Ўзбекистон республикаси олий ва ўрта махсус таълим вазирлиги тошкент давлат иқтисодиёт

9.1.4. Меъёрий-ҳуқуқий ҳужжатларга риоя қилинмаганлиги 
тўғрисидаги маълумотларнинг аудитор томонидан маълум қилиниши
Аудиторлик ташкилоти меъёрий-ҳуқуқий ҳужжатларга риоя қилмаслик 
оқибатида келиб чиқиши мумкин бўлган жарима санкциялари, мулкидан 
ундириш хавфи ёхуд хўжалик юритувчи субъектнинг фаолиятини тўхтатиш 
мумкин бўлган ҳолатлар аниқланганда, бу тўғрида дарҳол раҳбариятга ёки 
хўжалик юритувчи субъектнинг юқори бошқарув органига ёзма равишда 
маълум қилиши керак. 
Хўжалик юритувчи субъект томонидан меъёрий-ҳуқуқий ҳужжатларга 
риоя 
қилмаганлиги 
бўйича 
аниқланган, 
молиявий 
ҳисоботнинг 
ҳаққонийлигига таъсир кўрсатадиган ҳолатлар аудиторлик ҳисоботида акс 
эттирилиши керак. 
Аудиторлик ташкилоти аудиторлик ҳисоботида хўжалик юритувчи 
субъект томонидан меъёрий-ҳуқуқий ҳужжатларга риоя қилмаганлиги 
тўғрисидаги фикрини билдирар экан, уни қуйидагича баён қилади: «бизнинг 
фикримизча ушбу вазиятда хўжалик юритувчи субъектнинг раҳбарияти 
(персонали, ходимлари) Қонуннинг (Низомнинг, Йўриқноманинг ва 

---

171 
бошқаларнинг ____ -моддасига (бандига, қисмига ва бошқаларга) риоя 
этмаган». 
Агар хўжалик юритувчи субъектнинг раҳбарияти аудиторлик ташкилоти 
томонидан бартараф этиш керак, деб ҳисобланган, меъёрий-ҳуқуқий 
ҳужжатларга риоя қилмаслик бўйича аниқланган далиллар юзасидан чоралар 
кўрмаса, у ҳолда аудиторлик ташкилоти салбий аудиторлик хулосасини 
тузади. 
Агар аудиторлик ташкилоти молиявий ҳисоботга таъсир кўрсатувчи, 
хўжалик юритувчи субъект томонидан меъёрий-ҳуқуқий ҳужжатларга риоя 
қилмаслик ҳолатлари мавжуд деган фикрга келса, лекин хўжалик юритувчи 
субъект тегишли аудиторлик далилларини олишга тўсқинлик қилса, у ҳолда 
аудиторлик ташкилоти аудиторлик хулосасини тузишдан бош тортади.