Ўзбекистон республикаси олий ва ўрта махсус таълим вазирлиги тошкент педиатрия тиббиёт институти

 
2.12. БРОНХИОЛИТ 
Бронхлар ва бронхиолаларнинг обструкцияси ва нафас 
етишмовчилиги белгилари билан кечадиган ўткир инфекцион 
касаллик асосан 1 ёшгача бўлган болаларда учрайди. 
Ташҳисот мезонлари 
1. Анамнези 
Касаллик кўпчилик ҳолларда вирусли инфекциянинг 
дастлабки 3–4 кунларида бурун битиши, бурун оқиши, аксириш 
билан бошланади. 
2. Клиник мезонлар 
 
Респиратор синдром – юқори нафас йўлларининг яллиғла-
ниши, қаттиқ – ҳуружсимон йўтал, айрим ҳолларда қийин 
ажралувчи шиллиқ балғам билан азоб берувчи йўтал, йўтал фонида 
қусиш қайд этилади. 
 
Нафас етишмовчилиги синдроми – 1 дақиқада 70–90 
мартагача, ёрдамчи мушаклар иштирокида экспиратор хансираш, 
оғиз-лаб учбурчагининг кўкариши, апноэ ҳуружи ва коллапс 
ҳолати. 
 
Ўпка-бронх ва бронхообструктив синдром – бочкасимон 
кўкрак қафаси, юқори қутичасимон перкутор товуш, юрак 
тўмтоқлик чегарасининг қисқариши, жигар ва талоқ пастки 
чегараларининг силжиши, каттиқ нафас, узайган хуштаксимон 
нафас чиқариш билан майда пуфакли тарқалган хириллашлар, 
нафас 
олишда 
ва 
нафас 
чиқаришда 
крипитацияланувчи 
хириллашлар. 

---

73 
 
Интоксикация симптоми – кучли намоён бўлмайди, гавда 
ҳарорати субфебрил ёки меъёрда, кам ҳолларда кўтарилиб, 
аденовирусли бронхиолитда 6–8 кунгача сақланиб туради. 
3. Лаборатор ва инструментал текширув натижалари 
Кўкрак қафаси рентгенограммаси – ўчоқли сояларсиз, 
ўпка сурати кучайган, ўпка илдизи сояси кенгайган ва 
ёруғлиги ошган. Бронхлар ўтказувчанлигининг бузилиш 
белгилари, ўпканинг ҳаво билан тўлиши бир хил эмас, 
кам ҳолларда ателектаз аниқланади, улар вақтинчалик 
бўлиб, ўз ҳолига қайтади. 
Бронхоскопияда – бронх деворларида балғам бўлаклари 
ва фибрин қолдиқлари кузатилади. 
Бронхографияда - бронх йўллари торайган. 
Умумий қон таҳлили – лейкоцитлар меъёрда ёки 
камайган, лимфоцитлар сони ошган, айрим ҳолларда 
нейтрофилли лейкоцитлар бир оз ошган, ЭЧТ бир оз 
тезлашган. 
Балғамни текшириш – балғам тиниқ, оқ рангда ёки 
йиринг билан аралашган. 
Қонни биокимёвий текшириш – диспротеинемия, 
гипогаммаглобулинемия. 
Даволаш