Ўзбекистон республикаси олий ва ўрта махсус таълим вазирлиги тошкент педиатрия тиббиёт институти

3. 
Ёши 6 ойгача бўлган болаларда грамм-манфий 
микроблар ва стафилококк аниқланса Цефазим, Цефограм, 
Цебанекс тавсия этилади. 
4. 
Зотилжамнинг деструктив шаклида ва кўп миқдорда 
инфильтратив ўчоқлар бўлганда 2 хил пенициллиназа ферментига 
чидамли антибиотиклар тавсия этиш керак. Улардан бири –
цефалоспорин – Цефазим суткада 2 маҳал венага 50-100 мг/кг; 
Цефограм 20-100 мг/кг 1 махал венага юборилади.
5. 
Ампициллин стафилококкли зотилжамни даволаш учун 
қўлланмайди. Чунки у микробнинг пенициллиназа ферменти 
таъсирида парчаланиб кетади. 
6. 
Микоплазмали зотилжамни даволашда суткасига 30–50 
мг/кг/ эритромицин ёки бошқа макролидлар тавсия этилади. 
7. 
Зотилжам қўзғатувчиси кўк йирингли таёқча бўлса, 
суткасига 30-100 мг/кг Цефдим (цефтазидим) ёки 40–80 мг/кг 
Цебанекс тавсия этилади. 
8. 
Зотилжам ОИТС билан хасталанган болада кузатилса ёки 
нейтропения билан бирга келса ва бошқа оғир ҳолатларда 
цефалоспоринларнинг IV авлоди Эфипим (цефипим) суткада 50 
мг/кг ҳар 12 соатда буюрилади. 
Профилактикаси 
Ўткир нафас йўллари касалликлари, шу билан бирга ўткир 
зотилжамнинг бирламчи профилактикасига кенг қамровли 
комплекс маиший-гигиена тадбирлари, аҳоли ва болаларнинг 
соғлом турмуш тарзини яхшилаш, яъни тўғри овқатлантириш, 
уқалаш, бадантарбия, чиниқтириш, яшаш шароитини яхшилаш 
бўйича билимини ошириш тадбирлари киради. Маълумки, 
профилактик эмлашларнинг тўлиқ курсини олган болалар юқумли 
касалликлар (ўткир ичак инфекцияси, ЎРВИ, зотилжам) билан кам 
касалланадилар. Пневмококк ва гемофил таёқчага қарши вакцина 
чет элда ишлаб чиқарилган ва амалиётга тадбиқ этилган. 

---

77 
Диспансер кузатуви 
Умумий амалиёт шифокори – 3 ёшгача бўлган болаларни кварталда 
2 марта, 3 ёшдан ошган болаларни кварталда 1 марта кўздан 
кечириб боради. Кузатиш давомийлиги – 1 йил. Кўрувда 
қуйидагиларга эътибор берилади: боланинг жисмоний ҳолати, 
йўтал, нафас тури ва перкутор маълумотлар, ўпкадаги 
хириллашлар. 
Реабилитацияси 
Қуйидаги тадбирларни ўз ичига олади. 
Рационал овқатлантириш; 
Сурункали инфекция ўчоқларини санация қилиш; 
Шифобахш гиёҳлар билан даволаш; 
Чиниқтириш ва бадантарбия машғулотлари билан
шуғуллантириш.