Ўзбекистон республикаси олий ва ўрта махсус таълим вазирлиги тошкент Давлат техника университети Р. Ф. Мингазов, Х. C исахўжаев, Р. К. Чембаев

XVI. боб ИССИқЛИК ЭНЕРГЕТИКА қУРИЛМАЛАРИНИ
ТАЪМИРЛАШ


16.1. Таъмирлаш ишларини ташкил қилиш

Буғ турбина блокини узлуксиз ва самарали ишлатиш, ишлатилаётган жихозларга юқори даражада ҳизмат кўрсатишга ва уларни ўз вақтида ҳамда сифатли таъмирлашга боғлиқ.

Ҳар қандай таъмирнинг асосий вазифаси шикастланган деталларни тиклаш ва эскирганларни алмаштириш, жихозлар ишидаги нормал бўлмаган ва ишдан чиқишга олиб келувчи сабабларни аниқлаш ва бартараф этиш, ишдан чиққан деталларни алмаштиришдан иборат. Бундан ташқари таъмирлаш вақтида жиҳозларни ишончли ва самарадар ишлашини амалга ошириш бўйича режада кўрилган тадбирлар амалга оширилади.
Жорий таъмир агрегатларни қисман сочиб ташлаб, уларни кўридан ўтказиш ва тозалаш, айрим шикастланган ва ишдан чиққан деталларни алмаштириш ва таъмирлашни, агрегатни йиғиш ва созлашни кўзда тутади.
Капитал таъмирлаш эса йирик таъмирлаш бўлиб, ўз олдига турбина қурилмасининг асосий элементларини тиклашни, алмаштиришни, масалан диафрагмаларни, кўрикмаларни, куракча аппаратларини, подшипникларнинг ичқуймаларини конденсаторлар ва регенератив қиздиргичларнинг қувурчаларини алмаштиришни мақсад қилиб қўяди.
Электр станцияни жиҳозларини ревезия қилиш ва таъмирлаш станцияси бош мухандиси тасдиқлаган режа асосида амалга оширилади.


16.2. қозонларни таъмирлаш


қозонни капитал таъмирлаш иситиш юзаси қувурларининг қисми, деталларни таъмирлаш ёки алмаштириш бўйича ишлар бажарилади.
Қозонни истиш юзасида қуйидаги ишлар бажарилади:
- иситиш юзаси қувурларини тўғрилаш (умумий сонидан 25 % гача), дистанцион маҳкамлаш деталлари ва дефект участкаларни алмаштириш;
- қозонларда ўтхона камераларининг қувурларини дефект участкаларини алмаштириш, босим 10,0 дан 20,0 Мпа гача бўлганда қувурларнинг умумий сонидан 5% гача, босим 2,5 % гача,
- тўғри оқимли қозонларда ўтиш зонаси қувурларининг дефект участкаларини алмаштириш (қувурларининг умумий сонидан 2,5 %гача);
- қувурларни маҳкамлашни тиклаш (умумий сонидан 5% гача);
- қувурларни чанг ва кулдан ишдаш чиқишини ҳимояловчи қурилмаларни алмаштириш ва таъмирлаш;
- қозон, барабан, коллекторлар ва қувур ўтказгичларнинг қувур тизимининг уланиши ва металл ҳолатини йўриқномага мувофиқ, рахбарий ва аварияга қарши кўрсатномага биноан назорат қилиш;
- коллекторларнинг деформацияси ва қизитилмайдиган қувурларнинг ҳолатини назорат қилиш.