Ўзбекистон республикаси олий ва ўрта махсус таълим вазирлиги тошкент давлат иқтисодиёт

Амал қилиш соҳаси. 
Мазкур стандартнинг талаблари барча аудиторлик 
ташкилотлари учун расмий аудиторлик хулосасини тайёрлашни кўзда 
тутувчи аудитни амалга ошириш чоғида (улар тавсия тавсифига эга эканлиги 
тўғридан-тўғри кўрсатилган қоидалар бундан мустасно) мажбурий бўлиб 
ҳисобланади.
 
Мазкур стандарт талаблари, унинг натижалари асосида расмий 
аудиторлик хулосаси тайёрлашни кўзда тутмайдиган аудитни амалга 
ошириш чоғида, шунингдек, профессионал хизматлар (консалтинг 
хизматлари) кўрсатилиши чоғида тавсия тавсифида бўлади. Аниқ топшириқ 
бажарилиши чоғида мазкур стандартнинг мажбурий талабларидан четга 
чиқилган ҳолларда аудиторлик ташкилоти буни ўзининг иш ҳужжатларида 
ҳамда аудит ёки профессионал хизматларга буюртма берган хўжалик 
юритувчи субъект раҳбариятига бериладиган ёзма ҳисоботда мажбурий 
тартибда келтириб ўтиши лозим. 
Танлаш турлари. 
Танлаш репрезентатив, яъни ишончли бўлиши лозим. 
Бу талаб ўрганилаётган тўпламнинг барча элементлари танлаш учун 
сайланишда тенг асосдаги эҳтимолликка эга бўлишини кўзда тутади. 
Репрезентативликни таъминлаш учун аудиторлик ташкилоти қуйидаги 
усулларнинг биридан фойдаланиши мумкин:
 
Тасодифий танлаш. Тасодифий сонлар жадвали бўйича амалга 
оширилиши мумкин. 
Системали танлаш. Элементларнинг тасодифий танланган сондан 
бошлаб, доимий интервал орқали танланишини кўзда тутади. Интервал ёки 

---

158 
тўплам элементларининг муайян сонда ёки уларнинг қиймат ўлчови асосида 
тузилади. 
Аралаш танлаш. Тасодифий ва системали танлаш турли услулларининг 
комбинацияларидан иборат. 
Аудиторлик ташкилоти, танлашнинг ўтказилиш натижалари бўйича 
аудиторларнинг профессионал мулоҳазаси бутун тўпламга дахлдор бўлмаган 
вақтда норепрезентатив, яъни ишончли бўлмаган тўпламни ишга солишга 
ҳақли. Аудитор алоҳида олинган операциялар гуруҳини текширганда ёки йўл 
қўйилиши эҳтимоли бўлган хатолар белгиланган операциялар тоифасини 
текширганда норепрезентатив танлаш қўлланиши мумкин. 
Аудиторлик ташкилоти текширилаётган тўплам элементларининг сони 
жудаям камлигидан статистик усулларни қўллаш имконияти бўлмаганлиги 
сабабли, ёки агар аудиторлик танлашнинг қўлланилиши ёппасига текширув 
ўтказишга қараганда самарасизроқ бўлса, счётлар бўйича сальдо ва 
операциялар бухгалтерия ҳисобида акс эттирилганлигини ёки ички назорат 
тизимини ёппасига текшириши мумкин. 
Мазкур стандарт, шунингдек статистик усулда тузилган танлашларга 
нисбатан ҳам қўлланилади. У аудиторлик далилларини тўплаш учун 
ишончли имкониятлар мавжудлигини ифода этиши лозим.