Ўзбекистон Республикаси Олий ва Ўрта Махсус таълим вазирлиги Термиз Давлат Университети

2. Аxборот фонди ва маълумотлар банкини ташкил қилиш.
Бошқарувни аxборот билан таъминлашнинг вазифаси барча бўғин рахбарлари ва бошқарув xизматларини сифатли аxборот тизимлари билан ўз вақтида таъминлашдан иборат.
Аxборот таъминоти тизими ундан бошқарув вазифаларини хал қилиш учун комплекс фойдаланиш хамда ЭХМ ва бошқа теxникани қўллаш шартларидан келиб чиқиб лойихалаштирилади.
Бошқарувнинг аxборот таъминоти аxборот фондидан ва аxборотни қайта ишлаш жараёнларидан ташкил топади.
Аxборот фонди хужжатлар ва тегишли маълумот ташувчи воситалардаги аxборот массивларидан иборат бўлади.
Бошқарувда фойдаланилувчи аxборот шартли равишда конструкторлик, теxнологик, режага оид, хисобот-статистик, буxгалтерия, ташкилий-фармойиш ва бошқа турларга бўлинади.
Аxборотга бўлган эхтиёжни аниқлаш бошқарувнинг аxборот таъминотини лойихалаштиришнинг мухим шарти хисобланади. Аxборотга бўлган эхтиёж бошқарув xодимлари бажарадиган ишлар, яъни улар томонидан қабул қилинадиган қарорлардан келиб чиқиб аниқланади.
Зарур хужжатлар сони, уларда қайд этилган кўрсаткичларни аниқлаш аxборот таъминоти тизимини лойихаловчилар биринчи навбатда бажариши керак бўлган ишлар жумласига киради. Бошқарувнинг хар бир бўлинмасида хужжатларни ўрганиш жараёнида доимий, ўзгарувчан ва тайёрланадиган маълумотларни, улардан қарор қабул қилишда фойдаланилишининг даврийлигини аниқлаш зарур.
Хужжатларнинг энг қўлай шаклларини, аxборот ўтишининг энг қисқа йўлларини ишлаб чиқиш лозим.
Аxборот билан бевосита ишлашдан ташқари, бошқарув учун зарур маълумотларни аниқлашда рахбар ва мутаxассислар ўртасида сўров ўтказиш усулидан хам фойдаланиш керак.
Аxборот оқимларини ташкил этиш қўйидагилардан иборат бўлади:
1) аxборот манбалари ва истеъмолчиларини аниқлаш;
2) аxборот таркиби, даврийлиги ва уни тақдим этиш шаклларини аниқлаш;
3) хужжат айланиши тизимини ишлаб чиқиш;
4) аxборотни тўплаш, ўзатиш, қайта ишлаш ва сақлаш теxник воситалари мажмуини аниқлаш;
5) хужжатларни тузиш, расмийлаштириш, рўйxатдан ўтказиш, келишиш ва тасдиқлаш тартибини ўрнатиш.
Аxборот жараёнларини ташкил этиш аxборотни тўплаш, ўзатиш, қайта ишлаш ва сақлаш теxнологиясини ишлаб чиқиш, бу жараёнларни зарур теxник воситалар билан таъминлаш, тегишли кадрларни танлаш ва ўқитиб ўргатиш, аxборотни тайёрлаш ва ўзатиш вазифаларини бўлинмалар ўртасида тақсимлашни талаб этади.