Ўзбекистон республикаси олий ва ўрта махсус таълим вазирлиги тошкент тиббиёт академияси тиббий педагогика факультети

Бугунги кунда педагогик технологияларга берилаётган таърифларнинг таҳлили
Педагогик технологиялар тушунчасининг мазмун-моҳиятини ёритувчи турли таърифлар мавжуд бўлиб, қуйида уларнинг айримларини кўриб чиқамиз.¹

ПЕДАГОГИК ТЕХНОЛОГИЯНИНГ ТАЪРИФЛАРИ



Педагогик технология – ўқитишнинг, таълимнинг шакллари, методлари, усуллари, тарбиявий воситаларнинг махсус йиғиндиси компоновкаси (жойлашуви)ни белгиловчи психологик тартиблар (установкалар) мажмуаси. У педагогик жараённинг ташкилий-услубий воситаларидан иборат.
Б.Т.Лихачев



Педагогик технология – ўқитувчи маҳоратига боғлиқ бўлмаган ҳолда педагогик муваффақиятни кафолатлай оладиган, ўқувчи-талаба шахсини шакллантириш жараёнининг лойиҳасидир.
В.П.Беспалько




Педагогик технология – педагогик мақсадларга эришиш учун фойдаланиладиган барча шахсий, ускунали ва методологик воситаларнинг тизимли йиғиндисини ва уларнинг амал қилиш тартибини билдиради.
М.В.Кларин



Педагогик технология – ўқув жараёнининг ўқувчи-талабалар ва ўқитувчи учун сўзсиз қулай шароитлар таъминлашни лойиҳалаш, ташкил қилиш ва ўтказиш бўйича ҳамма деталларни ўйлаб чиқилган биргаликдаги педагогик фаолият модели.
В.М.Монахов


Педагогик технология – бу тизимли фикр юритиш усулини педагогикага сингдириш, бошқача қилиб айтганда, педагогик жараённи муайян бир тизимга келтиришдир.
Сакомото

Педагогик технология – бу жамият эҳтиёжидан келиб чиқиб, шахснинг олдиндан белгиланган ижтимоий сифатларини самарали шакллантирувчи ва аниқ мақсадга йўналтирилган ўқув жараёнига тизим сифатида қараб, уни ташкил этувчилар, яъни ўқитувчи (педагог)нинг ўқитиш воситалари ёрдамида таҳсил олувчиларга маълум бир шароитда муайян кетма-кетликда кўрсатган таъсирини ва таълим натижасини назорат жараёнида баҳолаб берувчи технологиялашган таълимий тадбирдир.