Ўзбекистон республикаси олий ва ўрта махсус таълим вазирлиги термиз давлат университети архитектура ва қурилиш факултети

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ

ТЕРМИЗ ДАВЛАТ УНИВЕРСИТЕТИ АРХИТЕКТУРА ВА ҚУРИЛИШ ФАКУЛТЕТИ

“ҚУРИЛИШ МАТЕРИАЛЛАРИ ВА БУЮМЛАРИ” ФАНИ БЎЙИЧА

МАЪРУЗАЛАР

11. маъруза: БЕТОН ҚОРИШМАСИ ВА УНИНГ ХОССАЛАРИ.

ТерДУ Ўқитувчиси: Танрикулов Абдусаттор Артикович
ТЕРМИЗ - 2021
11-Мавзу: Бетон қоришмаси ва унинг хоссалари.
Режа:

• 1. Бетон қоришмаси ва бетоннинг хоссалари.
• 2. Бетон хоссаларига таъсир этувчи омиллар.
• 3. Пластификаторлар. Қотишни тезлатиш усуллари.
• Таянч сўз ва иборалар: зичлик, бетон қоришмасининг сурулувчанлиги, бетон қоришмасининг бикрлик даражаси, боғланувчанлик, сиқилишга мустаҳкамлик чега-раси, маркалар, синфлар, пластификатор, махсус қўшимчалар, тез қотувчи бетон.

Бетон қоришмасининг хоссалари ва уларга таъсир этувчи омиллар

• Бетон қоришмаси деб, танлаб ва синчиклаб аралаштирилган цемент, тўлдиргичлар, сув ва зарур бўлган ҳолларда қўшимчалар (пластификаторлар ва қотишни тезлаштирувчилар) ни қолипланиши ва қотиши бошлангунигача бўлган аралашмасига айтилади.
• Бетон қоришмаси мураккаб кўп компонентли система бўлиб, у боғловчи материалнинг заррачаларидан, янги хосил бўлган минераллардан (сув билан боғловчини реакцияси натижасида) тўлдиргичлардан, сув, баъзи вақтларда кўшилган қўшимчадан, киритилган хаводан иборат бўлади.
• Бетон қоришмасининг хоссалари ундан ҳосил қилинган бетоннинг сифати ва хоссаларини етарли даражада олдиндан белгилаб беради. Қолип ёки қолипни зич тўлдириш учун янги тайёрланган бетон қоришмаси керакли равишда қулай ётқизувчанликка эга бўлиши керак: бундан ташқари у боғланувчан ҳам бўлиши керак.

Бетон қоришмасининг КЛАССИФИКАЦИЯСИ
Бетон қоришмаси бетон турига кўра қуйидагиларга бўлинади
Оғир бетон учун бетон қоришмаси (БСТ)
Майда донали бетон учун бетон қоришмаси (БСМ)
Енгил бетон учун бетон қоришмаси (БСЛ)
Қулай жолашувчанлигига кўра бетон қоришмаси қуйидаги группаларга бўлинади
Бикр(қаттиқ) (Ж); қўзғалувчан (П); ёйилувчан(Р). Бу группалар қулай жолашувчанлик бўйича маркаларга бўлинади.
Оғир бетон учун бетон қоришмаси шартли белгиси; (БСТ)