қилади, айниқса, жадал мевалар шаклланаётган даврда (80-95%). Тупроқ намлиги 75% дан пасайиб кетмаслиги керак. Бунда ҳавонинг нисбий намлиги 60% дан оширилмай сақланади. Унинг учун мақбул ҳавонинг нисбий намлиги 45-60% ни ташкил қилиши керак. Шу боисдан уни бодринг билан бирга бир иссиқхонада етиштириб бўлмайди.
Помидор учун иссиқхона ҳавосидаги карбонат ангидриди (СО₂) газининг мақбул миқдори 0,10-0,15% бўлиши лозим. У маҳсулот билан бирга катта миқдорда (мева массасининг 1% гача) минерал ознқаларни олиб чиқади. Шу боисдан у минерал озуқага, айниқса, тупроқда яхши ўзлаштириладиган фосфорга жуда талабчан.
Помидорни асосий озиқлантиришда бир гектарига 150-250 кг азот, 200-300 кг дан фосфор ва калий солиади. Қўшимча озиқлантиришда ҳар бир айланиш даври учун азот ва фосфордан 200-250 кг, калийдан 150-250 кг берилади.
Помидор иссиқхоналарда вертикал бағазда бир пояли қилиб ўсти-рилади. Тупроқ юмшоқ, бегона ўтлардан тозаланган ҳолда сақланади, унинг учун ҳар айланиш даврида 2-3 маротаба тупроқ юмшатилиб ўсимликларнинг бағрига тортилади.
Ўзбекистон шароитида қишки иссиқхоналарда етиштириш учун помидорнинг қуйидаги нав ва дурагайлари туманлаштирилган.
«Ўзбекистон Республикаси ҳудудида экиш учун тавсия этилган қишлоқ хўжалик экинлари давлат рейстрига» 2007-йил ҳимояланган ерларда ўстириш учун 39 нав намуналари киритилган, шу жумладан, ватанимизнинг уч нави («Субҳидам», «Гулқанд», «Ава-Мария»), бир дурагай («Сайхун») ва 35 чет эл дурагайлари киритилган. Чет эл дурагайларидан – Россиянинг «Гамаюн»; Исроилнинг «Абигал А-870», «Надин», «Немо-Надин», «Нели FA1410», «Франческа FA-570», «Шарлота FA1402»; Германиянинг икки: «Айта», «Ивонна»; Франциянинг етти: «Аламбра», «Антенея», «Бона», «Дон Хосе», «Мамике», «Сита», «Чемпион»; Нидерландиянинг 19 нави: «Антона», «Бауро», «Белле», «Буран», «Веласита», «Виласко», «Видетта», «Колибра», «Монрое», «Мажецик», «Маручка», «Мондиал», «Омад», «Раиса», «Ралли», «Жиронда», «Халай-зуу», «Шеннон (Nun 7942)», «Эйджен» каби навлари киритилган.
Маҳаллий «Гулқанд» 1990, маҳаллий «Ава-Мария» ва Россиянинг «Гамаюн» дурагайи – 1995, маҳаллий «Субхидам» нави – 2000 ва «Сайхун» дурагайи 2006-йилдан бошлаб туманлаштирилган.
Сўнгги-йилларда шингилли, катта шингилларда кўп сондаги майда меваларни маҳсулот қиладигани помидор навлари кенг тарқалмоқда.
Лекин шунга қарамасдан кўпчилик иссиқхона хўжаликларида чет давлатларнинг (айниқса, Россия, Голландия, Исроил) бир қанча нав ва дурагайлари экилмоқда ва синовдан ўтмоқда.