Ўзбекистон республикаси олий ва ўрта махсус таълим вазирлиги тошкент ирригация ва қишлоқ ХЎжалигини механизациялаш муҳандислари институти бухоро филиали

1.4 Сув тақсимлаш иншоотнинг мавжуд ҳолати
“Коми – ака – 1” сув тақсимлаш иншооти ҳозирги кунда лойиҳавий кўрсатгичи бўйича 5 дона гидротехника иншоотлари мавжуд бўлиб Q= 80 м³/с сув ўтказиш қобилиятига эга. Техник ҳолати бўйича 5 та сегментли затвордан иборат. Сув тақсимловчи иншоот 1962 – йилда қурилиб ҳозирги кунга қадар жорий таъмирлаш ишлари олиб бориб келинмоқда.

II.ТЕХНИК ҚИСМ


2.1 Сув тақсимлаш иншоотидан фойдаланувчи ташкилот.
Ўзбекистон Республикаси Биринчи Президентининг 2003 йил 24 мартдаги ПҚ-3226-сонли “Қишлоқ хўжалигида ислоҳотларни чуқурлаштиришнинг энг муҳим юналишлари тўғрисида”ги Фармонини бажариш, ҳамда ирригация тизимларини бошқаришнинг маъмурий - ҳудудий принципидан ҳавза принципига ўтиш мақсадида, Ўзбекистон Республикаси Вазирлар Маҳкамасининг 2003 йил 21 июлдаги 320 - сонли қарорига кўра, мавжуд сув хўжалиги ташкилотлари ва хизматлари тузилмалари ҳамда ҳудудий бўлинмалари негизида “Аму - Бухоро” ирригация тизимлари ҳавза бошқармаси ташкил этилди. Бухоро вилоят Адлия бошқармасининг 2003 йил 9 сентябрдаги 7 - сонли реестерига асосан рўйхатдан ўтказилган. Ташкилот зиммасига сувдан фойдаланишнинг бозор принциплари ва механизмларини жорий этиш асосида сув ресурсларидан мақсадли ва оқилона фойдаланишни ташкил этиш, сув хўжалигида ягона техника сиёсатини ўтказиш, истеъмолчиларга сувни узлуксиз ва ўз вақтида етказиб бериш, ирригация тизимлари, сув хўжалиги иншоотлари техник ишончлилигини таъминлаш, ҳавза ҳудудида ирригация тизимлари сув ресурсларини оқилона бошқариш, истеъмолчилар билан сув ресурсларидан фойдаланишнинг аниқ ҳисоб китобини таъминлаш вазифаси юклатилган.

• 
  Бу ишларни амалга оширишда ҳавза бошқармаси тасарруфига бевосита бўйсунувчи 5 та ирригация тизимлари бошқармалари фаолият юритади:
  
• 
  - “Аму – Қоракўл” ирригация тизим бошқармаси;
  
• 
  - “Шохруд – Дўстлик” ирригация тизим бошқармаси;
  
• 
  - “Хархўр - Дуоба” ирригация тизим бошқармаси;
  
• 
  - “Тошрабод - Жилвон” ирригация тизим бошқармаси;
  
• 
  - “Тошрабод – Ўртачўл» ирригация тизим бошқармаси.
  

Бундан ташкари ҳавза бошқармаси қошида 2 та мустақил фаолият юритувчи ташкилот мавжуд:

• 
  - Гидрогеологик мелиоратив экспедицияси;
  
• 
  - Насос станциялари ва алоқа бошқармаси.
  

Шунингдек, Ўзбекистон Республикаси Вазирлар Маҳкамасининг 2008 йил 7 майдаги 92 - сонли қарори асосида, Суғориладиган ерларнинг мелиоратив ҳолатини яхшилаш жамғармаси маблағларидан самарали фойдаланиш, мелиорация ва бошқа сув хўжалиги ишларини бажаришга ихтисослаштирилган пудрат ташкилотларини ривожлантириш, уларнинг моддий - техник базасини мустахкамлаш ва рақобатбардошлигини ошириш мақсадида “Аму - Бухоро” ирригация тизимлари ҳавза бошқармаси таъсарруфида 4 та сув хўжалиги ишларини бажаришга ихтисослашган давлат унитар корхоналари ташкил этилиб, фаолият юритмоқда:

• 
  - “Қоракўлдавсувмахсуспудрат” давлат унитар корхонаси;
  
• 
  - “Ромитандавсувмахсуспудрат” давлат унитар корхонаси;
  
• 
  - “Шофиркондавсувмахсуспудрат” давлат унитар корхонаси;
  
• 
  - “Бухородавсувмахсуспудрат” давлат унитар корхонаси.