Ўзбекистон республикаси олий ва ўрта махсус таълим вазирлиги в. И. Зуев, О. Қодирхўжаев, М. М. Адилов, У. И. Акрамов сабзавотчилик ва полизчилик

Ўта ёруғсевар. Қовун, тарвуз, қовоқ, бамия, батат, помидор, қалампир ва бақлажонлар энг ёруғсевар ўсимликлар ҳисобланади. Булар учун кун узунлиги 9-10 соат бўлса, 30-40 минг люкс ёруғлик даражаси қулай бўлиб, 6 минг люксда ўсимлик гуллаши мумкин.
Ўрта ёруғсевар. Оқбош, хитой, пекин гулкарамлари ҳамда сабзи, петрушка, селдерей, пиёз, саримсоқ, салат, исмалоқ, нўхатнинг ёруғликка эҳтиёжи камроқ бўлади. Бу экинлар учун кун узунлиги 8-9 соат, ёруғлик кучи 20-30 минг люкс бўлиши максимал, 5 минг люкс бўлиши эса минимал ҳисобланади. Ёруғлик кучи 2400 люкс бўлганда бодринг, 1100 люкс бўлганда эса ловия гуллаши мумкин.
Илдизмеваси, илдизи, пиёз бошчаси таркибидаги озиқ моддалар ҳисобига баргли маҳсулот берадиган петрушка, селдерей, пиёз ва саримсоқ каби сабзавотлар ёруғликка энг кам талабчан ҳисобланади. Бу ўсимликларнинг барра маҳсулоти учун кун узунлиги 5-6 соат ва ёруғлик кучи 0,5-2 минг люкс бўлиши етарли ҳисобланади.
Айрим ўсимликлар қоронғида тез ўсади, ёруғлик эса уларнинг ўсишини секинлаштиради. Масалан, ровоч, тсикорий ва спаржа қоронғи жойда етиштирилади. Пишиб етилмаган брюссел карами ва гулкарамларни қоронғи жойда тўлиқ етилтириш мумкин. Шампинион ва қўзқоринлар ёруғликка умуман зарурият сезмайди.
Марказий Осиёда ёз фаслида ёруғлик кучи 60 минг люксга етади. Ўрта кенгликларда қиш фаслининг булутсиз кунларида ёруғлик жадаллиги 5 минг люксдан ошмайди, бу кўрсаткич иссиқхоналарда очиқ майдондагига нисбатан бир ярим – икки баробар камдир.
Ўсиш ва ривожланиш босқичларида сабзавот ўсимликлари ёруғликка нисбатан турлича муносабатда бўлади. Уруғлар уна бошлашда ёруғликни талаб этмайди, аммо ниҳолларнинг маҳсулот бўлиши даврида қуёш нури кўп талаб этилади. Бу даврда ёруғликнинг етишмаслиги ниҳоллар нобуд бўлишига сабаб бўлади. Ёруғлик етишмаган шароитда ўсимликлар бир неча дона чинбаргларини маҳсулот қилиши мумкин, лекин бу ҳолат, ўз навбатида, ўсимликни кучсизлантиради. Генератив органлар маҳсулот бўлиши даврида ўсимликлар ёруғликни етарли бўлишини талаб этади. Агар бу даврда ёруғлик етишмаса ғунча, гул ва маҳсулот бўлган майда мевалар (тугунчалар) тўкила бошлайди, ёруғликка талаби сусаяди. Чунки шаклланган органлар ўсимликнинг барг, поя ва илдиз қисмларидаги органик бирикмалар ҳисобига етилиб қолади. Гулкарам маҳсулоти шаклланаётган пайтда ёруғлик унга салбий таъсир этади карамбошчаси қўнғир кўкимтир рангга кириб, истеъмолга яроқсиз бўлиб қолади.